منتديات تو زوو - مُروض ببغاوات , ياليت رأيكم .

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - مُروض ببغاوات , ياليت رأيكم . (http://www.2zoo.com/vb/showthread.php?t=152795)

مُروض ببغاوات , ياليت رأيكم .

السلام عليكم ورحمة الله وبركاته

كيف حالكم ان شاء الله تزقحون :D ..

بصراحة مريت على محل طيووور وقلت له عندك مروض ؟؟

قال لاوالله ..

قلت له طيب تعرف لي مروض ؟؟

قال اذا تبي عندي لك واحد يروضه لك ويخليه مايجعر ومايعض ويطلع على اليد في مدة ( أسبوع واحد فقط )

بقيمة : 250 ريال سعودي ..

طبعاً ماشا الله عليه شكله عنده خبره كبيره ..

قلت له على خير ان شاء الله ..

الحين انتم شرايكم

بالسعر ,, هل هو مبالغ فيه او ممتاز ؟؟

لانه الكاسكو حقي توه صغير عمره 8 شهور ..

ويجعر ويعض ..

وشريته بـ 1300 ريال

يقول سعره غالي اذا ب1300 ويعض ويجعر ..
ومايتكلم ..

طبعاً التجعير كان كل ماقرب منه يجعل بقوه لكن له يومين عندي وخف تجعيره شوي

صار اذا طالعته قليل يجعر لكن اذا قربت منه يجعر

و
ابي رايكم
بالسعر المروض

وسعر الببغاء
;)

رد: مُروض ببغاوات , ياليت رأيكم .

اذا طيرك سليم من الامراض وجسمه زين وريشه نظيف فاعتقد سعره مناسب

اما سالفه الترويض فانا ما انصحك لان المروضين يكسروا من كبرياء ويحطموا الطير لان الطير ماهو طيره ولا يهمه يبغى ياخذ 250 ريال وبس .

انصحك تصبر على الطير وتثقف نفسك وتسال فى المنتدى وانت مع الوقت راح تروض طيرك بنفسك.

وصدقنى راح تجد انه اكثر امتاعاً اذا روضته انت بنفسك.

اخوك / ابوفيصل

رد: مُروض ببغاوات , ياليت رأيكم .

اقتباس:

المشاركة الأصلية كتبت بواسطة غسان الاشقر (المشاركة 1390250)

معاك في كل كلمه , لكن سعر الطير غالي جدا جدا

1300 تجيب لك فرخ افريقي عيون سود او ببغاء اليف وعنده كم كلمه

تقبل مروري

رد: مُروض ببغاوات , ياليت رأيكم .

يعطيك العافية اخوي لست

والله با النسبة لللآسعار اعتقد انها تختلف من منطقة الى منطقة اخرى والله اعلم

اما با النسبة الى قيمة الترويض انا اشوفها حلوة اذ ب 250 وفي اسبوع

لو احصل انا ها القيمة عندنا في القصيم والله كويس

اروض ها الدلوخ الي عندي

دمت بخير

رد: مُروض ببغاوات , ياليت رأيكم .

اقتباس:

المشاركة الأصلية كتبت بواسطة د. إحتـراف (المشاركة 1390262)

ياعم الاسعار عندنا بالشرقيه مرتفعه

مهب مثل سوق الحمام عندكم الكاسكو على 7 ريال :wao:

امزح

اهم شى الرجال يبدا الترويض بنفسه ولا يخلي احد يلعب عليه

رد: مُروض ببغاوات , ياليت رأيكم .

بصراحه لو فكرت اشتري كاسكو

وقتها بروضه بنفسي افضل وحتى الطير يتعود علي

رد: مُروض ببغاوات , ياليت رأيكم .

اقتباس:

المشاركة الأصلية كتبت بواسطة اسمراني قصيمي (المشاركة 1390266)

هلا بيك ,

اها يمكن ,

بصراحة انا يوم قالي اسبوع صرت كذ1 " :freind: " خخخخخ ~
بسسس بصراحة مدري شقولك ماعجبني وضعه ~

فأبروضه بنفسي مثل ماقالوا الأخوان ,, ^^..

اقتباس:

المشاركة الأصلية كتبت بواسطة د. إحتـراف (المشاركة 1390262)

:( يعني انا انغشيت ؟؟؟

:( اللي جابه لي قالي ممتازه وكذ1 لانها جايه من الرياض ونصحني فيها ..

لكن ( قدر الله وماشاء فعل ) .. انا مالي خبره كبيره لكن منكم استفدت كثير ,

ومثل مايقولون ( كل قرصة بتعليمة :shy: ) ..^^ والمره الجاية راح اخذ حذري اكثر ..

واليوم وديت الكاسكو لواحد اعرفه خبير ~

قلت له الحين كم عمره لاني كنت شاك عمره فوق سنة ,

لكن الحمدلله مثل ماقال لي اللي اشتريت منه عمره 8 الى 9 شهور ..

:o

اقتباس:

المشاركة الأصلية كتبت بواسطة غسان الاشقر (المشاركة 1390250)

ايه الحمدلله ممتاز جداً ~
وبصحة وعافية الحمدلله ..

ابشششر يالغالي كلامك عين العقل

وبإذن الله خل يتعود علي وان شاء الله بروضة بنفسي وبفضل الله من ثم فضل الاخوان خذت لي خبرة بسيييطة , وبإذن الله بطبقها ,

رد: مُروض ببغاوات , ياليت رأيكم .

نصيحه لاتعطيه حط يروضه غيرك لان مايهمه وبيعامله معامله قاسيه وبتتحسف بعدها،، انت وكيفك،،

رد: مُروض ببغاوات , ياليت رأيكم .

الطير توك شاريه ريحه اسبوع ياخذ على الوضع عندك بالبيت وابدا معه الترويض واصبر عليه انا شريته يجعر وحالته صعبه وكل من شافه قالي الله يعينك عليه الحين الحمد الله وقف تجعير وصاير يطلع على يدي وياكل من يدي وجالس ادربه على الكلام وصاير يخربط وان شاء بيتكلم واهم شي اصبر واستمتع وانت تروضه خل بينك وبينه تحدي

رد: مُروض ببغاوات , ياليت رأيكم .

ياخي نصيحه لك ..

روضه بنفسك خذلك فرتين على دروس الشباب في الترويض وصدقني بتستفيد

وانا شريت فرخ 4 شهر تقريبا يجعر ويخاف بس الحمدلله بعد الدروس هنا استفدت والحين طلع بطل
في اقل من شهر صار الـيـــــــف ويطلع على اليد ويصفر ويطقطق واي شي