استفساااااااااااااااار
 

السلام عليكم ورحمة الله وبركاته

اخواني ببغاي فرخ هولندي ماينام وقال لي البيطري عطيه نصف مل من فيفادول الاطفال!وش رايكم..اخاف اني اخاطر احد قد جرب؟؟ووش ممكن ءأكله غير الحب الشمسي والفول السوداني والتفاح كل اسبوعين والخس كل اسبوع..ايش كمان؟ وقد ايش اعطيه خس عادي اعطيه اكثر من ورقة؟؟ارجو ارشادي ولكم جزيل الشكر

رد: استفساااااااااااااااار
 

بالنسبه للفيفادول ما ياثر عادي بس حط نصف معلقه في المشربيه حقت الماء يعني اخلطه وحركه زين

بس ماله داعي الطير ينام عادي لكن وفر له مكان مظلم وهادي

ورقه خس واحده تكفيه في الاسبوع

وربع تفاحه ايضا خلال الاسبوع

اما اذا كان فرخ وصغير الافضل ما تاكله غير الحب في الوقت الحالي وحتى الفول السوداني ما انصح فيه خلال الفتره هذي اذا كان فرخ

رد: استفساااااااااااااااار
 

اخوي كيف طيرك ماينام ممكن انت حاطه في مكان فيه حركه وازعاج وممكن الاناره قويه انا بالنسبه للفيفادول اول مره اسمع الله العالم بالنسبه للاكل عطه مخلوط الان يباع في محلات الطيور او اذا ماحصلت انا بعطيك طريقه تعملها للخطه وسهله انا دائما اعملها لطيوري بس لازم تشتري الفيتامينات الي على شكل رقائق والله ماادري اذا يباع عندكم في السعوديه او لا بس في البحرين موجود وانا دائما اشتري منها هي فيتامينات وكالسيوم وفواكه مجففه تباع مخلوطه او كل شيء لوحده ...........المهم انا ماابي اطول عليك هذه خلطه تقدر تشتريها من كل نوع ربع كيلو 1-ذره صفره 2-بازيلا مجففه خضره3-دخن 4-حب هريس 5-زبيب6-حب دوار الشمس فيه نوعين ابيض والاسود خذ الاثنين7-حب ابيض غير مملح نفس يذور الشمام 8-مانجو مجففه قطعا قطع صغيره مكعبه تحصلها في السوبر ماركت الكبيره 9- اناناس مجفف نفس الطريقه تقطعها مكعبات صغيره 10-موز مجفف 11-فول سوداني بس مو كثير 12-بذر الكتان ......هذه بالنسبه للخلطه في اكل ثاني بس لازم تنقعه في الماء لمده اربع ساعات وهو فاصوليا حمره 2-فول رومي او ( الباجلى)3-الحمص (بليله) فاصوليا بيضه 4-عدس اصفر.الخضراوات تقدر تعطيه مره في الاسبوع نفس الخس او الجزر والخيار ملوف وقرنبيط ابيض او اخضر اما الفواكه العنب التفاح الكمثرى ربع برتقاله لاكن تقطع الفواكه على شكل مربعات صغيره ولاتنسى انك تنزع البذور الي داخل الفواكه ........

رد: استفساااااااااااااااار
 

[/CENTER]

رد: استفساااااااااااااااار
 

حرام تعطيه دوا وخصوصا انه فرخ و مشالله الاخوان ما قصرو ربي يديمهم

رد: استفساااااااااااااااار
 

جزاكم الله خير وماقصرتوا

رد: استفساااااااااااااااار
 

حط الطير بغرفه ما فيها اضاءه قوية وغط القفص بشرشف من ثلاث جهات
وحط كاميرا التلفون تسجيل وخله بروحه . انا متاكد انه راح ينام .
واترك الادوية بعيد عن متناول الاطفال اقصد عن متناول الطيور :)