|
كيف استقبل طير جديد بالبيت .. ؟
السلام عليكم جميعا ..
انا الحمد لله شريت بلو فرونتد اليف :12: << مو بس مستانس .. إلا المستانس :88: وراح يوصلني ان شاء الله بعد كم يوم من الرياض .. وحبيت أسأل كيف استقبله بالبيت وهل احطه على طول بالصاله ولا اخليه بغرفه لحاله كم يوم ولا كيف مع العلم انه ما عندي ببغاء ثاني واتوقع كذا راح يكون استقباله اسهل صح .. ؟؟ واذا فيه نصايح لا تبخلوا الله يسلمكم وياليت لو تعرفون بيطري بالقصيم يكون فاهم بالطيور تقولون لي على الخاص عشان ما نخالف الإداره .. << إن شاء الله ما نحتاجه ابدا بس للإحتياط |
رد: كيف استقبل طير جديد بالبيت .. ؟
ما شاء الله مبروووووووك اخوي الطير والله يباركلك فيه وتستمتع في تربيته ابد بالاول لازم تحسسه بالامان لان المكان والاشخاص تغيروا عليه تحط القفص في مكان زي الصاله يكون فيه ناس ويكون القفص مرتفع عن الارض وخله يستكشف اهل البيت على راحته ويتعرف عليهم وانت بس غير الاكل والماء من غير لا تقوله شي لمدة اسبوع حولها لين يعتاد عليكم وتسمعه يصفر ويطقطق ويتكلم اذا كان يتكلم وبعد كذا تقدر تطلعه وتلعب معه واهم شي لا تحطه في مكان بادر وفيه تيارات هوائيه يعني قبال المكيف على طول ونوع له بالاكل من فواكه وخضروات بس لاتكثر وتاكد من ان بذور الفواكه ماهي موجوده طلعها لانها سامه على كلام الاخوان واشتر فيتامينات وعظمة الحبار عشان الكالسيوم وعلق العظمه داخل القفص والفيتامينات اذا كان الطير صحته زينه ومربرب مره كل اسبوع واذا كان نص ونص وريشه تعبان ومنظره مرتين الى ثلاث مرات باليوم وضروري جدا تعريض الطير للشمس مدة عشر الى ربع ساعه يوميا بس اختر وقت تكون الشمس ماهي حار وقويه على الطير افضل الاوقات ساعات الصباح الاولى ولا العصريه اتمنى افدتك اخوي وان شاء الله الاخوان مراح يقصرون هينا معك باي شي وتحياتي لك
|
رد: كيف استقبل طير جديد بالبيت .. ؟
يسلموو وما قصرت ..
ومن ناحيه التيارات و الأكل والأشياء الثانيه .. عندي معلومات عنها بس ما اعرف استقبل الطير |
رد: كيف استقبل طير جديد بالبيت .. ؟
حطه بالصاله .. بمكان مرتفع
يسمع سوالفكم .. ويشوف الرايح والجاي بس لحد يهبل به ... ولا احد يقرب عنده لمدة اسبوع الى اسبوعين .. بس انت وحدك تقرب تغير اكله وممويته ووتنظف القفص .. ولا تناظر بخشته .. على طول وخر .. وعقب اسبوعين ابدا الترويض تقبل مروري |
رد: كيف استقبل طير جديد بالبيت .. ؟
مثل ماقال اخونا هايز
|
رد: كيف استقبل طير جديد بالبيت .. ؟
مشكووووريييين وما قصرتوا ..
|
رد: كيف استقبل طير جديد بالبيت .. ؟
مبرررررررررروك يتربى بعزكم
ابعدوا عنه الاطفال الكثيرين الحركه لانه يتوتر |
رد: كيف استقبل طير جديد بالبيت .. ؟
اولا احب ابارك لك يا ولد ديرتي
و ثانيا اكيد ان الاخوان ما قصروا لكن بعطيك اللي عندي ببساطه : حطه بمكان دائما تكونون موجودين فيه عشان يتعود على الناس و مكان يكون جوه معتدل لا بارد ولا حر و حاول انك تتعلق فيه بما انه جديد عليك عشا يتعود عليك و يعرفك زين و بالتوفيق |
| جميع الأوقات بتوقيت GMT +3. الساعة الآن 10:54 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو