|
شي .. غريب ؟؟!!
السلام عليك ورحمة الله وبركاته .. كيفكم يا أعضاء ومشرفين منتدانا الغالي ,, اتمنى لكم دوام الصحة والعافية لكم واطيوركم .. ...... ما ابي اطول عليكم .. لكن انا شريت كاسكو افريقي .. فرخ محجل .. عمرة تقريبا 6 أشهر . ياكل بنفسة ... المهم انا لاحظت عليه حركات غريبة شوي . ماصارت معي في الببغاوات اللي قبلة .. اللي هي : نومته غريبة شوي .. يعني ماينام مثل الطيور الثانية .. على رجل وحده وراسة يرجعه للخلف .. لا.. ينام عااادي ولا كأنه نايم عيونه بس اللي مقفلة وباقي جسمه طبيعي .. والشي الثاني : كل ما جيبته كأنه مايصدق على الله يشوفني .. يحاول يقرب من ولما اعطيه يدي يتذوقها ويمسكها برجله يحسسني انها فول سوداني << ؟؟ :( طبعا انا الفترة هذه ادربه على الطلوع ع اليد .. لكن كل ذا هين المشكلة في النومة مو مريحتني .. حاولت ادور لها تفسير . . وقلت يمكن ع شانه باقي فرخ ..؟ << معقوله .. لأنها اول مرة تمر علي . أدري اني طولت عليكم .. <<< زين انك عارف .. وش رايكم أقص أجنحتة وإلا أخليها كذا .. ............................ لأنه مو بصاحي إذا طار مايعرف يوقع زين ..................... آسف ع الإطالة .. أنتظر ردودكم ... :shy: |
رد: شي .. غريب ؟؟!!
والله ماعندي فكرة الصراحة أخوي
أتمنى محد من الأعضاء يبخل عليك ويفيدك ويفيدنا عن حالت بغبغائك وتعم الفائدة للــجـميع إن شاء الله تحياتي |
رد: شي .. غريب ؟؟!!
والله ماعندي فكرة الصراحة أخوي
اتمنى الرد من الاخوان للافاده |
رد: شي .. غريب ؟؟!!
عندي الطير حقي أربع سنين ينام كده ...
أخوي ما عندك أي شيئ طيرك طبيعي والله يباركلك ... |
رد: شي .. غريب ؟؟!!
لا مو مشكله يا عزيزي اترح عليك تنتف ريشه مو تقصه لانك اذا قصيته يبيلك تصير حذر على شان ما تقص ريشه في دم كثير ومن هالكلام
بما انه توه صغير اول اربع ريشات من الجناح خلها على شان تحافظ على جمال الطير وبعد الاربع ريشات انتف لك اربع ريشات وبعد فتره راح يطلع له ريش ويصير خلاص متعود عليك وصار طير اجودي هع وبالتوفيق يا بعدي |
رد: شي .. غريب ؟؟!!
هلا فيك يا قمر
النومة طبيعية يا غالي,, وهي طريقة من طرق النوم اللي الببغاء يختارها او يختار غيرها بدون ما نفهم انه فيه مشكلة أو معنى. بالنسبة لحركته لما يتجنن وقت ما يشوفك,, هذي تدل على انه لعووب ويحب يلعب,, ويفهم انك انت الشخص اللي يبغى يلعب معاك عشان كذا يتحمس لما يشوفك يمكن لما يمسك اصبعك يصير يرجع راسه لورى وينقر اصبعك بسرعة أو بحركة كأنها هجوم,, وهذي طريقة من طرق اللعب عنده وتفريغ الطاقات,, أعطي ببغائك وقت أكبر باللعب, اكثر من الوقت اللي انت تعطيه اياهـ. وبالنسبة لي لو كنت مكانك,, (وهذي قرائه بين السطور) أحاول لما يمسك اصبعي ,, أمسك ارجوله وأرفعه فوق لا تخاف ما بيعضك بقوة, بس بيلمسك بمنقاره كأنه يبغى يتمسك فيك لا يطيح. ولاتنسى تعدل يدك وانت ماسك رجله ورافعه فوق عشان يصير واقف على يدك,, < وخليك ماسك رجله . وربي يوفقك يا قمر تحياتي |
رد: شي .. غريب ؟؟!!
اخوي النومه طبيعيه ...الطير حقي عنده تقربا سنتين ونص..ينوم كذا...
اما اجنحته انحك تقصها... |
رد: شي .. غريب ؟؟!!
اقتباس:
وض اقول غير ما قال المعلم الكبير سكر ( يلوموني فيك يا سكر ):D |
رد: شي .. غريب ؟؟!!
الله يعينك
|
رد: شي .. غريب ؟؟!!
سبقنا حبيبنا وشيخنا وكبيرنا سكر السكاكر
موفق خير بطيرك اخي الكريم وامورك كلها طبيعيه وصدقني الكثير يقراء موضوعك ويغبطك على هالطير الحلو ومقيوله الطير من راعيه فائق احترامي للجميع |
| جميع الأوقات بتوقيت GMT +3. الساعة الآن 11:31 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو