|
سؤال ممكن الرد عليه
اخواني انا كان عندي ببغاء عينه صفراء يعني عمره اكبر من سنه ونص المهم اول ما جبته يجعر وحالته حاله جلس عندي 4 شهور بعد تقريبا شهرين صار يصفر بس وانا ولد خالتي اشترا واحد من الريا ض يخربط با الكلام وما يجعر المهم انا مليت منه وبعته الان ودي اروح لرياض اول شي ابي موقع محلات الطيور با الرياض ثاني شي هل اخذ متكلم طبعا انا باخذ كاسكو ابي كم العمر وهل اخذ متكلم احسن افديوني يا اهل الخبره ابي جيمع المعلومات الي تفيدني عن الببغاء على شان بروح اشتري من الرياض ارجوكم ردو علي بي اقرب وقت تكفون ابي ببغاء حلو ومتكلم لو يخربط بالكلام
|
رد: سؤال ممكن الرد عليه
واذا فيه احد من اهل الخبره يبي يساعدني يرسل لي رقمه على شان لا جيت الرياض ادق عليه ونروح مع بعض نشتري شاكر لكم
|
رد: سؤال ممكن الرد عليه
انا ودي اغير عن الكاسكو ودي ببغاء يكون شكله حلو ومتكلم اي نوع اخذ ومايكون غالي مره اي نوع تنصحوني
|
رد: سؤال ممكن الرد عليه
شوف اخوي بالرياض مالك الا سوق الحمام اسعاره حلوه اما المحلات الثانيه اسعارها دبل انا نصيحتي خلك ع الكاسكو متكلم احسن لك لان الامزونيات غاليه شوي وانت ماتبي غالي
|
رد: سؤال ممكن الرد عليه
مافيه اخوي الا سوق الحمام وزي ما قالك اخوي خذلك كاسكو متكلم على حسب الي انت تبيه يعني كم كلمه يتكلم وسوري ع ـإالاطـالـه
|
رد: سؤال ممكن الرد عليه
روح سوق الحمام
اسعار معقوله وفيها كل شي ان شاء الله حاول تروح بعد العيد افضل يوم جمعه العصر لف المحلات والحراج بتلقى ان شاء الله هو السوق شغال طوال الاسبوع بس الخميس والجمعه اكثر جلب طيور للحراج واذا مستعجل تبي برمضان روح بعد صلاة العشاء |
رد: سؤال ممكن الرد عليه
اخوي اذا عندك فلوس تشتري اي نوع تبيه فانا انصحك بالتالي
1 اذا تبي متكلم اشتر اليف مايتكلم ودربه انت الكلام 2 تبي ببغاء لعوب جدا لاكن كلامه مو هاك الزود فهو الكوكاتو ذو العرف الاصفر 3 اذا تبي بهلوان وكلام شوي وحجم والوان خذ المكاو الاحمر بس غالي مررره 4 واذا تبي فيه الامزوني بعد شبه للكاسكو بالاطباع تقريبا 5 واذا تبي ببغاء صغير خذلك دره نيباليه ومتكلم لاكن كلامه مو واضح وكل الي ذكرته انصحك تاخذهم اليفين بعم 8-11 شهر ولا تاخذ متلم خذلك واحد ودربه على الكلام وطبعا مافيه ببغاء خالي من العيوب وانشاء الله تلقى الي يعجبك اما عن محلات الرياض انا انصح بسوق الحمام يوم الجمعه بع العيد وانا من نظرتي الخاصه لمحلات الرياض اغلب الي شفتهم مايعتنون بالطير100%100 واتمنا اني افدتك بالتوفيق انشاء الله يفيدونك الاعضاء اكثر مني |
| جميع الأوقات بتوقيت GMT +3. الساعة الآن 08:50 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو