|
ياخوان من يدلني وين اشتري يلوناب منه ؟؟؟
السلام عليكم ياخوان ابي اشتري ببغاء امزوني يلوناب من وين اشتريه وياليت واحد صغير ابي اي احد يعلمني من وين اشتريه وكم سعره |
رد: ياخوان من يدلني وين اشتري يلوناب منه ؟؟؟
من وين انت ؟؟؟؟؟؟
|
رد: ياخوان من يدلني وين اشتري يلوناب منه ؟؟؟
انا من الرياض
بس لاتقولي سوق الحمام لاني حافظه صم بعدين غااااااااالين عادي لو اشتري من برا الرياض |
رد: ياخوان من يدلني وين اشتري يلوناب منه ؟؟؟
سوق الحمام غالين ؟؟؟ ؟؟؟
واذا قلت لك ان اسعارهم ارخص شي في الرياض تبي تتأكد روح المحلات الخاصه مثل جون الحياة والطبيعه واحه الحيوان وفيفا الخ الخ وتعرف ان سوق الحمام فعلا اسعارهم معقووووووووووووووله وبعدين معروف الامازوني يلوناب غااااااااااااااااالي مافيه شي رخيص لاكن عندك ناس سعوديين في السوق اصحاب محلات تحصل عندهم اللي تبي او اطلب منهم يقدرون يدبرون لك واحد بالراحه بس المشكله ان محلاتهم مو مبينه تحصلها داخله مره ماتنشاف اسئل عليهم واترك عنك ابو هنود ماعندهم سالفه او عندك الحراج حق السوق خلك دايم فيه وخصوصا الخميس والجمعه ولاتستعجل ان شاء الله تحصل لك واحد بالتوفيق |
رد: ياخوان من يدلني وين اشتري يلوناب منه ؟؟؟
طيب يا شباب انا والله مبسوط انكم جبتوا الطاري لانه مشغلني ها اليام ... لقيت واحد يتكلم تمام ويغني و محجل ... مستورد على ما اظن المهم قال لي راعيه طبعاً هو عنده بالبيت مو بمحل يقول لي سعره النهائي بـ(9000) فما ادري وش رايكم لاني والله ناوي لي على يلو ناب ولا يلو دبل هيدد ... لقيت يلو دبل هيدد يتكلم انجليزي بس وسعره غالي بعد فيار تخبروني وين القى لي فرخ ولا حتى كبير بس متكلم ووليف وكم اسعارهم في الرياض .
الله يوفقكم ... |
رد: ياخوان من يدلني وين اشتري يلوناب منه ؟؟؟
ايه سوق الحمام كله ب 9000 وطقته
بس واحد من الشباب قايل لي انه شاري يلوناب من القطيف ب 2500 بسسسسس |
رد: ياخوان من يدلني وين اشتري يلوناب منه ؟؟؟
اقتباس:
لالا ممكن الموضوع فيه غلط او اي شي يلوناب غير اليف وغير مدرب مايجي سعره كذا اغلاااااااا بكثير سكود الله يخليك تأكد ؟؟ كان هذا الخبر صحيح يستاهل الواحد يشد الرحال للقطيف فرصه العمر والله .. لو ابيع الافريقي حقي وازود فلوس من عندي واشتري يلوناب اذا هذا سعره هناك وصويب الرمش فعلاااااااا هذي اسعارها انا حصلت واحد سعره يكسر الظهر 15000:confused: وبالنسبه لطلبك ابحث باستمرار في سوق الرياض وبذات في حراج الطيور وبرضوه شيك على المحلات ممكن تحصل لك واحد |
رد: ياخوان من يدلني وين اشتري يلوناب منه ؟؟؟
,والله انا زيك ياكروان ماصدقت انهبلت 2500 بسسسسسسسسسس ؟؟؟؟
بس الرجال توني مكلمه يقول انه شاريع ب 2500 يلوناب والله ودك من يروحلها ولا وش رايك :D |
رد: ياخوان من يدلني وين اشتري يلوناب منه ؟؟؟
حبيبي
اهل القطيف صراحه ماتعرف صدقهم من نصبهم مره واحد يقول لي شاري افريقي يتكلم واليف يتكلم كلام كثير بـ600 ريال!! اما يلوناب 2500 اغسل يدك سكود تبي يلونابات عليها الكلام ومزيونه وتنهبل عليها.... بس كثر فلوسك شف قريه الحيوان على طريق الملك عبد العزيز اكثر من مره رحت لهم لقيت طيور مزيونه |
رد: ياخوان من يدلني وين اشتري يلوناب منه ؟؟؟
انا متأكد 100%
ان الموضوع فيه غلط .. يلوناب 2500 مستحيل .. حتى الغير مدرب ولايتكلم سعره اكثر من كذا واذا ودك ياسكود نروح قدام .. ليش لا بس اخاف نوصل هناك ويطلع الموضوع مب صحيح وبعدين صديقك يقول انه شاريه ب2500 طيب انت اعرض عليه مبلغ 3000 او3500 واذا وافق انت الربحان وش رايك تجرب الفكره هذي |
| جميع الأوقات بتوقيت GMT +3. الساعة الآن 11:33 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو