|
ضيفنــــا هاااجد
السلام عليكم ورحمة الله وبركاته
ليلة البارحه ... في ليل الجمعه المبارك .. اتانا ضيف مبارك :) ان شاء الله يارب .. يكون مدخول الهنا والسعاده علينا طبعا .. كل اصول الضيافه انا عارفتها الاكرام بالأكل و محد يزعجه او يحاول معاه شي .. طيب هاذي فهمناها .. بس عندي كم علامة تعجب بدايتا .. 1 _ اول ماجبته كان بوقت الليل .. قولو 11 تقريبا بالليل .. من جا مااكل شي .. بس يتمقل في وجيهنا .. والحمدالله ماسمعنا منه تجعير .. مااكل الا حبه شمسيه وحده .... لاكنه شرب مويه بكثره !!!!!!!!!!!! وش السالفه 2 _ برضه باول ماجا .. لحد الحين .. (( فجر الخميس )) ينظف بنفسه .... ويحك منقارينه فبعض .. ومن جا وهو يتثاوب وفيه النوم . <<<<< مستعجله :D 3 _ والاغرب ... الطير هاجد .. يعني والحمدالله مو من عله .. فصحته ممتازه .. لكنه زي اللي شااااد عمره .. وواقف وقفه كذا كلها شموخ هههههههه من قوة الشد امي تقول لايكون صقر يابنيتي هههههههههه 4 _ عندي مشكله .. اللي هي مسئلة التكييف .. اخاف منها مررره .. ماودي اتعب الطير واذا جيت انام .. اخذه معاي الغرفه .. ماودي اخليه بالصاله عند الصغار ويطلعوون ريحته :64: ولما فتحت القفص من فوق .. نزل بأرض القفص .. ولا رجع على الاستاند الا لما سكرته طبعا .. هذي كلها تعجبات .. واشياء صراحه مدري كيف اتصرف معاها ... ابغى ارائكم .. وو حلووول .. معلومات جديده .. غير المعلومات اللي متعودين عليها واللي الكل صار يعرفها الف شكر للجميع سامحوني على الاطاله :) |
رد: ضيفنــــا هاااجد
اصبر شوي عليه بدري
اذا البني آدم يكش وماياخذ راحته عند ناس اول مره يجالسهم فما بالك بطير بس سؤالي شريتوه اليف ويتكلم او ؟؟ حطوه بمكان مرتفع شوي ..مهو مرتفع حيل تصفقونه بالسقف وخلّوه مرو من جنبه عادي ولحد يوقف الين يعرفكم وانت كل 3 ساعات تقريبا شيك الاكل والمويه ومجرد ياخذ على الجو الجديد بتلقون وتسمعون منه خير |
رد: ضيفنــــا هاااجد
ألف مبررررررررررررررررررررروك والله يباركلكم فيه
|
رد: ضيفنــــا هاااجد
الف مبرووك الضيف الجديد ان شالله ضيف الهنا
اما صقر هههههههههه الله يحفظ الوالده صدقت والله ذكرتني بالي عندنا اسميه سداح من كثر ماهو مرتز وراز عنقه علينا :88: أنا اقول هذل تصرف طبيعي جدا منه كونه ضيف جديد وماتعود على الوجوه الجديده فهو الان في حالة حذر شديده تخيل انك رحت عند ناس غرب وبتعيش عندهم من تدخل وانت بتسولف وتفلها وتمزح وتهايط :D اكيد لا حتا الناس بتستغرب بتقول وشفيه ذا :confused: والتكييف لازم مايكون مباشر ولا بارد جدا ويامالك من التبحلق الي بيبحلقه فيكم والله ان يشخلكم شخل بالمناظر يشوف وش اخرتها معكم :D والله يهنيك فيه ويخليه لك |
رد: ضيفنــــا هاااجد
الله يبارك لكم فيه اختي لازم تصبرين عليه لين يتعود عليكم بعدها بيتغير ويصير يلعب ويصفر وانا توني شاري لي فرخ وجالس ادربه والعب معاه مع تمنياتي بالتوفيق للجميع
|
رد: ضيفنــــا هاااجد
ألف مبروووووووووووووك
|
رد: ضيفنــــا هاااجد
الف مبرررررررررررررررررررررررم الله يحفظة لكم
|
رد: ضيفنــــا هاااجد
فكتور .. اتيكيت الطيور .. سنايديه .. هاوي الجبيل .. احبك توتو
كل ابوكم ... ثااااااااااااانكس على النصايح .. بالنسبه لسؤالك اخوي فكتور ... لا الطير مايجعر .. ولا هوب متوحش .. هادي مررره ... ولما اقرب اصبعي للقفص .. ماتحس له نيه بالعض .. راعيه اللي شريته منه.. طلع على يده ... بس انا قاهرني كثر النعاس اللي فيه |
رد: ضيفنــــا هاااجد
نيمو ببغائي ... الله يبارك فيك ويحفظك من كل شرر
|
رد: ضيفنــــا هاااجد
.. طيب .. انا فكرت .. ان النعاس الدائم والتثاؤب ... انه من الطفش
فاااااا .. نفسي اسليه وكذا بس بما انه ماله الا يومين عندي .. ماودي اني .. اروعه بشيــ يعني وش الحل .. اني اسليه .. بس من دون ما اخرب الضيافه :D |
| جميع الأوقات بتوقيت GMT +3. الساعة الآن 05:05 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو