|
مشكلتي مع الهملايا
السلام عليكم ورحمة الله وبركاته
اخواني انا اشتريت قطين واحد نوع فارسي والثاني نوع هملايا وكلاهما في عمر شهرين الفارسي لعوب ومرح الهملايا كثير النوم ويكاد لا يلعب إلا في النادر جدا واكثر وقته يقضيه في النوم إلا حد انه يمشي من مكانه احيانا للمكان الذي فيه الأكل وينام في الطريق يعني في وسط الصالة مثلا فهل هذه ظاهرة مزعجة او عادية وان كان الامر غير عادي فما الحل ؟ علما بأنهم جميعهم ذكور ولهم شهادات تطعيم ويأكلون جيدا تحياتي |
رد: مشكلتي مع الهملايا
اخوي انصحك بزيارة البيطري
|
رد: مشكلتي مع الهملايا
اهلين
انا عندي هملاي يوم كان صغير كان كثييييير اللعب لدرجه انه ما يجلس في مكان بس بعد ما كبر صار هادي جدا ( ثقل ) حب يجلس معنا بس بدون لعب ولا ينام الا في وقته واذا ماعنده احد |
رد: مشكلتي مع الهملايا
اخوي افضل انك تروح لطبيب
يبدو من كلامك ان حالتها خطره |
رد: مشكلتي مع الهملايا
الهمالايا , برازه اسهال؟؟
|
رد: مشكلتي مع الهملايا
اشكركم اخواني على سرعة الرد الله لا يحرمنا من تواجدكم وتفاعلكم
اخوي قطو_Q8te البراز أكرمك الله بين العادي والإسهال وعلى فكرة هي مالها الا اربعة ايام تقريبا من وصلت من جنوب افريقيا ومعها كرت التطعيم الأصلي وتاريخ ولادتها 20/11/2006 وتاريخ التطعيم في 22/1/2007 ووصلت السعودية بتاريخ 25 من هذا الشهر |
رد: مشكلتي مع الهملايا
عادي اخوي الظاهر الجو اختلف عليها اهم شي تاكل هدل ولا لأ؟؟؟؟اذا كانت ياكل وصحتها تمام ابشرك مامن خوف عليها
اما اذا ماتاكل +اسهال فلازم توديها البيطري قبل لاتسوء حالتها اكثر اخوي آرمي لفت انتباهي تاريخ ولادتها والتطعيم:eek: :eek: اشلون تطعم قبل عمر 3 اشهر:eek: :eek: ارجو التاكد من هالشغله لان اكبر غلط واكير خطر التطعيم بعمر الشهرين:( :( |
رد: مشكلتي مع الهملايا
السلام عليكم
مثل ماقالت اختي ليو . تطعيم بعمر الشهرين ! جدا خطر !!!!!!!!!!!!!!!!!!!!!! ليكون تطعيم اضطراب معوي ومناعه؟؟؟ والبراز بين العادي والاسهال هذا مؤشر لوجود دود لكن بصوره خفيفه ,, ملاحظ على عيونها الخمول ووجود سواد حول الانف؟ |
رد: مشكلتي مع الهملايا
arme اول شي انته لازم توديه للبيطري بأسرع وقت يمكن يكون مريض ويمكن من تغير الجو بس الافضل انك توديه للبيطري ثاني شي كل القطاو الي ايبونهم من برا وما كملو الثلاث اشهر ما يطعمونهم يعني تطعيم مزور علشان يدخلون البلاد بس فمن الافضل ان اول ما يكملون 3 شهور تعطيهم تطعيم لان البيطري ما يقدر يحدد اذا هم خذو التطعيم ولا لا انا عندي قطوتيه يايبتنها من بلغاريا وكان عمرها شهر ونص والاوراق الي معاها تقول انها مطعمه ....لاكن اكيد الاوراق مزوره ... علشان جذيه اول ما كملت الثلاث شهوووووووور عطيتها التطعيم وما يشوف شر قطوك |
رد: مشكلتي مع الهملايا
عادي انا قطوتي جودي همالايا وطول وقتها نوم مثل قطوتك
واذا على بالها بتلعب ترفع يدها وتنزلها على بالها تلعب يعني فيها ثقالت دم غير طبيعيه انا اتوقع انه عادي هي كذا لان جودي مافيها ولامرض الحمدلله لاني اكشف عليها بين فتره وفتره اتوقع الهملايا كذا ثقال دم وشكرا فيري متش |
| جميع الأوقات بتوقيت GMT +3. الساعة الآن 11:20 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو