منتديات تو زوو - كيف ادرب قطتي على النوم في السرير الخاص بها ؟

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

كيف ادرب قطتي على النوم في السرير الخاص بها ؟

السلام عليكم

كيف حالكم حبايبي اخواني واخواتي محبي القطط

انا عندي قطه اسمها Princess Fiona

ماتدرون شكثر احبها ومتعلق فيها

مع انها مغروره ودلوعه بزياده هههههههه

عمرها تقريبا سنه

وهي مدلعه بشكل مو طبيعي راتبي كلها رايح عليها خخخخ

الحمدلله هي صحتها ماشاءالله حلوه

بس مشكلها خوافه شوي وماتجلس مع اي حد ..

عموما اي حيوان عندي لازم احط له سرير هههههه مدري احب يكون مرتاح

انا صراحه احب فيونا انها تنام في سريرها

مع اني شريت لها 2 واحد مغلق حلو في الشتا والثاني عادي مكشوف

بس عمري ماشفتها نايمه فيهم الا لما انا احطها غصب

جربت حطيت اكلها جنب السرير مانفع

هي العاده تنام تحت الطاوله او تحت الستاره !!

عليها اماكن هههههه

هل فيه طريقه اعودها تنام على سريرها ؟

وهذي صور الأسره اللي شريتها لها

جمع سرير أسـره والا سراير والا سريرات ؟؟

قولولي اذا غلطت عادي ترا ههههههههه

والله يحفظ الجميع

مـاشـاء الله

http://www.2zoo.org/get-4-2010-2zoo_org_9cnveyte.jpg

http://www.2zoo.org/get-4-2010-2zoo_org_3249y9o4.jpg

رد: كيف ادرب قطتي على النوم في السرير الخاص بها ؟

مرة من جد شكلها مغصوووبة خخخ خاصةً الصورة الثانية ^:^

وصراحة انا بساسي مايحبو ينامو الا في السرير وفي نفس المخدة يعني راسي براسهم :D

عشان كذا ماقيدي فكرت انه آخذلهم سرير خاص

يلا ان شاء الله يجوا الاعضاء المجربين ويفيدوك ^^

رد: كيف ادرب قطتي على النوم في السرير الخاص بها ؟

السلام عليكم

بما انك تقول انه تحب تنا تحت الطاولة معاناها انها تحب السرير المغطى من فوق

فعودها انته على السرير المغطى من فوق

طيب كيف تعودها ؟

انته حطها في السرير و اذا طلعتى منه ارجع حطها و اعمل هالحركة كل مرة و بكذا راح تتعود على السرير

مع الوقت

و هالطريقةعن تجربة ^^

رد: كيف ادرب قطتي على النوم في السرير الخاص بها ؟

كلام كيتي صحيح

مره على مره راح تتعود

وخليك جنبها وامسح عليها عشان ترتاح للمكان

رد: كيف ادرب قطتي على النوم في السرير الخاص بها ؟

ماشاللة عليها تستاهل الدلع.بس عني ماعرفت اعلم بساسي
ع سريرهم مع اني شريت واحد والحمدللة قطعو باظافيرهم:mad:
وخلاص استسلمت وصارو ينامو في كل مكان بالبيت .وانت ان شاللة تتعلم انها تنام بسريرها