منتديات تو زوو - مشكلة الصيصان

وعليكم السلام ورحمة اللهـ وبركاتهـ ..

اكل الدجاج لريش بعض لهـ عدة اسباب ..

اما ان المكان صغير وضيق عليهم ,, عددهم أكبر من المكان نفسهـ ,, قلة الأكل ومايكفيهم ,, نقص ببعض المعادن مثل الكالسيوم ,, كثرة الذكور ولعبها الخشن مع بعض ,,

تقدر تتعامل معهم على حسب الموجود عندكـ من الاسباب ..

مثلا اذا المكان صغير عليهم كبرهـ ,, اذا عددهم أكبر من المساحة قلل عددهم أو افصلهم في قفصين منفصلين , اذا الأكل قليل كثرهـ لهم ,, اذا أنت حاطهم بقفص بدون تربهـ أو أكل متنوع ضيف لهم تراب ورش عليهـ شوي ماء ..

عطهم نشاطات يتسلون فيها مع بعض ,, مثلا يطاردون خنافس أو حشرات , يلعبون بالتراب سوا , احفر في التراب حفرة وحط لهم أكل يحبونهـ مثلا حبوب الشعير .. وادفنهـ . وخلهم يحفرون ويبحثون عنها ,,

اذا لقوها أكلوها ,, واذا مالقوها راح تنبت بعدين وبياكلونها ..

وانتبهـ تعطيهم كميات من اللحم ,, عطهم بقوليات أو حشرات أفضل عشان البروتين ..

وايضا عرضهم لأشعة الشمس ,, واتركهم كل فترة وفترة يطلعون من القفص عشان يلعبون ويركضون ..

اذا تقدر تعطينا تفاصيل أكثر عن عددهم وحجم المكان وموقعهـ ممكن نفيدكـ أكثر ..

ان شاء اللهـ أفدتكـ , وتحياتي لكـ .