|
اريد بناء غرفتين للكلاب ومحتاج مساعده
السلام عليكم شباب انا الصراحة الاسبوع الجاي ببتدي في بناء غرفتين لكلابي الجيرمن شبر طولهم 9 متر ×5 متر بس محيرني شاب كيف اسوي الله يعزكم البلاعه وانا جفت من كم يوم بيوت كلاب الرازم في المنتدى وعجبتني وايد ولاكن ماكان يبين من الداخل اشلون مسويهم ياريتكم اتفيدوني
السؤال الاول 1- الارضية شنو اركب بورسلان او ابوكسي بينت شنو اهوه الافضل ,شنو احط الارضية 2- بالنسبة للبلاعه كيف الطريقة عملها للاقفاص من الداخل 3- شنو تنصحوني اسوي قبلا لا ابتدي بالبناء شباب انا محتاج مساعدتكم ارجو تضيفون لي معلوماتكم القيمة وبكون جدا شاكرلكم يشباب . |
رد: اريد بناء غرفتين للكلاب ومحتاج مساعده
بالنسبه للارضيه .. البورسلان ناعم بزياده ..
وما اذكر بالظبط اسم النوعيه الطيبه لكن اذا لقيت اخشن شوي فهو ممتاز .. اما المجاري الله يكرمكم فافضل شي ترفع الشوي البيت وتصب صبه وتسوي تسليك مواصير تتحكم فيها افضل وخل فيها درجه ميالان للماصوره و للارضيه عشان تمشي المجاري صح .. اما بالنسبه للماصوره انا انصحك بحجم ال ٣ انش اقل شي . عشان ما يوقف فيها اي شي لا اكل ولا شعر ولا فضلات ولا غيره . بالنسبه للاشياء الثانيه اللي تنتبه لها . النافذه خلها جهة الشمال عشان الاضائه الخارجيه ما تنقطع وتتوزع على الجوانب ما راح تصير بشكل متسلط على البيت .. اذا امكن يعني :) احسب حساب تسليك الكهرب يكون كله من فوق.. والتكييف وفتحات الشفط والاناره من جهتين .. والمجاري وين راح تروح ؟لازم ما تخلي بيت الكلب مكان يتجمع حوله الماي عشان تتحاشى الحشرات . سو للباب فتحة حراسه للكلب تنفتح من جهتين وسو لها قفل متى ما بغيت تقفله الاناره لازم تكون بشكل جيد يعني خلها بنص السقف عشان تتوزع بالتساوي وما تكون خافته ولا قويه حيل . حاول قد ما تقدر يكون البيت سهل التنضيف والتعقيم والصيانه لو احتجت .. وامن مكان بعيد شوي عن البيت حق الفضلات الله يكرمك .. هذا كل اللي يحضرني واتمنى لك التوفيق . |
رد: اريد بناء غرفتين للكلاب ومحتاج مساعده
Musab Pro تسلم يالغالي وياريت مشرفنا الرازم يعليق ويراوينكي كيف اهوه عامل لبيوت الكلاب من الداخل
|
| جميع الأوقات بتوقيت GMT +3. الساعة الآن 10:59 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو