|
هل الكاسكو مصاب بكسر في الجناح أم لا ؟؟؟ سؤال عاجل
صباح / مساء الخير على الجميع ... بدخل بالموضوع على طول ... أمس أول مرة أطلع الكاسكو من القفص من شريته تقريبًا له شهرين ألحين ... المهم أنا فتحت باب القفص الكبير والكاسكو طلع لحاله بعد فترة ،،،، ولما جينا نرجعه القفص صارت غلطة كبيرة اللي هي أن أنو حنا رجعناه من نفس الباب اللي طلع منه مو من فوق القفص على اعتبار أن حنا لفيناه بفوطة عشان مشكلة العض ومن هالكلام فاللي صار أن الكاسكو كان فاتح جناحينه فتعور الجناح الأيسر لأنه صدم بباب القفص وأحس أنه أنكسر ... :wao: فتكفون قولوا لي إيش أسوي ؟؟؟؟ :( أنا معتنيه فيه وما أبغى يصير له شيء بسببي إضافة إلى إني ما أبغى أستأثم فيه أحس إني مسؤولة أمام الله ... مع العلم مش أنا اللي قمت بالعملية شخص غيري قام فيها ومع ذلك أنا مسؤولة عنه ... :( شوفوا الصور وأحكموا ... وإن شاء الله تكون واضحة للجميع ... تكفون عطوني حل ؟؟؟ يحتاج تجبيرة وإلا إيش ؟؟؟ :confused: |
رد: هل الكاسكو مصاب بكسر في الجناح أم لا ؟؟؟ سؤال عاجل
صباح الخير
محد يقدر يشخص طيرك من خلال الصورة فقط لازم فحص وديه لطبيب بيطري يفحصه ويتاكد من اموره ووديه بسرعه لان التشخيص المبكر يساعد على العلاج الافضل لو هناك مشكلة وبالتوفيق |
رد: هل الكاسكو مصاب بكسر في الجناح أم لا ؟؟؟ سؤال عاجل
بصراحه انتي الي تقدرين تحديد وضع الطير
وعلي فكره الطير يتحمل كدمات كثر يعني مرات يطير ويطق بالطوفه وما يكون فيه الا العافيه ما اتوقع ان الجناح ينكسر لانه طرب بالباب |
رد: هل الكاسكو مصاب بكسر في الجناح أم لا ؟؟؟ سؤال عاجل
مايشوف شر بس انتظري يومين اذا ماتحسن وديه والله انا طيري الكاسكو طاح من الدور الثاني وتعورة رجله ويعرج بس اليوم الحمدلله وماشاءالله عليه طاب
|
رد: هل الكاسكو مصاب بكسر في الجناح أم لا ؟؟؟ سؤال عاجل
إذا ما تحسن وديه للبيطري
|
رد: هل الكاسكو مصاب بكسر في الجناح أم لا ؟؟؟ سؤال عاجل
مشكورين يا أخوان ...:88: ألحين صار أحسن بس بالليل إذا جا ينام ينهدل الجناح ما أدري ليه !!! :confused: وهو دايم يسوي حركة بالقفص يتعلق بالجوانب زي الخفاش ومن ذاك اليوم وهو ما سواها فخايفه يكون متعور .... :wao: بس الحمدلله يتحرك طبيعي ويتكلم ويصفر فأتوقع أنو هذا دليل أنه سليم والحمدلله ... :rolleyes: |
رد: هل الكاسكو مصاب بكسر في الجناح أم لا ؟؟؟ سؤال عاجل
لاتخافين ترى شيء طبيعي ان شاء الله مافي اي شيء راح جناحه يرجع زي ماكان بس اذا تبقين انك تطمنين عليه اكثر وديه البيطري انا في ظني انه حدثله خلع بسيط كما مبين في الصوره لانه لو فيه كسر راح يبين انتفاخ وتورم في الجناح المصاب .ان شاء الله ماعليه شر وتقبلي مروري
|
| جميع الأوقات بتوقيت GMT +3. الساعة الآن 04:48 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو