منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   ببغائي .... احبه .. يارب يتكلم (http://www.2zoo.com/vb/showthread.php?t=155478)

lady.d 25-04-2010 12:02 PM
ببغائي .... احبه .. يارب يتكلم
 
السلام عليكم يا اعضاء احلى منتدى

انا شريت ببغاء كسكو وقالي راعي المحل احتمال عمره سنو ونص او سنتين وما يعرف هو ذكر والا انثى.. وليس مدرب ولا يتكلم لسى.. قلت مو مشكله انا ادربه.. المهم انه ماكان شكله شرس يعني يجعر بس على خفيف اذا حنا قربنا منه (هذا اول ما جبناه) الحين يمكن له شهر عندي ويصفر يمكن 9 اصوات.. واليوم يصفر انواع زياده..

بعدها بكم اسبوع وديته محل حيوانات ثاني عشان ابي اعرف هو ذكر والا انثى وكم عمره.. المسؤول عن الببغائات شاف شكله وقالي هذا عمره 3ونص او 4 وانه انثى..
:64:
المهم اليوم سمعته يصفر تصفيره غريبه كانه وده يتكلم (يعني على وزن كلمه) بس انه صفيره..

والي قريته في هذا المنتدى انه اذا كان كبير وما تدرب على الكلام فإنه ماراح يحكي :wao: !!! ضاق صدري.. صدق ذا الكلام؟؟

والسؤال الثاني هل الببغاء فجاه يتكلم بدون مقدمات... والا حبه حبه يعني زي البيبي ؟ انو يعني مو على طول تظبط معاه الكلمه ؟ عشان بشوف الصفيره الي صفرها اليوم هي بداية كلام والا بس تصفير؟؟ :confused:

الله يجزاكم خيير قولوليييييييييي.. ابيه يتكلم

شاهيـن 25-04-2010 12:38 PM
رد: ببغائي .... احبه .. يارب يتكلم
 
هلا أختي
الببغاءات المتكلمة تتكلم بأي عمر ما في شي مستحيل و بما أنك سمعتيه يقول كلمه بتصفيرة فهذي بداية كلام إن شاء الله ومثل ما قلتي الببغاء مثل البيبي لما يتعلم الكلام يبدى يحاول بالكلمة حتى يضبطها مع الوقت و مع تلقينك الصحيح
على فكرة تحديد جنس الأفريقي عن طريق تحليل دي إن أيه

lady.d 25-04-2010 12:42 PM
رد: ببغائي .... احبه .. يارب يتكلم
 
الله يعطيك العافيه اخوي شاهين :freind:

ويبشرك بالخير :D

عاشق ومفارق 25-04-2010 12:50 PM
رد: ببغائي .... احبه .. يارب يتكلم
 
هلا بك اختي مثل ما تفضل اخوي شاهين ان شاءلله راح يتكلم والمثل يقول أكل العنب حبه حبه اهم شي الاهتمام بطير ويكون غير معزول عن الناس لان الطيور اجتماعيه .. وبالنسبة للجنس الطير مستحيل احد يعرفه ومثل ماذكر الاخ شاهين لازم عن طريق الفحص..

تقبلي مروري

دمتي بود

lady.d 25-04-2010 01:15 PM
رد: ببغائي .... احبه .. يارب يتكلم
 
يعطيك الف عافيه اخوي عاشق...

طيب بسال شي.. الحين في ببغائات يكون على رجولهم في حديده وعليها رقم.. هل هي تتبع لفحص ال DNA.. والا وش قصتها؟ وكيف الواحد يسويها؟

روجيادا 25-04-2010 01:30 PM
رد: ببغائي .... احبه .. يارب يتكلم
 
اقتباس:
المشاركة الأصلية كتبت بواسطة lady.d (المشاركة 1421135)
يعطيك الف عافيه اخوي عاشق...

طيب بسال شي.. الحين في ببغائات يكون على رجولهم في حديده وعليها رقم.. هل هي تتبع لفحص ال DNA.. والا وش قصتها؟ وكيف الواحد يسويها؟
اخوي الحديدة هذيك تسمى جحل والطير المحجل يعني طير تفريخ مزارع او مربيين ما انه مصيود والارقام اللي فيها تدل ع تاريخ ميلاد الطير ورقمه ف المزرعه ( عشان يتعرف عليه المربي) ومرات تكون فيه معلومات شخصيه كإسم الطير ورقم هاتف صاحبه او اي معلومات يضيفها صاحب الطير
بالنسبه لفحص DNA تاخذ ريشه من الطير وتوديها للصيدليه يعملو لها فحص ت يحددو جنس الطير عن طريق الكروموسومات الجنسيه
ممكن تفصل الحجل بالمعلومات اللي تريدها

lady.d 25-04-2010 03:22 PM
رد: ببغائي .... احبه .. يارب يتكلم
 
يعطيك العافيه اخوي روجادا.. ما قصرت :)

طيب انا شاريه ببغائي من محل حيوانات.. فيه امكانية اني احطله الحديده (الحجل)؟

والي ساكنين في الرياض اذا احد يعرف مكان كويس احلل فيه الDNA و اسوي الحجل؟ والا هو بس لتفريخ المزارع؟


جميع الأوقات بتوقيت GMT +3. الساعة الآن 01:27 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو