|
مشكله مع الاغوانا ابي حل ضرووووري
السلام عليكم عندي اغوانا وكانت معاي من احلى مايكون تلعب وتتمشى بالبيت واخليها على كتفي وحتى لو طلعتها الشارع ماتنزل مني وحتى بالسياره عاقله بس تركتها مده اسبوع ونص الى اسبوعين لأسباب السفر بس محد مقصر معاها بالأكل لكن يوم رجعت صايره متوحشه وماترضى احد يلمسها تحاول تعض او تضرب بذيلها كأن دخلها جني صارت مو الاوليه وهي عندي من اربع الى 6 شهور وهذي صورتها الي بالتوقيع بس اول ماخذتها الحين كبرت شوي مع اني ماغيرت شي بنظام الاكل او مكان المعيشه ومحد يلمسها غيري يعني كانو يعطونها اكل ولا احد يلمسها ....وهي على حاله الجنون من شهر تقريبا..... ابي ردودكم وحلولكم لأني الصراحه بديت اكرهها :( |
رد: مشكله مع الاغوانا ابي حل ضرووووري
و عليكم السلام و رحمة الله و بركاته
اخي اتوقع انه طبيعي جدا :P حاول تمسكها و لا تخاف منها و يفضل انك تستعمل قفاز و استعمر يوميا تطلعها برى قفصها حوضها |
رد: مشكله مع الاغوانا ابي حل ضرووووري
عادي لا تخاف ما فيها شي بس لأن مده محد مسكها و تأقلمت عالوضع
فالحين لازم تغير من النظام و ترجع لحياتها الأوليه كل يوم أمسكها حتى لو تعض عادي يعني مو اسد :D و اقعد جذي يوم ولا يومين و خلاص و لو منت قادر تشيلها حطها بماي و اهي تسبح ارفعها شوي شوي من تحت بيكون أسهل و اهي ما راح تخاف ساعه إلى ساعتين و بيتحسن الوضع :D أي استفسار حاضرين ~ |
رد: مشكله مع الاغوانا ابي حل ضرووووري
مثل ماتكرموا الاخوان
طبيعي جدا انها تسوي كذا بس اهم شي انها اذا حاولت تضرب بذيلها او تعض لا تروح وتتركها لانها بتتعود على الوضع يعني انت شيلها كل يوم وين ماتروح خذها معك وامسح على ظهرها لين تتعود يعني اسبوع بالكثير وبترجع مثل ماكانت ان شاءالله |
رد: مشكله مع الاغوانا ابي حل ضرووووري
مشكورين اخواني ماقصرتو انا متعود على التعضض ومو خايف منها بس مليت اقعد الاحقها واول حتى الاكل تاكل من يدي :)
بس مو راضيه تصير ادميه قصدي اغوانا:) وانا حاطها بقفص زجاج ماتحلم فيه ولا بعرس امها خخخخخخخخ 4 في 4 متر ومفتوح السقف ماله ومسويلها مستنقع صغير وشجره وارش عليها ماي كل يوم مرتين الا ثلاث مرات ومشكلتها ماتاكل الا خس جربت كل شي معاها حتى الفيتامينات ماتاكلهم واسف على الاطاله........ وشكرا |
| جميع الأوقات بتوقيت GMT +3. الساعة الآن 06:48 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو