|
الدره العنيد كيف كيف؟؟
سلام عليكم ورحمه كيف حالكم ان شاء الله بخير والله انا متعلوز من ها طير عندي من 5 اشهر كل ما احاول اخلي صوبي يشرد يروح بعيد عني ويوم يشوف صبع اي حد يتم يصارخ ويتفح حلجه ويعض وجربت مراه قلت بيعض وبعدين بيركب على اصبعي عضني وطلع من ايدي دممممم 1-كيف اخلي يتم عندي يعني من افتح القفس ابا اخلي يي عندي ويقعد حذالي؟ 2-كيف اخلي يركب على اصبعي من دووون اي خوف؟ 3-كيف اخلي ما يخاف من اصبع اي حد ؟ 4-كيف اخلي ما يخاف من البشر او مني ؟ 5- شو اسوي عسب ياكل من ايدي ؟ عندي دره صغيره حلوه تعض بس عضتها يعني ما احس لين هناك ويوم ااكلها من ايدي تاكل وتصعد على ايدي من دون خوف بس الكبير هذا الله يهديه سولي ترتيب بليز :(اترياكم ... :( |
رد: الدره العنيد كيف كيف؟؟
وانا كمان عندي الدره مثل حالتك بس المشكله مايصفر اللى اذا احد صفر عنده
|
رد: الدره العنيد كيف كيف؟؟
الحين اثنين يبون ردكم بليز ردو علينا
|
رد: الدره العنيد كيف كيف؟؟
وعليكم السلام ورحمه الله وبركاته
اخووي الكريم مااعندي الخبره الكاافيه في تروويض الدره :shy: لكن بذكر لك بعض النقااط وياارب تفيدك خمس شهوور اعتقد مده كاافيه ليتعرف الطير على اهل البيت وكونه متووحش لانه كبير في العمر ويمكن محد قرب منه قبل في اكثر من طريقه منها التمسيد (المسح على الطير ) ممكن ترفع عنه الاكل 3 سااعاات وبعدين تعطيه بيدك وخل بيدك عسل علشاان يعرف انك مااتااذيه وهذا اللي عندي يااخووي يااريت اقدر افيدك اكثر:shy: اختك ملآكـ |
رد: الدره العنيد كيف كيف؟؟
تسلمين اختيها ملاك بس ها شي اعرفه
وثاني شي عسل ما ينفع معاه لاني مجرب عضني وطلع دم على كل عض دم و سالفه الاكل جربت معه 4 ساعات بعد تم يصارخ عليي ان شاء الله اخوانا يفيدوني ومشكوره يااختيها ^_^ |
رد: الدره العنيد كيف كيف؟؟
نفس الحاله و طار و ما رد لي مرة ثانيه و ندمت علـيه
|
رد: الدره العنيد كيف كيف؟؟
بقولها لك وتحملنى ولا تزعل منى
الدره خلها تستريح بالقفص اشتر لك كاسكو او امازون واترك عنك عوار الراس الدره الهندية ما تتكلم واذا انت محظوظ بتقولها كلمة ولا كلمتين . الدرة حلوه بشكلها ولونها وحركاتها لكن للترويض صعبة ولها شروط واقرب فرصة للهرب تلقاها بنص السما حتى بيباى ما تقولك وانت بكيفك يالحبيب هذا انا قلتها لك وانت حر بقرارك |
رد: الدره العنيد كيف كيف؟؟
ياولد الحلال ما عندي مبلغ عسب اخذ لي ومحد بيوافق عليه انا مجرب قبل ما شي فايده قلت بمشي اموري معايه
|
رد: الدره العنيد كيف كيف؟؟
اهلي ما يخلوني ههه يقولون مب زين تاخذ لعنه من الحيوان لازم اكل معاه وماي وانا بعد اقول حرام ما طريقه ثانيه ابا شي غير العقاب احس انه ها عقاب والله اسمحولي :(
|
رد: الدره العنيد كيف كيف؟؟
والله ياخوي الدره معرووووف انه اذا كبر وماتوالف بصير عنيييييييد
وطريقة التجويع ماتنفع معاه انا جوعت اللي عندي حوالي 10 ساعات لكن مافيه فايده لكن اصبر اصبر اصبر مد له قطعة تفاحه واصبر لين ياكل منها او خذ لك قفاز قوي ولف على الطير بقماش وبين راسه فقط ومد له الاكل بيعضك لكن بالقفاز ماراح تحس بالعض كررها كل يوم والشي الثاني قص جنحانه قص حلو وخليه يطلع من القفص لمدة ساعه او 45 دقيقه يوميا بيرمي الاكل مو مشكله اصبر كم يوم وراح يقل خوفه ماراح يتعود لكن خوفه بيقل وان شاء الله انه يتعود عليك انا مستغرب له خمس شهور عندك ولا تعود !!!!!!!!!!! |
| جميع الأوقات بتوقيت GMT +3. الساعة الآن 03:59 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو