|
الكاسكو حقي مدري وش فيه الحقوني
بسم الله الرحمن الرحيم
السلام عليكم ورحمة الله وبركاته كيفكم ان شاء الله بخير الحقوني الكاسكو حقي مدري وش فيه اليوم نوعه هولندي عمره 7 شهور اليف المهم امس اخوي اكله شوية كمثرى بس شوي يمكن قطعتين صغااااار واليوم مو راضي ياكل شي ويطلع صوت خفيف يعني كيف الانسان لما يكون مزكم ومو قاطر يتنفس هو كذا يطلع صوت من فمه وكنت حاطه له دوار الشمس بس لما صحيت مو ماكل شي شرب مويه شوي طبعا عندي له مضاد حيوي له بودره اللي احطه بالمويه ويصير لونه اصفر ,, وعندي فيتامين اقطر بالمويه الفيتامين للان ما استخدمته والمضاد اللي اخوي شراه من عنده قال حط له كل يوم نص ملعقه بالمويه لمدة 5 ايام بعدين اقطعه يمكن لان الج بيتغير عليه مدري المهم وش اسوي الحين حطيت له حبوب دوار الشمس ما رضى ااكله بيدي ما رضى جبت له قطعة تفاحه اكل لقمتين وبس ياليت تفيدوني وهل يحتاج اوديه لبيطري ؟؟؟ |
رد: الكاسكو حقي مدري وش فيه الحقوني
|
رد: الكاسكو حقي مدري وش فيه الحقوني
هلا اخوي
طيب وش الحل ووش احط له اكل وربي خايفه عليه لان قبل اسبوع كان عندي فرخ دره نيباليه عمره شهرين وقبل كم يوم مات ما ادري ليش وهذا خايفه عليه من جد البراز حقه لا عادي اخضر ومو سائل وكان عندي بالغرفه ويلعب باغراضي بس الاكل مو راضي ومن امس وهو يطلع الصوت هذا |
رد: الكاسكو حقي مدري وش فيه الحقوني
السلام عليكم اختي يمكن عطيتو الطير اكل بارد وأثر عليه او انه اخذ له تيار هوائي اعزلي الطير في مكان دافي جدا واعرضيه على بيطري في اسرع وقت تقبلي مروري |
رد: الكاسكو حقي مدري وش فيه الحقوني
هلا اخوي
لا بالنسبة للتيارات والبرد ابدا مو معرضته لهالشي وحتى المويه ما اعطيه بارد ابدا بالنسبة للاكل ياخوي بسألك على شي اللي باع الطير لاخوي قال له خليه على حبوب دوار الشمس الفواكه لا تعطيه الا مره بالاسبوع ةصفار البيض مره بالشهر بس انا مو مقتنعه انه ما ياكل شي ثاني غير دوار الشمس ؟؟ يعني مافي حبوب ثانيه ؟؟ ويوميا مثل الحين هذا انا مطلعته بالقفص هو وباقي الطيور بالحوش عشان يتشمسوا وهو عادي ما فيه اي شي ومو باين عليه مريض الا انه بس للان ما اكل من الحبوب |
رد: الكاسكو حقي مدري وش فيه الحقوني
الطير لازم ياكل, الدوا بدون اكل راح يضعف الطير , اذا ما كان ياكل حاولي توكلينه بالابره بطاطس وجزر تنسلق وتخلينها بالخلاط عشان تصير سائل أو أكل المخصص لفروخ الببغوات اذا كان متوفر, المهم يكون المضاد مناسب للحالة والتدفئة كما ذكرو الاخوان والله يشفيه
|
رد: الكاسكو حقي مدري وش فيه الحقوني
سلاماااات ما تشوفون شر
اهم شي تحافظين علي نظافه القفص وتحمي الطير من تيرات الهواء البارد ومري البيطري وحاولي تخلينه ياكل وما تشوفون شر يارب |
رد: الكاسكو حقي مدري وش فيه الحقوني
اهم شي ذحين صحة الطير و انه يتعافى تماما من المرض
الطير لا تطلعيه من القفص و حطيه بمكان دافى و كل يوم او يومين خرجيه فوق القفص و اديه شويت عسل مع ليمون جيبي صحن و حطي شوية عسل و اعصري عليه نص ليمونه و الطير خليه على هاذا الحال لي 4 او 3 ايام و لاتطلعيه يتشمس برا البيت<<في مكان مكشوف و ممكن تجيه لفحة هوا لين يتعافى مزبوووط و تروح كل اعراض المرض و اذا على الاكل ممكن تشتري اكل مشكل من محلات الطيور و يكون فيه فواكة مجففه و كذا نوع من الفصفص و اذا تبغي تفيديه مزبوط اديه عسل كل 3 ايام شوية تحياتي |
رد: الكاسكو حقي مدري وش فيه الحقوني
شلون الكاسكو الحين انشالله احسن اقري هالرابط انشالله تستفيدين منه http://www.2zoo.com/vb/showthread.php?t=66594 وبالتوفيق يارب |
| جميع الأوقات بتوقيت GMT +3. الساعة الآن 06:32 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو