|
ضروري .. كاسكوي ينزف ... لحقو علي ..
السلام عليكم ..
من شوي راجعه البيت واشوف الكاسكو واقف مكانه عند صحن الماي ... وفتحت عنه القفص .. ورحت ورجعت علية بعد عشر دقايق .. وبعدة باقي في مكانه ... ولما اتقربت منه شفت اصبعه اليسار عالق في باب صحن الماي ( ما أعرف من متى) .. ومن فتحت عنه تم واقف مكانها وينزف نزيف شديد من ظفرة ... والظفر مشروخ من الوسط تقريبا .... وينزف ... الله يخليكم ... قولو لي اشوة اسوي؟؟؟ ... البيطري ما بيفتح غير باجر العصر ... وخايفة عليه ينزف لين يمووت ( بسم الله عليه) ... الاشياء الي سويتها لين الحين .... حاولت اوقف النزيف >>> حطيت كلينكس مكان الشرخ ... فرشت له جريدة في قاع القفص وحطيت الاكل والماي تحت علشان ما يتعب عمرة يوقف فوق ويتحرك ... وحتى الخشبة حطيتها على انزل مستوى ... و حطيته في مكان مظلم ينام فيه ... |
رد: ضروري .. كاسكوي ينزف ... لحقو علي ..
اول شي ما تشوف شر يارب
مبدئيا حط عليه قوه مطحونه وهي تساعد علي وقف الجروح واذا ما عندك قوه تعرف المنكير " صبغ الاظافر الي يستخدمونه البنات " حطه علي مكان الجرح وانشالله يتوقف وافضل انك تحط صبغ الاظافر وطمني عليه يا اخوووي |
رد: ضروري .. كاسكوي ينزف ... لحقو علي ..
اقتباس:
احس لو احط لة المنكير ممكن يحس بحرقة لانه يحرق اذا انحط مكان الجرح ... وان شاء الله بحط لة قهوة ... |
رد: ضروري .. كاسكوي ينزف ... لحقو علي ..
اختي
انا اعرف اذا كان هناك نزيف خاصة بأرجل الطير يوضع عليه المسمار ( قرنفل ) او حاول انك تلفين رجله بشي مثلا بلزقة او بشاشة ادري انها تبي تزعج الطير شوي لكن على الاقل توقف النزيف و بكرا طلعيه يتشمس عشان يجف الجرح و يساعد على التآمه اتمنى اني اكون افدتك احس بموقفك صار لي مثل هالموقف قبل ع العموم ان شاء الله ما يصير له شي |
رد: ضروري .. كاسكوي ينزف ... لحقو علي ..
اقتباس:
الحمدلله النزيف احس فيه خف شوي لما خليته ينام في الظلام وما يتحرك ... وكل 10 دقايق اشوفة ... لاكني ما اظن اقدر احط لة شاش .. لاني لفيت رجلة بالكلينكس واتضايج منها وعضني ... والحين حطيت علية شوية قهوة ... و اذا ما وقف نهائي بحط لة المسمار ... وان شاء الله من اول الصبح بحطة في الشمس ... ومشكور اخوي على النصايح المفيدة ... لاكني خايفة من ان الظفر ممكن يلتهب ... اشوة اقدر احط لة على المكان ويمنع الالتهاب؟ |
رد: ضروري .. كاسكوي ينزف ... لحقو علي ..
بس استمري علي القهوه
|
رد: ضروري .. كاسكوي ينزف ... لحقو علي ..
السلام عليكم
اخي العزيز لاتحتاج الى اي طبيب عليك بوضع اي شئ بودره سواء قهوه طحين بودره اطفال خليه يمشي على الرمل سوف يقف الدم مباشره. |
رد: ضروري .. كاسكوي ينزف ... لحقو علي ..
اقتباس:
الحمدلله وقف النزيف الحين ... بس انا خايفة انه ممكن ينزف مرة ثانية اذا حد حرك الظفر .... لانه منشرخ من النص (مقسوم) .... و ريشة صغيرة عالقة في النص مب قادرة اطلعها .. |
رد: ضروري .. كاسكوي ينزف ... لحقو علي ..
والله حبيبتي سامحيني ما إلي خبرة وانشاء الله ما يشوف شر
|
رد: ضروري .. كاسكوي ينزف ... لحقو علي ..
القهوه توقف النزيف اكيد .. احنا البشر لو الواحد انفقش راسه حطينا قهوه.. اكيد تنفع للطيور..
|
| جميع الأوقات بتوقيت GMT +3. الساعة الآن 12:06 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو