محتاجه لخبرة . مربين . الوبر ( الغنزير الغيني )
 

بسم الله الرحمن الرحيم
امابعد "


http://store2.up-00.com/Aug10/UWd91378.jpg

http://store2.up-00.com/Aug10/e1591378.jpg

http://store2.up-00.com/Aug10/WH091378.jpg

حبايبي في الله .. محتاجه لكم في بعض الاستفسارات عن الوبر . لاني انشاء الله رح اشتري

هذي بعض انواع الوبر ..

وش احسن نوع وهل من هذول موجوده في الرياض ووين مكانهم وهل في انواع ثانيه حلوه ..

بسأل كذا سؤال ياخبيرين .. ومستواكم اعلى مني في التربيه .. والخبره ..

1- وش تنصحوني قبل ماشتري الوبر ..

2- التطعيم كل سنه واللا مره بس واللا شلون .. او مافي اصلا

3-ووش احلى لون للوبر

4- وش تأكلون الوبر حقكم والاكله اللي يحبها

5- تنصحوني اخذ ذكر وانثى .. وهل عادي من نوعين مختلفين ويتزوجون ؟؟

6- وشروط الاستحمام هل هو دوري او كل اسبوع ..

7- وبخصوص شعره هل يتساقط واش السبب هل هي فطريات ..

8- كيف اعلمه وادربه على اسمه او ماتجي

9- وكيف حركاته وهل هو ظريف ومايعض احس سنونه تخوف وكيف يتعامل معكم

10- هل يروح للتر بوكس لقضاء الحاجه << الله يكرمكم


11- وكيف اقص اظافره من الاطراف صح

12- عادي اخليه يسرع في العشب او يتمشى في البيت او يوصخ

اوتنصحوني بهامستر انا محتاره وربي مدري شنو اختار مع ان عند بنت عمي هامستر وتقول ببيعه لك ب 15 ريال مع بيته ونشارة الخشب واغراضه وهم 2 هامسترين الظاهر من النوع السوري .. لونهم كلهم بيض مافي الوان او اشتري من مكان ثاني وربيهم او وبر محتاجه لآرائكم ..

وانتو ادرى واخبر ناس يقولون هامستر زي الفار بايخ وناس يقولون حلو وناس يقولون الوبر احلى ومادري او اشتريهم ثنينهم واربيهم في غرفتي بس اخاف خياس ومسؤاليه .. فياليت تفيدوني وبأسرع وقت ابيهم يسلوني ووش اكثر حيوان يتفاعل مع صاحبه .. هامستر او وبر .. الهامستر ينحاش ومدري شلون والوبر بدري كيف

فياليت تفيدوني بخبرتكم .. ووش احسن وابي تصويت او اللي كلامه مقتع خذيت بكلامه مع انكم كلكم على عيني وراسي .. بس انطر ارائكم

وارجو اني ماثقلت بس ابي خبرتكم ماابي تقولون ابحثي ومدري شلون لاني مسعجله

ونسيت نقطه مهمه هل فيه في الرياض من الوبران الفرنسيه وانواع الشيك ووين القاها ووين القا الاغراض حقتهم والصحون وكل شي يارب تفيدوني
وكم السعر
ورح ادعيلكم من كل قلبي .. الله يتمم على خير واشتري الوبر

وشكرا

لكم ارق تحياتي