|
ما علاج الحالة النفسية للقطط
السلام عليكم ورحمة الله وبركاته عندي قطة من نوع البرتش كملت عندي حدود الستة شهور من شريتها بس المشكلة اللي تعرضت لها القطة ان اخوي كان يبغي يحرك السياره فداس على رجلها فكانت تتلوى من الالم بس انا وديتها للبيطره فعطاها حفنة مضاد للالم وكشف عليها وطمني عليها واكدلي انها بتستعيد صحتها شوي شوي والحمد لله شفت وردت تمشي وتاكل مثل اول انكتب لها عمر جديد لكن المشكلة ماانتهت صارت اتخاف تطلع للحوش اوتلعب من اطلعها للحوش ترجع تدخل البيت وهي خايفة مادري شنو الحل هل هذه الاعراض عن حالة نفسية وهل لها علاج الرجاء دلوني على العلاج تكفون واسمحولي على الاطالة |
رد: ما علاج الحالة النفسية للقطط
اضني خايفة من القطط الاخرى المحلية و اضني تذكرت الحادثة
و المهمم اترك المجال للجميع :) |
رد: ما علاج الحالة النفسية للقطط
وعليكم السلام ورحمة الله وبركاته
اممم مشكله القطط لما تخاف من شي صعبه تعودها عليه انا قطوتي كانت تخاف تطلع برى بالحوش ولما اطلعها تجلس تتلفت تخاف وتخربش الباب لحد ماافتح وتركض لتحت السرير وماقدرت اعودها وانت قطتك تعرضت لموقف ماظن تنساه بتصير دايما تخاف انت حاول تطلعها ولايكون فيه صوت بالبدايه طلعها بالبوكس وبعدين خليها بدون شي بس لو حسيتها مو مرتاحه لاتضغط عليها |
رد: ما علاج الحالة النفسية للقطط
ممكن انها خايفة من القطط الاخرى
او تتذكر الحادثة ممكن انها حالة نفسية |
رد: ما علاج الحالة النفسية للقطط
انا قطتي لوتشوفني لابسة العباية تشرد وتندس ولاتطلع الالمن اروح او افسخ العباية
مسكينة تعقدت تحسبني بشيلها عند الدكتور. ولا قدرت اغير من نفسيتها احسن لك انها ماتطلع الحوش |
رد: ما علاج الحالة النفسية للقطط
هذي المشكله القطط ذاكرتهاااااااااا قويه جدااااااااااا انا دوني حبيبي لو تدرون وش يخاف منه يخاف من العطورات لاني ساعات اعطره وصرت كل ما اخذت عطر بعطر نفسي فيه خاف وراح يجري بعيد عني
|
رد: ما علاج الحالة النفسية للقطط
اشكر الجميع على الرد والمشاركة بس فكرة دلوعة قطوتي اشوفها مناسبة بجربها والله يستر :eek: |
رد: ما علاج الحالة النفسية للقطط
اقتباس:
اهلا وسهلا فيك بالقسم نورت المشكله عند القطط انها حساسه وتخااف من اغلب المواقف اللي بتحصل لها سواء كانت دهس او وجود قط كبير متوحش او بسبب الضرب الشديد على القط كلها تؤثر تاثير كبير على القطه وتجعله مايكرر فعلته او وجوده مع شخص غير محبب او خروجه لمنطقه هو اخذ منها موقف خطر.. ماعليك الا الصبر وبالتدريج تحلى الامور.. بخصوص قطك ..في البدايه ادخله للبوكس واخرجه في الحديقه مع عدم فتح البوكس في اول الايام الثلاثه ..فقط تمشى فيه وهو داخل البوكس . بعد انتهاء الثلاث ايام ..في اليوم الرابع افتح البوكس ولاتخرجه فقط اتركه داخل البوكس حتى يشعر بالامان وهو في الحديقه.. وهكذا حتى تلاحظ القط مع تكرار الطريقه يخرج وهو مطمن ومرتاح.. |
رد: ما علاج الحالة النفسية للقطط
|
رد: ما علاج الحالة النفسية للقطط
اقتباس:
تسلمين خبيرة المنتدى على الرد والمعلومات الطيبة |
| جميع الأوقات بتوقيت GMT +3. الساعة الآن 01:54 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو