|
ارجو الافاده من الاخوان المحترفين
السلام عليكم
كيفكم اخواني واخواتي قبل فتره نزلت موضوع انو طيري مريض وماقصرتو معي الحين عندي كم سوال انا وديت الطير عند دكتور شاطر ول دكتور جنوب افريقي سالني ايش طعمي الطير قلتله كل شي الطير يقلط معي عل اكل <===== يقلط شلخه ما يفهمها الدكتور المهم نصحني وقالي لا تخليه ياكل غير الحبوب وبعض الخضار فقط ول مشكله انو لولو يحب ياكل كل شي ويجلس يصارخ لو ما اكلته معي ابي نصيحتكم اخواني هل اشكله او لا علماً انو لولو ياكل بطاطس مقلي ومسلوق وبيض مسلوق ورز وزيتون ودجاج ولحم وبازيلا مطبوخه وفاصوليا مطبوخه وكل شي مطبوخ وشكراً |
رد: ارجو الافاده من الاخوان المحترفين
ماشوف فيها مشكله
عادي خله يأكل وشكل له لكن قلل من الاشياء اللي تسبب سهال زي التفاح وماشابه لكن الدكتور ليش قال حبوب وخضار فقط هل هي لفتره العلاج بس او على طول |
رد: ارجو الافاده من الاخوان المحترفين
صدق الدكتور يا الغالي كثير من الاطعمه ياكلها الطير بناء ع تعوده ع صاحبه ويستمتع بأكلها , غالبيتنا طيورنا تحب تأكل من الي ناكله , طالم تعود حاول التقليل الى ان تصل للمنع خصوصا ان بعض الاطعمه خطيره ع الطيور مثل البطاطس المقلي و المحتويه ع الدهون والنشويات الافضل اذا يستمتع مثل ماتفضلت تنوع له بالمسلوق والفواكه والذرهـ و هذا الأفضل , وتقدر تضيفها له بجانب أكلك وتقدمها له والله أعلم 000000000 أستغفرك ربي وأتوب إليك |
رد: ارجو الافاده من الاخوان المحترفين
ياكل اي شي بكميات بسيطه جداإ
ونصيحه ابعد عن البطاطس المقليه انا عندي كاسو يموت عليها بس مصيبته كلها زيت والدهون ماتنفع لهم موفق اخوي |
رد: ارجو الافاده من الاخوان المحترفين
المثل يقول
اسال مجرب ولا تسال طبيب لا تكثر من الاكل عشان ما يجيبله سهال وشكككككككككككككككككرا |
رد: ارجو الافاده من الاخوان المحترفين
اخوي دام الطير تعود على الاكل مافيه مشكلة بس انا انصحك تقلل الاكل الي فيه دهون عشان السمنه والغثة ههههههههه قلل كمية البطاطس المقلي حبة كفاية لا يطب فيه مثل اعيالنا الله يحفظهم لو شافو البطاطس المقلي نسوا الاكل كله وطاحوا فيه ...
|
رد: ارجو الافاده من الاخوان المحترفين
يا أخي نصيحة أبعد عن الداب وشجرته ... كلام الدكتور صحيح 100 × 100
الطيور خلقه رب العالمين تأكل حاجتين وهي متوفرة في حياتهم الطبيعية الحبوب والفواكه وبعض الخضروات لكن زي ما أقترحوا الاخوان عطه كميات بسيطة بس ... يعني تسكيت لصراخه ومن فتره لفتره ... وأبعد عن كل شيء فيه زيوت نباتيه وحيوانية . يعني عطه عظم دجاج مسلوق بعد الغسيل طبعاً .. أو قطعة خبز صغيرة والفواكه والخضروات بشكل عام مرة أو مرتين في الاسبوع وبكميات معقولة جداً علشان الاسهال وحرقة الحويصلة والمعدة . والنظافة العامة للطير من ترويش وتقصيص الاظافر و برد المنقار ... ولا تنسى القفص تراه مهم جداً إنه يكون نظيف نظافة تامة من الاوساخ وبقاي الريش والله يوفقنا وإياك وكل مسلم |
رد: ارجو الافاده من الاخوان المحترفين
اشكركم اخواني ولاحضت انه اكثر الاراء انه عادي ياكل ونا بتكل على الله وطعميه بس بكميات بسيطه
الله يجزاكم خير وشرفني مروركم |
رد: ارجو الافاده من الاخوان المحترفين
والله يا قمر كلام الدكتور صحيح,, لكني ما أمشي عليه
انا مثلك أعطي ببغائي كل شي,, وياكل من أكلي < حتى ماكدونالدز :D بس صحياً على الببغاء زي صحياً على الإنسان يعني احنا ناكل كل شي,, < وكل شي مضر علينا,, بس أمورنا ماشية حالياً نفس الشي مع الببغاء,, كل شي مضر عليه ,, لكن أموره ماشية حالياً الفرق بس انه ما يعمر كثير في العمر بس بدل ما يعيش 70 سنة .. يعيش مثلاً 30 سنة <==<< بركة :D |
رد: ارجو الافاده من الاخوان المحترفين
والله اخوي انا من راي الدكتور هو اخبر وماقالك خلك طير على الحبوب والخضروات الى هو ابخص في الامور تحياتي لك وابعد طيرك عن الاكل الي مامنه الازياده المرض
|
| جميع الأوقات بتوقيت GMT +3. الساعة الآن 09:49 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو