|
الحقوووو على كاندي
السلام عليكم
كيفكم..؟ لو سمحتو انا عندي البسه حقتي احس انها تعبانه ماتاكل ابد ودايم نايمه واذا صحت تروح للبوكس وترجع تنام مع العلم ان البراز قليل بس والمس اذانها ماحس في شي عشان ادري انها تعبانه ولالا ياليت الي عنده علم يخبرني لان الكل مقفل الحين :( |
رد: الحقوووو على كاندي
انت عطها وي الماي فيتامين او فاتح للشهيه عشان تقدر تاكل
وشوي شوي عطها اكل مثل دجاج مسلوق روب زبادي بس عطها بكميات قليله عشان تقدر تتعود عليه الله يشفيه لك بالتوفيق ^_^ |
رد: الحقوووو على كاندي
يمكن عندها والله اعلم اكتئاب لان قطتي كانت كذا
بس جيبلها العاب وطلعها الحوش شوي اذا كان عندك حديقه خليها تستانس شوي وهذا اللي اعرفه . بس لو توديها البيطري وتشوف عنها احسن |
رد: الحقوووو على كاندي
توها مطعمه صح؟
اذا توها مطعمه شي طبيعي كم يوم وترجع ان شاءالله طبيعه والاكل جيب من العلب اللي تحبها واخلطها مع اكل البيت عشان الريحه تجذبها |
رد: الحقوووو على كاندي
اقتباس:
بس الحين خلاص ماتاكل ابد الفيتامينا من وين اجيبها البيطريين الي عندنا كذابين اول سباك جاي الحين مسوي بيطري:mad::mad: اقتباس:
بس لو اطلعها بالحديقه على طول تهرب مني وتروح تتخبى ورى الاشجار اواي شي يعني مدري وش اسوي والاعاب ماعندنا مكان مخصص للالعاب البسس اقتباس:
اكل العلب لازم اطلع للررياض لاني رحت للقصيم ورحت للمجعه مالقيت علب بس مره لقيت مياو مكس وكنت اطحنه واحطه مع الدجاج المسلوق وتاكل بس الحين مدري شفيها:mad: |
رد: الحقوووو على كاندي
والله انا نصيحتي لك انك تجرب انواع جديدة من الاكل يمكن تكون ملت من اكلها لان انا قطي جاته فترة مل و بطل ياكل والحين الحمدلله ماشي حاله في الاكل .. بس انت حاول تجرب تاكلها بيض مسلوق مثلا كوجبة افطار .. وحاول مثل ما قالت الاخت " دلوعة قطوتي " تشتريلها من العلب المخصصة للقطط .. يعني غير لها الطعام .. بس اذا ظلت على نفس الحال ودها الطبيب البيطري بس لا تخليه يعطيها ابرة شوف وش يقولك والله يشفيها ان شاء الله
|
رد: الحقوووو على كاندي
اقتباس:
والله مدري بس بجرب مع العلم ان البيطري بعيييييد مره |
رد: الحقوووو على كاندي
القطه مريضه ولابد من بيطري توديها له.
لان الحراره وبدايه الانفلونزا تصيب القطه بحاله من عدم الرغبه بالاكل والنوم الكثير اذا انت ملاحظ انها ماتاكل مثل قبل وماتلعب وتخرج افرازات من انفها او وجود بلل في انفها .. او عيونها تدمع كثير ووجود لون وردي خفيف حول عيونها..بتكون معاها زكام لابد من اعطائها مضاد حيوي مثل بيتاموكس على حسب عمرها . وجرب معاها اعطيها تونه مره بالاسبوع . |
رد: الحقوووو على كاندي
اقتباس:
يعني فيها زكام طيب بيتاموكس وين فيه ذا وعمرها 4شهور او 5شهور ومعاها اسهال والحين اعطيها تونه موراضيه تاكل تكفون لان اهلي الحين ينزعجون منها لان عندها اسهال زياده واعطيها تونه موراضيه تاكل واذا بيتاموكس موجود عند البيطري حق الحيوانات الي الغنم لان المنطقه الي فيها مب موجود فيها متخصص تكفون عطوني حل بسرعه للاسهال والزكام:( |
رد: الحقوووو على كاندي
اذا عندها اسهال لاتعطيها تونه بيزيد
اعطيها مهلبيه او سيريلاك بالرز سويه بمويه واعطيها او اسلق دجاج مع بطاطا مع رز مصري وبالخلاط واعطيها تاكل واعطيها محلول الجفاف بيبي لايت تلاقيه بالصيدليه البشريه اخلطه مع المويه او شربها منه بالسرينج شوي كل ساعتين وقف الحليب والجبن لانهم بيزيدون الاسهال الزكام سوي لها بخار مويه وخليها تستنشق بيفتح انفها شوي ويسهل التنفس البيتاموكس مضاد حيوي كل 12 ساعه ومامنه خطوره ان شاءالله امن على القطط اعطيها نص القطاره كل 12 ساعه لمدة خمس ايام هذي صورة العلاج http://www.iraqup.com/up/20100913/uO..._508795906.jpg |
| جميع الأوقات بتوقيت GMT +3. الساعة الآن 09:31 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو