|
أحبابي الحلوين افتقدكم كثيرا ، لكن سامحوني الأشغال منعتني
أتمنى تكونوا بكامل الصحة و السعادة انشغلت كثيرا عنكم ، و اليوم أعود ، ماشاء الله شايف أخبار جديده و حلوه في المنتدى الله يبارك للجميع ، و في نشاط ملحوظ من أعضاء متميزين على رأسهم حبيبي غسان الأشقر ، و طبعا العسول فوفو و ما أريد أذكر على سبيل الحصر و لكن اللي رأيت مشاركاتهم بوضوح اليوم ، بالإضافة لمداخلات يوفاوي الكويت الي ما توقف ماشاء الله عليه طبعا هايبر لو تذكرونه !! هايبر الببغاء المتخلف عقليا راح لحال سبيله الله يوفقه ، بعد ما صار ياكل من الإيد ، لكن كانت فيه الجعره و رحت بعته علشان أجيب فرخ صغيرو ، و الحمد لله جبت فرخ صغيور ، و صراحة فرق السما من الأرض ترويض الفرخ عن الكبير و الحمد لله تروض و تعلم على الكليكر و التارجت في عشر أيام ، و صار تمسح على راسه و يطلع على الإيد بعد 15 يوم ، بس باقي شوية حركات لكن انشغلت جدا عنه لكن صراحة حاسس بالذنب اني وديته بيطري أول ما خذيته علشان الأجنحة و الأظافر و المنقار ، انا مو ندمان على الأجنحة و الأظافر لأنها ساعدت على الترويض ، لكن زعلان على المنقار لأنه صار يلعب كثير جدا و كسر منقاره ، و ما أردي كم تاخذ وقت علشان يكبر منقاره مرة ثانية ، هو مكسور حولي 3-4 ملي من الطرف المدبب ، يعني ما صار مدبب بعد لو أحد عنده معلومه يا ليت يفيدنا بيها ، و بالتوفيق للجميع |
رد: أحبابي الحلوين افتقدكم كثيرا ، لكن سامحوني الأشغال منعتني
اهلن اهلن .. برجعتك اخونا .. ومعذووور .. لو مالك عذر :D
يسعدني اكون اول من يرد على موضوعك ... بالنسبه للمنقار .. ياليت تورينا صوره له وهل تحس الطير متضايق من هالشي ؟؟؟؟ او انه عادي وماتحطم نفسيا ؟؟ |
رد: أحبابي الحلوين افتقدكم كثيرا ، لكن سامحوني الأشغال منعتني
اقتباس:
بالنسبة للمنقار عااااااااااااااااااااااادي ولا على باله ان منقاره مكسور أصلا ، و يلعب و يكسر في ألعابه و انا خايف انه ينكسر أكثر بسبب لعبه الكثير لا هو نفسيته الحمد لله ممتازة و يصفر على الإيد و يلعب و مافي مشاكل ، بس يكره الأطفال علشان الأطفال متوحشين صراحة ، تجيه حالة نفسيه من يجينا أطفال للبيت |
رد: أحبابي الحلوين افتقدكم كثيرا ، لكن سامحوني الأشغال منعتني
طيب اخوي ... نصايحي لك هي كالتالي
يبيلك تمر اي محل يبيع سمك وتسألهم عن عظمة الحبار وتعطي الطير او تمر صيدلية بيطريه تطلبهم نقط كالسيوم تضيفها بالمشربيه مع اني افضّل النقط افضل بما ان المنقار مكسور .. واحرص على عدم اعطاءه اكل يحتاج تكسير زي الفول السوداني وحت الحب الشمسي وأيضــــا .. عرضه للشمس الدافئه ... عشان فيها فيتامين د لك مني الف الف تحيه .. والله يجبر خاطر ومنقار طيرك ولا عاد تفكر تقص له منقاره نهائيا |
رد: أحبابي الحلوين افتقدكم كثيرا ، لكن سامحوني الأشغال منعتني
وعلى فكره .. برضه عظمة الحبار يبيعونها .. ببعضــ محلات الطيور
وهاذي صوره لها .. http://www.2zoo.org/get-6-2010-2zoo_org_0q3bpfkj.jpg واتمنى اكون افدتك ... تقبل تحياتي وتمنياتي لطيرك بالشفاء العاجل |
رد: أحبابي الحلوين افتقدكم كثيرا ، لكن سامحوني الأشغال منعتني
مشكوووووووووور على النصيحة الطيبة و إن شاء الله بشوف حل لموضوع المنقار و أبد أبد ما أكررها ، بس اللي قبله هو اللي خلاني أفكر في سالفة المنقار ، لأن هايبر الببغاء المتخلف عقليا سوالي عاهة مستديمة بأصابعي كلها خروم و الله يعين
شكرا مرة أخرى و ننتظر نقرأ باقي ردود الحبايب |
رد: أحبابي الحلوين افتقدكم كثيرا ، لكن سامحوني الأشغال منعتني
حياك الله اخوي برجعتك,,
بصراحه S7R ما قصرت ,, بالنسبه للمنقار ما راح ياثر على الطائر غير الشكل فقط... وراح يمارس حياته الطبيعيه سواء في الاكل او الشرب. اخوك/ابو محمــد |
رد: أحبابي الحلوين افتقدكم كثيرا ، لكن سامحوني الأشغال منعتني
شكلك انت اللي بتتعب نفسيا مو هو ههههههههههه
الله يشفي طيرك يارب ويكبر منقاره |
رد: أحبابي الحلوين افتقدكم كثيرا ، لكن سامحوني الأشغال منعتني
اقتباس:
|
رد: أحبابي الحلوين افتقدكم كثيرا ، لكن سامحوني الأشغال منعتني
اقتباس:
|
| جميع الأوقات بتوقيت GMT +3. الساعة الآن 01:00 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو