منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   لو سمحتوا حد يساعدنى بليييييييييز (http://www.2zoo.com/vb/showthread.php?t=201263)

enga7med 21-01-2011 05:47 PM
لو سمحتوا حد يساعدنى بليييييييييز
 
اولا سلام عليكم
انا لسه مشترك فى المنتدى حالا كان نفسى يبقى اول موضوع حاجة مفرحة يعنى
بس فعلا فكرة المنتدى جميلة و انا سعيد الاشتراك بيه
انا عندى قط رومى عمره 9 شهور هو جه فجأة كده اول امبارح كان فى أول اليوم كويس عادى و هو شقى جدا و بيلعب و كل حاجة بس فجأة لقيناه مش عاوز ياكل ولا يشرب
فقولنا يمكن مش عاوز ياكل الاكل بتاعه فأديناه سمك مشوى بس قطع صغيرة اوى
كلها وجه على بليل سورى يعنى راح متقئ فسبناه ولما صحينا تانى يوم كان تقئ اكتر من 7 مرات من غير مياكل ولا يشرب مش عارف كل ده بيجى منين و لغاية دلوقتى برضوا نفس الموضوع و زيادة عليه انو مصمم يقعد فى حتة فيها مية يعنى كل شوية اجيبوا من جوة البانيو و هو بيترعش و فى عز البرد اللى احنا فيه كمان مبقاش بيعرف يقف و يمشى كويس اكيد ده من الهبوط اللى عنده و هو على فكرة مش عاوز يشرب مياه خالص
احنا النهاردة ادينالو مية فى سرنجة بالعافية و ادينالو بران بران و بعديها حطنالو زبادى بالعسل واديناهولو و هو لغاية دلوقتى متقيئش بس على طول فى البانيو و كمان مش بيمشى و لا بيقف حتى و صوتوا غريب جدا صوت ضعييف اوى و جسمه بيتنفض على طول
سورى طولت عليكم اوى يا ريت اى حد عاوز ينصح بأى حاجة يقووووول بس فى ملحوظة انا مفيش دكتور بيطرى جنبى خالص مفيش غير مكان بنشترى منه اى حاجة ليها علاقة بالقطط زى الادوية يعنى لكن مفيش حد يشخص المرض
ارجو الرد و شكراااااااااااااااا

bebee.cat 21-01-2011 05:52 PM
رد: لو سمحتوا حد يساعدنى بليييييييييز
 
على البيطري على طووووووووووووووووووول

enga7med 21-01-2011 05:54 PM
رد: لو سمحتوا حد يساعدنى بليييييييييز
 
مهو المشكلة مفيش بيطرى موجود جنبنا
مش عارف اعملوا ايه والله

امل شاعر 21-01-2011 11:07 PM
رد: لو سمحتوا حد يساعدنى بليييييييييز
 
اسلام عليكم ورحمته الله وبركاته

سلامات عليه اسمعيني اخرجيه من البانيو ودفيه كويس

ده بردان يحرام اعمليلو دجاج مسلوق وافروميه تمام وصفيه واعطيله بالشرنجه

غصب والاهم دفيه تمام واتمنا الخبرا يفيدونك

قلبي معاكي

*Meme Love* 21-01-2011 11:57 PM
رد: لو سمحتوا حد يساعدنى بليييييييييز
 
عنده برد شديد اعطيه زبادى بالعسل بالسرنجه مرتين باليوم حتى لو بالغصب

واعطيه دجاج مسلوق خالى من العظم والجلد والدهون والبهارات وقطعه له قطع صغيره
واخلط معه فاصوليا وبطاطس مسلوقه وقطعهم قطع صغيره ورش عليهم دراى فود مطحون

الدراى فود DrY Food
( ROYAL CANIN )
هو طعام مفيدا جدا للقطط غير المعلبات

فوائده

* يعتبر وجبه مشبعه للقطط .
* تنويع الاكل للقطط فبدلا من الاكل الطرى Soft Food لابد من تقديم اكل جاف للقط .
* به فيتامينات تساعد على نمو القط .
* أكل مضمون ليس به أى شبهه من تلوث وخلافه .
* يساعد القط على أزالة طبقة الجير المتراكمة على الأسنان .
* مفيد للقط فى حالة الإسهال .
* يساعد على تدليك اللثة .
* يمنع الرائحة الكريهه من فم القط .
* يقوى العظام .
* به معادن تساعد على لمعان العين .
* تساعد فى نمو العضلات ونمو الأنسجة لدى القط لاحتوائه على البروتين .
* يحافظ على حسن نمو شعر القطط لاحتوائه على الأحماض الدهنية .
* يعتبر مكمل غذائى للقط .
* يستعمله البعض ريجيما للقط .


اشترى دراى فود للقطط الكبار

http://www.zooplus.co.uk/bilder/roya...400/4900_3.jpg


وخلى دايما الماء قريبه منه واهم شئ نظيفه وصافيه واذا ما شرب اعطيها له بالسرنجه كل ساعتين
حتى لا يصاب بالجفاف ويؤدى الى الموت

وابتعد عن المعلبات واى اكل للقطط غير الدراى فود
يمكن اعطاء القط منه لمكافأته على شئ او نوع من التغيير
واذا هتستعمله كنوع من التغيير اعطيه مره واحده فقط بالاسبوع

لان المعلبات وهذه الاكلات تسبب اسهال وتساقط شعر وديدان ورائحة فم كريهه والتهاب لثه وغيره
بس دلوقتى لا تعطيه منه لحد ما يشفى

وابتعد ايضا عن الاكلات البحريه من الاسماك وغيرها لانها تسبب اسهال وتساقط شعر

واقفل باب الحمام كويس ولا تخليه يدخل ابدا

وخليه دايما فى مكان دافى


وما تشوف الا العافيه

بالتوفيق

الخبيرة ناديا 22-01-2011 02:21 AM
رد: لو سمحتوا حد يساعدنى بليييييييييز
 
قطك مريض وعنده برد ضروري جدا تدفيه وتعطيه مضاد حيوي من الصيدليه البشريه اسمه كلافوكس

اعطيه مل 1مل مره واحده في اليوم لمده خمس ايام.

وضروري حالا توقف الاكل عنه لمده 8 ساعات بس وتخلي الماء بجانبه..

بعد ماتخلص الثمان ساعات ..اعطيه من شراب موتيليوم بمقدار 1مل بالسرنجه مره في اليوم

ولمده ثلاث ايام مع تكرار نفس الطريقه بالتصويم لاكن في اليوم الثاني بيكون فقط ربع ساعه

ثم اعطيه من الشراب..

والعلاج موجود في الصيدليه البشريه ..

وممكن تشوفي صورته في صيدليه القطط في قسمنها ..

والاكل ضروري تاكل بالسرنجه زبادي دااافي مع ملعقه عسل..

واخلطي في الخلاط دجاج مسلوق مع رز ابيض مسلوق خالي من الملح والبهار

واكلي القطه بالسنجه على دفعات صغيره جدا جدا ..

طمنينا عنه

*Meme Love* 22-01-2011 02:50 PM
رد: لو سمحتوا حد يساعدنى بليييييييييز
 
طمنا خيو


جميع الأوقات بتوقيت GMT +3. الساعة الآن 12:28 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو