حاضنة صغار الببغاء
السلام عليكم ورحمة الله وبركاته
دايماً وانا اقرأ الموضيع اشوف الاعضاء يقولون انهم علشان يغرون الفراخ بالابرة وجعلهم أليفة نقلوا صغار الببغاء من الابوين الى الحاضنة لحفظهم من البرد وابقائهم دافئين .. وبعد بحث طويل عن صورة حاضنة لقيت هذي الصورة http://badr-t.com/up/african-grey/17.jpg هل الحواضن متوفرة هنا في السعودية - الشرقية - ؟ فين ألقي حاضنة لصغار الببغوات في الدمام أو الخبر او البحرين أن امكن ؟؟ وكم أسعارهم ؟؟ لان الشتاء قريب بيجي .. والاجواء تبرد .. وانا احتاجها ضروري جداً واذا احد صمم حاضنة بنفسه ياليت يقول لنا عنها ويفيدنا واللي عنده حاضنة يحط صورتها وشكراً لكم |
رد: حاضنة صغار الببغاء
اخوي تصميمها صعب شويه
لانه يبغالك خامات سهله التنظيف وتحكم كامل بدرجه الحراره بالداخل وفتحات للتهويه يعني موضوعها صعب شوي الا لو فكرت بصنع شئ بدائي فممكن يمشي معاك للاستخدام مره وحده وطريقته نفس طريقه الهوسبيتال كيج صندوق خشب مقفل من ثلاثه جهات والجهه الرابعه نصفها التحتي خشب والنصف الاعلى شبك وتسوي عند الكهربائي تسليكه للمبه 60 وات تحت الصندوق طبعا تكون مصمم لها مكان وتحط الفرخ بداخل هذا الصندوق بس الخشب صعب التنظيف شويه يعني يبغالك تسوي طبقه كثيفه نشاره خشب وتغيرها كل فتره طبعا ممزوجه بالبورده الي تقضي على الجراثيم وتلقاها عند محلات البيطره وعلشان تريح راسك من وجع الدماغ الي مكتوب فوق كله اشتري وحده جاهزه وريح راسك بالنسبه هنا في السعوديه ماعمري شفت حضانه بصراحه في محلات الطيور البحرين ماعندي اي خلفيه عنها بس تقدر تستوردها من المحلات المتخصصه في بريطانيا وغيرها ويجيك شئ مرتب وحلو وجاهز وطبعا فيه منها اشكال والوان وفيه الي لفرخ واحد والي تشيل 4 فروخ وسعرها يتراوح مابين (1600 الى 4000 ) وفيه اغلى وفيه ارخص حسب الجوده والمواصفات واذا ماتعرف احد يستورد لك او مالقيت هنا راسلني على الخاص ممكن ازودك برقم شخص ان شاء الله يستورد لك بسعر مناسب تحياتي |
رد: حاضنة صغار الببغاء
آلســــــــلام عليكم ...
مآشآء آلله آخوووي كزنوفآ .. كفى ووفـى.. وآن شآء آلله تحصل آلي تبيه .. عن نفسي مآقد شفتهآ بمحلات آلطيوور . تقبل مرووري |
رد: حاضنة صغار الببغاء
ان شاء الله تلقاها وييدونك الشباب...
|
رد: حاضنة صغار الببغاء
انا عندي اقتراح لك اذا ما حصلتها
تلقا في محلات الطيور والاسماك احواض للاسماك انصحك تاخذ حوض شوي كبير وتحط فيه لمبه صفراء بالطريقه هذي انت تحمي الطيور من الجو البارد واللمبه الصفراء تعطيهم حراره اما في الليل راح يكون الحوض محتفض بحراته ولا نتسى انك تحط نشاره الخشب وبالطريقه هذي يسهل التنظيف والجو يكون دافي للفروخ هشي انا ما جربته بس انا عطيتك اقتراح وفكره حقوق النشر محفوظه هههههههههههههههههههههههههههههههههه بالتوفيق يارب |
رد: حاضنة صغار الببغاء
اخوي في شخص يبيع حاضنه هنا في الكويت
اذا حاب اشوفها لك بلغني |
رد: حاضنة صغار الببغاء
اقتباس:
مشكور أخوي على الطريقة ... الطريقة صعبة بعض الشيء تقصد صندوق خشبي في قاعدته طبقتان ؟؟ الطبقة اللي فيها اللمبة واللي فوقها الشبك وفوقها النشارة ؟ وفوق النشار احط الفرخ ؟ بالنسبة لاسعارهم ماتوقعت انها كذا كنت احسبها مابين 300 الى 500 ريال لو مالقيت واحتجت لها راح ارسلك لك بالمناسبة انا بنت مو ولد :p |
رد: حاضنة صغار الببغاء
اقتباس:
اقتباس:
|
رد: حاضنة صغار الببغاء
اقتباس:
بالتوفيق |
رد: حاضنة صغار الببغاء
اقتباس:
مشكور أخوي يوفاي الكويت هالطريقة تشبه الطريقة اللي شفتها قبل قليل بس شوية اختلافات 1- حوض اسماك او صندوق بلاستيك له غطاء فيها منافد لدخول الهواء http://img337.imageshack.us/img337/8...tv3f5kcj1s.jpg 2 - برطمان او قارورة زجاجية زي برطمان النسكافيه يفي بالغرض http://img163.imageshack.us/img163/4...fed8430f5f.jpg 3 - السخان الخاص بأحواض الاسماك ويفضل المزود بترومتر " مقياس الحرارة" علشان ضبط درجة الحرارة المناسبة " طبعاً يوجد انواع عديدة بأسعار مختلفة http://img28.imageshack.us/img28/1769/heater25warl7.jpg 4 - ميزان لقياس درجة حرارة الصندوق مثل مقياس درجة حرارة الغرفة http://img255.imageshack.us/img255/4691/333g.jpg 5 - مناديل ورقية سميكة " مثل اللي تستخدم في المطبخ " ومنشفتان والطريقة : تفرش الصندوق الزجاجي بالمنشفة وتضع فوقها المناديل السميكة تملأ البرطمان بالماء وتضع به السخان واغلاقه جيداً من خلال فتحة من خلال فتحة بالغطاء البلاستيكي ووضعه في ركن من اركان الصندوق " افضل لصقه بشريط لاصق قوي حتى لايسقط البرطمان وتتبل الفراخ بالماء نضع ميزان الحرارة بالصندوق ونغلق الصندوق " حوض السمك " اذا الغطاء مافيه منافذ نعمل ثقوب في الغطاء علشان يتنفسوا الفراخ بعد اغلاق الصندوق نغطي نصف الصندوق بالمنشفة الثانية وترك النصف الاخر من الصندوق غير مغطى " نغطي النصف الذي يوجد به السخان" نشغل السخان وتعال لها بعد ساعة او ساعتين لترى درجة الحرارة ان كانت مناسبة وضع فراخك الصغيرة به هالطريقة شفتها في احد المنتديات لكن اضفت عليها بعض الاضافات مثل المنشفة وميزان حرارة الغرفة .. ان شاء اجربها قبل لاتوصل فراخي وان كانت ناجحة راح اكتب موضوع عنها |
جميع الأوقات بتوقيت GMT +3. الساعة الآن 03:54 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو