|
السلام عليكم
السلام عليكم
شحالكم شباب :88: اخواني انا قررت باجر ان شاء الله اخذ قط بس ما اعرف كيف اربيه ممكن شرح من البدايه من 1_ الغذاء 2_ العنايه 3_ الاستحام 4_ قضي حاجتها وجيه يعني واكون شاكر لكم في حفظ الرحمن :) |
رد: السلام عليكم
وعليكم السلام ورحمة الله وبركاته
حياك الله اخوي معانا تفضل هالرابط شامل لكل شي ولو حبيت اي سؤال اسأل وبنساعدك ان شاءالله http://www.2zoo.com/vb/showthread.php?t=101401 |
رد: السلام عليكم
اللله ايحيييج ويبقييج :) اختي عندي كم سوال لو ما ليج اماره :)
بغيت نظام للطعام شو اكككلها وكم مره فليوم وكم مره اسبحه فلاسبوع او بليوم ويوم اخذ القط شو اخذ معاه ؟ |
رد: السلام عليكم
اهلين
اول شي كم عمر قطوتك؟ بغيت نظام للطعام شو اكككلها وكم مره فليوم الاكل دجاج مسلوق بدون ملح ولابهارات واضيف له خضار (بطاطا جزر ذره فاصوليا بازلاء) اللي تحب وممكن شوية رز او مكرونه او شوفان تطبخهم سواء ولو مارضت ممكن الدجاج لحاله او تخلطه مع جبن او زبادي ممكن تعطيها جبن مثلث او كيري توست بحليب او زبادي او لبنه بس لاتكثر الحليب عشان مايسبب لها اسهال الله يكرمك بيضه مقليه مع شوية جبن او لحالها سيريلاك احيانا اخلطه لحاله واحيانا مع الدراي فوود الدراي فوود(الاكل الجاف واختار على حسب عمر قطوتك السمك فيليه المسلوق مره او مرتين بالاسبوع ولاتعطيها كثير يسبب تساقط شعر التونه ماانصحك فيها واذا بتعطيها لاتكثر ومره بالاسبوع وصفيها من الزيت لانها بتسبب اسهال ولو قطوتك صغيره لاتعطيها تونه طبعا الاكل مسلوق وبدون ملح ولابهارات ولادهون اكل العلب ماانصحك فيه الا كنوع من التغيير مره بالاسبوع اذا صغيره تقريباا وجبه كل 4 او 5 ساعات اما اذا كبيرة 3 وجبات وبينهم اشياء خفيفه لو جاعت وكم مره اسبحه فلاسبوع او بليوم اذا القطوه كبيره مره بالاسبوع بالصيف وكل اسبوعين بالشتاء (ماانصحك تحممها بالشتا الا والمكان كله دافيء وممكن تستعمل البودره لتنظيف القطه بالشتاء او البخاخ اما اذا القطه صغيره ابتعد عن الشور نهائيا واستعمل لها البودره الدراي كلين ويوم اخذ القط شو اخذ معاه ؟ الدراي فوود المشط الليتربوكس والتراب والمجرفه وصحن للاكل والمويه منشفه شامبو للقطط او شامبو جونسون للاطفال مقص اظافر البوكس للتنقل طوق فيه جرس عشان تسمع صوتها:D سرير لو حاب تدلعها وممكن تخليها تنام بسله مفروشه ببطانيه قطنه وتغسلها كل اسبوع وتعرضها للشمس بودره الدراي كلين وفيه بخاخ منه ترشه عالشعر دقيقه وبعدين تمشط الشعر وريحته حلوه وهذا اللي ببالي حاليا |
رد: السلام عليكم
نظام للطعام شو اكككلها وكم مره فليوم ؟؟
على حسب عمر قطتك اذكانت من شهرين- 5 اشهر 4 وجبات في اليوم كل ست ساعات وجبه وكم مره اسبحه فلاسبوع او بليوم انا عن نفسي اسبح قطاوتي في الصيف مره كل اسبوعبن وفي الشتاء كل شهر ويوم اخذ القط شو اخذ معاه ؟ تاخذه وين تروح تتمشى تروح بيت واحد تعرفه اذ تتمشى لازم حبل تلقاه في محلات بيع الحيونات والصوره في المقطع http://www.youtube.com/watch?v=ufHVl-xTXhQ ام اذ بتروح وتتركه في بيت زي البيوت تاخذ بوكيس تنقال ايضا تلقاه في محلات بيع الحيونات |
رد: السلام عليكم
مشالله عليهم الاعضاء ما قصرو معك
تقبل مروري |
رد: السلام عليكم
مشكورين اخواني ع المرور الطيب والمفيد :)
ههه اسمحولي بزعجكم شوي :p بس ممكن توضحون لي معنى الدراي فود هل هو الي فلجمعيات الي يكون في اكياس ؟ و هل القطو لو اول ما اجيبه للبيت اهده فلحجره ؟ وكيف شكل حمامه عزكم الله واكون شاكر لكم واسحمولي على الازعاج :) |
رد: السلام عليكم
و شو هو بخاخ التنظيف ؟ والبودره ؟
|
رد: السلام عليكم
ايوه الدراي فوود هو الاكل الجاف اللي بالاكياس وافضل نوع رويال كانين وبعده مياو مكس فريسكس ويسكاس
واول ماتجيبه خليه بالغرفه على راحته يستكشف ولاتحاول تمسكه بالغصب اما الحمام اللي هو الليتر بوكس هذا رابط شامل لكل شي http://www.2zoo.com/vb/showthread.php?t=107465 البخاخ للاسف ماصورته لانه الكامير مو عندي الحين بس عندي صورة البودره http://www.iraqup.com/up/20101225/S4..._734482899.jpg |
رد: السلام عليكم
لو كانت القطه صغيره اقدر انظفها بفوطه وعليها شويه ماي يعني بس امسحها ؟
واخر سوال , الدراي فود يقدم كوجبه ولا اخلطه مع الخضار والدجاج وكم الكميه الي احطلها فلصحن ؟ |
| جميع الأوقات بتوقيت GMT +3. الساعة الآن 04:05 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو