منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   كيتي وميجوو..كيف اتعامل معاهم يا اهل الخبره (http://www.2zoo.com/vb/showthread.php?t=171686)

كيتي وميجو 26-07-2010 02:08 AM
كيتي وميجوو..كيف اتعامل معاهم يا اهل الخبره
 
السلاام عليكم ورحمه الله وبركاته


محتاجه خبرتكم بموضوع قططي

اشتريت قطتين شيرازيات كيتي(انثى) وميجو(ذكر) صارلهم اسبوع الحين.. واعمارهم سنه وهم زوج على كلام صاحب المحل..

المشاكل الحين..

اولا: انه كيتي ما تاكل الاا شووووويه والاكل المعلب فقط.. حاولت اعطيها من الوصفات اللي حاطينها الاعضاء ما تاكله تشمه وتروح عنه... ويقعد الاكل مثل ما هو...عكس ميجوو ماشالله عليه.. ياكل كل شي.. وعلى طول وهو جوعان..

ثانيا: ميجو فيه اسهال من يوم جبته من المحل.. وديته الدكتور وعطاني دوا..حبه صفرا صغيره بس مو راضي ياخذه احاول فيه..احط الدوا في الاكل, ومره ذوبت الحبه في الماي سبحان الله كانه يعرف انه في شي وما يرضا.. مب عارفه كيف اتصرف وياه.. بس هو الحمدالله يعرف لما يبا يقضي حاجته يروح للبوكس ونفس الشي كيتي

ثالثا: شعرهم يطيح.. وقريت في المنتدى عن زيت الزيتون.. فكم مره ممكن استخدمه لهم.. يعني يوميا احطه في اكلهم او مره في الاسبوع.. وبخصوص الاكل المعلب لكيتي ما بيضرها

رابعا: كيتي احس انها مو متعلمه يعني لما اكلمها ما تتجاوب..ودايما بعيده وهاديه كيف اتصرف معاها عشان اعلمها..عكس ميجو دايما حولي رايح جاي ويتجاوب معاي لما اكلمه ..ويتمسح فيني يحبب بنفسه يعني فاهمين علي انتوا:D

الاخير: كيتي داااااايما نايمه وفيها خمووووول وهاديه.. وامس انتبهت انها حامل..فشو اسوي لها..هل في اشياء معينه اعطيها او اشياء امنعها منه..

وجزاكم الله خير..
واسمحولي لني كثرت من الاسئله..


http://files02.arb-up.com/i/00140/k7l4fgjytotf.jpg

الخبير نايف 26-07-2010 04:01 AM
رد: كيتي وميجوو..كيف اتعامل معاهم يا اهل الخبره
 
كيتي مادامه حامل هذا طبيعي
الخمول
فقدان الشهيه
ليش تمنع الحمل خله تجيب احسن كيتنز
الشعر طبيعي يطيح في الصيف
يمكن كية تتعرف ع المكان

آنـــــو 26-07-2010 05:24 AM
رد: كيتي وميجوو..كيف اتعامل معاهم يا اهل الخبره
 
::

مرحبا آول حاجه مبروكين عليك القطط وتتهنين فيهم

بالنسبه لـ أسئلتك


اقتباس:
اولا: انه كيتي ما تاكل الاا شووووويه والاكل المعلب فقط.. حاولت اعطيها من الوصفات اللي حاطينها الاعضاء ما تاكله تشمه وتروح عنه... ويقعد الاكل مثل ما هو...عكس ميجوو ماشالله عليه.. ياكل كل شي.. وعلى طول وهو جوعان..
دامها متعوده على نظام معين فـ غيري لها نظامها بالتدريج .. مثلاً لو سلقتي لها دجاج آضيفي عليه من الآكل المعلب اللي تحبه ومتعوده عليه
ويوم عن يوم قللي كمية الآكل المعلب حتى تتعود تاكل الدجاج لحاله ..

آو دراي فود رويال آو آي نوعيه طيبه وتحبها قطوتك آخلطيها مع الدجاج حتى ياخذ ريحته وبأذن الله راح تاكل كذا طريقتي لو قطوه رفضت الدجاج وتنجح



اقتباس:
ثانيا: ميجو فيه اسهال من يوم جبته من المحل.. وديته الدكتور وعطاني دوا..حبه صفرا صغيره بس مو راضي ياخذه احاول فيه..احط الدوا في الاكل, ومره ذوبت الحبه في الماي سبحان الله كانه يعرف انه في شي وما يرضا.. مب عارفه كيف اتصرف وياه.. بس هو الحمدالله يعرف لما يبا يقضي حاجته يروح للبوكس ونفس الشي كيتي
الحبه الصفرا آعتقد هي حبة الديدان ناسيه آسمها .. طيب كيف شكل الآسهال !! وهل على طول آو فترات متقطعه ؟؟
فيه علاجات من الصيدليه البشريه حلوه وممتازه كابتين آو كابكت وآعطيه بمقدار 1سي سي السرنجه كامله مره وحده باليوم
والآكل المناسب للأسهال دجاج مسلوق مع رز ..

اقتباس:
ثالثا: شعرهم يطيح.. وقريت في المنتدى عن زيت الزيتون.. فكم مره ممكن استخدمه لهم.. يعني يوميا احطه في اكلهم او مره في الاسبوع.. وبخصوص الاكل المعلب لكيتي ما بيضرها
تساقط الشعر له آسباب كثيره .. هنا مذكوره
http://www.2zoo.com/vb/showthread.php?t=96219

فـ آن شاءالله مع التغذيه السليمه والآبتعاد عن المعلبات والجو المناسب راح يقل التساقط وبتلاحظين ..
وزيت الزيتون بمقدار ملعقه صغيره مره آو مرتين بالآسبوع إما آنك تخلطيه مع الآكل آو تعطينهم لحاله بصحن وهم بيلحسونه
آنا بعض قطاوتي يحبونه مره فـ ماآضطر آجبرهم آو آخلطه مع الآكل والبعض عكس آضطر آخلطه مع آكل
وكيتي بلاش من المعلب لها لآنه مابيغذيها ولابيفيدها زي آكل المُعد بالبيت وممكن تتعرض لبكتيريا آو ديدان بسبته وآحنا نحاول نستغني عن الآوديه قدر الآمكان بفترة الحمل

اقتباس:
رابعا: كيتي احس انها مو متعلمه يعني لما اكلمها ما تتجاوب..ودايما بعيده وهاديه كيف اتصرف معاها عشان اعلمها..عكس ميجو دايما حولي رايح جاي ويتجاوب معاي لما اكلمه ..ويتمسح فيني يحبب بنفسه يعني فاهمين علي انتوا
آيه كل قط له طبع معين بعضها ودود حيل وبعضها ثقل .. ولاننسى آنها حامل والحمل له دور بتغيير الآطباع
القطوه الحامل بالغالب تكون راكده وهاديه وماتحب تتحرك كثير فـ ممكن يكون سبب

وحاجه ثانيه ومن واقع تجربتي لاحظت آن الآناث آثقل من الذكور .. تقريباً كل الذكور اللي ربيتهم يتعلقون فيني كثير ويلازموني ويتوددون وصحبتهم حلوه آكثر الآناث ..



اقتباس:
الاخير: كيتي داااااايما نايمه وفيها خمووووول وهاديه.. وامس انتبهت انها حامل..فشو اسوي لها..هل في اشياء معينه اعطيها او اشياء امنعها منه..
القطط زي ماقلت وقت الحمل تكون راكده وهاديه وحركتها قليله نسبياً فـ هذا شي عادي .. بس مايمنع آنك تشيكين
على حرارتها وتشوفين شهيتها للأكل آن كانت طبيعيه آو لا

آبتعدي عن تحميمها فترة الحمل .. وآعطيها آكل صحي من 3 الى 4 وجبات وخاصه لو تعدت الـ3 آو الـ4 آسابيع من الحمل
وكوني حذر بطريقة حملها يعني تشيلها بهداوه حتى ماتأذي بطنها ..


والله يسهل عليها ^^ .. وحياك آي آسئله حاضرين

::

كيتي وميجو 26-07-2010 02:43 PM
رد: كيتي وميجوو..كيف اتعامل معاهم يا اهل الخبره
 
جزااااااكم الله خير

كيتي وميجو 26-07-2010 04:03 PM
رد: كيتي وميجوو..كيف اتعامل معاهم يا اهل الخبره
 
اريد اعرف اذا ممكن


هل هم بيكي فيس ،ولا هاف ، ولا مون؟؟؟؟

abeer 26-07-2010 04:27 PM
رد: كيتي وميجوو..كيف اتعامل معاهم يا اهل الخبره
 
اقتباس:
المشاركة الأصلية كتبت بواسطة كيتي وميجو (المشاركة 1623063)
اريد اعرف اذا ممكن


هل هم بيكي فيس ،ولا هاف ، ولا مون؟؟؟؟
هم اعتقد مش بيور 100%

بس هم مون فيس

بس في معلومة

انو الشيرازي ينقسم يلي قسمين و هم اللترا فيس و هو البيكي فيس

و الدول فيس و هو ال مون و الهاف بيكي هادي المصطلحات الصح

Octopus 02-08-2010 12:20 AM
رد: كيتي وميجوو..كيف اتعامل معاهم يا اهل الخبره
 
طيب ممكن صور لهما :)
لان حاس انهم مهجنين من الصورة الشخصية :)


جميع الأوقات بتوقيت GMT +3. الساعة الآن 04:22 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو