ابشركم .. بأشتري سنجاب والوبر (إن شاء الله)
 

السلام عليكم ,

كيف الحال ؟

حبيت اهنيكم بالعيد ((كــل عام وانتـــم بخيــر))

الموضوع :~
بأشتري سنجاب ووبر .. إن شاء الله .. ويارب ان ابوي مايغير رأيه !! (في شراء السنجاب والوبر)
ويمكن اشتري الشانشيلا ((ما اتوقع ابداً)) لا لا

وبأحطه في الاستراحه .. يعني يمكن يا كلهم البرد
القفص اللي بأحطهم فيها كبير حق خرفان وو ..
وعندي اسئلة .. ياليت تتحملونها وتجاوبونها ((لو سمحتم)) وبسرعه لأني بأشتريهم قرييب:)

س1 : ماذا يأكل السنجاب ؟؟
س2 : هل يجب ان يعيش السنجاب في شجرة او في مكان دافئ ؟؟
س3 : هل يأتي السنجاب بأمراض !!
س4 : الوبر والسنجاب لازم احطهم في مكان دافئ .. ولا هم يدورون ويلقون مكان دافئ ؟؟
س5 : انا ماحطيت لهم نشارة .. تراب عادي !! هل ينفع ولا لأ ؟؟
س6 : هل الوبر يحفر في التراب وينوم في داخلها !! مثل الارانب ؟؟
س7 : هل يموتون في هذا البرد القارص ؟؟
س8 : ماذا افعل إن لم اجد لهم مكان يدفيهم ؟؟؟؟!!!

ارجو الاجابه في اسرع وقت وشكراً ..

مع السلامه ... ^ ^

رد: ابشركم .. بأشتري سنجاب والوبر (إن شاء الله)
 

أخوي السنجاي يبغيله قفص لان عادي يتسلق اي شي اللي في بالك فما انصحك تاخذ سناجب

اولا ماتقدر تشله بأيدك وثاني شي خواااااف بدرجة فظيعه يعني راح تتمنظر فيه

اما الوبر يتحسن تحط لهم جرات من الفخار عشان ينامون داخله وحطلهم قش داخله

والوبر يستحسن تغطي لهم المكان عشان يكون فيه دفوة لان الجو بارد وايد دام نحن مب قادرين نتحمله كيف هذا الحيوان المسكين راح يتحمله؟؟

رد: ابشركم .. بأشتري سنجاب والوبر (إن شاء الله)
 

السلام عليكم بالنسبة للسنجاب في واحد اعرفه كان يربيه من هو صغير الى ان كبر بعدين طلعه من القفص على طول اتسلق على يده شاله بيرجه رجع مرة ثانية طلع على يده بس اظن انه يجيب مرض ما ادري ايش هو اظن المالايا




وشكرا

رد: ابشركم .. بأشتري سنجاب والوبر (إن شاء الله)
 

مابنصحك بل سنجاب

مرة ربيتو وندمت على لساعة تعرف ليش هههههههههههههه لاني جبتو بل ليل وثاني يوم ماشفتو

يعني هرب

رد: ابشركم .. بأشتري سنجاب والوبر (إن شاء الله)
 

ذكرتوني بسنجابتي فروتي.. :o :o

بالنسبه لأسألتك:

س1 : ماذا يأكل السنجاب ؟؟
يأكل الفواكه.. واكل الهامسترات.. والحب الشمسي.. ويحتاج للفيتامينات اشترها من الصيدليه..

س2 : هل يجب ان يعيش السنجاب في شجرة او في مكان دافئ ؟؟
يفضل وضع بعض الأغصان في القفص.. للتسليه.. وعش.. وبالنسبه لدرجه الحراره يفضل ان يكون المكان دافي..

س3 : هل يأتي السنجاب بأمراض !!
نعم يمكن ان يجلب الأمراض..

س4 : الوبر والسنجاب لازم احطهم في مكان دافئ .. ولا هم يدورون ويلقون مكان دافئ ؟؟
اذا كان المكان بارد.. يفضل وضع عش في القفص وقطع صغيره من القماش الغليظ مثل الصوف وراح تلاقي السنجاب روحه اشتغل بنفسه وقام يدخل نشارة الخشب والقصاصات القماش الى العش عشان يدفي نفسه..

س5 : انا ماحطيت لهم نشارة .. تراب عادي !! هل ينفع ولا لأ ؟؟
يمكن تستخدم التراب مش مشكله هاللي اعرفه..

س6 : هل الوبر يحفر في التراب وينوم في داخلها !! مثل الارانب ؟؟
ما عرف..

س7 : هل يموتون في هذا البرد القارص ؟؟
يمكن والله الانه سنجوبتي ماتت وما عرف السبب للحين..:( :( مع اني كنت اشوفها تسحب نشارة الخشب لبيتها وتسكره بكبره..

س8 : ماذا افعل إن لم اجد لهم مكان يدفيهم ؟؟؟؟!!!
مثل ما قلت لك فوق.. قصاصات من القماش وعش لهم.. وحاول تغطي القفص بالصوف..

نصيحه مني مع انه تجربتي كانت بسيطه في تربيه السناجب.. اذا بغيت تشتري سنجاب خذلك واحد مدرب ومروض.. الانه تربيتها صعبه جدا.. وعشان تستمتع في تربيته.. وما تخليه بس منظر تمنظر فيه الانه احلى شي في تربيه الحيوان هو ان يبني الانسان علاقه بينه وبين الحيوان ويتقرب منه ويخليه صديقه.. مش يراقبه من بعيد لبعيد.. انا للي كانت عندي مدربه.. كنت امسكها وامسح عليها.. ولكن مره عضتني.. :cool: :cool:

وفي مواضيع مثبته في هالقسم اتمنى انك تقرأها بتستفيد..

رد: ابشركم .. بأشتري سنجاب والوبر (إن شاء الله)
 

شكراً لكم جميعاً وشكراً لك صاحبة الوفا وشكراً لك توتي

بس انا حاطه بالمزرعه .. يعني ماشوفها إلا كل اسبوع .. يعني انا ماخليتهم بالبيت .. يعني اجي ازوره كل اسبوع مرتين .. هل يستطيع بهذه السرعه نقل المرض ؟؟؟ حتى وانا لم ألمسه .. وماأفضل انواع السناجب ؟؟؟؟؟؟؟