|
باركولي اشتريت زيبرا بس لا تردوني
السلام عليكم ورحمة الله وبركاته للأسف محد رد علي في موضعي السابق :( لكني تشجعت واشتريت اليوم زوج زيبرا الذكر كان نشيط جدا وبصعوبه امس به البائع لكن في البيت كان ما يتحرك كثير ويغمض شوي عيونه وحسيته كسلان :confused: والانثى ما شااء الله نشييطه هل ممكن يكون الذكر مريض او انه تعبان من بعد محاولة الامساك به :confused: وثاني شي انا وضعت طبق اكل مرتفع شوي وكبير .. ما اعرف هل لازم يكون واطي الاطرف والا عادي ؟؟ وسقاية الماء حطيتها بالقرب من الطبق وحطيت لهم طبق ثاني فيه ماء علشان يستحمون لو حسوا بالحر والعش للحين ما علقته بس وضعته على ارضية القفص لكنهم ما دخلوا فيه :confused: هل يحتاجون لوقت لين يتعودون عليه ؟؟ او لازم يكون مرتفع ؟؟ او لانه مب جاهز ؟؟ انا بكره ان شااء الله بعلقه فوق .. بس البايع قال حطولهم حشيش يابس مو لازم خيوط :confused: هل احط لهم مثل ما قال :confused: وهل خيوط الصوف تنفع لبناء العش ؟؟ آآسفه على الاطاله بس لاني اول مره اربي طيور الزيبرا وحجمهم وايد صغيييير وخاايفه عليهم بس ياليت ما تطنشون الموضوع وتردون علي مو مثل الموضوع السابق ولا رد :confused: |
رد: باركولي اشتريت زيبرا بس لا تردوني
اخوي كذا الزيبرا اصبر ثلاث ايما اذا مانفع طلعها برا في الحوش خلها تشوف الشمس وش الجنان الي فيهم
وشكرا |
رد: باركولي اشتريت زيبرا بس لا تردوني
أختي Vmamah السالفة مش أنه محد رد عليج
ولكن السالفة أنه أغلب المواضيع مكررة وتبين الصدق أغلب الأعضاء صابهم الملل من الرد على هالمواضيع وأنا عندي لج شور إذا بتسمعينة بأعلى الصفحة موضوع مثبت مكتوب علي الإجابة الشافية والوافية لتربية طيور الزيبرا فيها رابط جمعت أنا فية أغلب المواضيع المميزة للأعضاء الكرام ياليت لو تنورينها بالزيارة وإن شاء الله بتحصلين كل اللي يدور فى خاطرج من أسألة وأستفسارات لأنه الأسئلة المحتاجة إجابة اللي أنتي طرحتيها بموضوعج هذا تحتاج كتاب عن الزيبرا لكي تاخذ حقها بالإجابة أتمنى لج التوفيق وعقبال مانشوف عيال طيورج وأنتي مستانسة فيهن وأي أستفسار أو سؤال ماحصلتيلة إجابة من المواضيع اللي بالرابط فما يردج إلى لسانج وتقبلي تحياتي ومروري العطرين |
رد: باركولي اشتريت زيبرا بس لا تردوني
تسلموون على الرد
اخوي ملك الزيبرا انا من كثر ما اقرا اشياء مختلفه اتلخبط علشان جي اسأل لاني اخاف اغلط في شي واندم ان شااء الله بحاول اقرا الموضوع واذا احتجت شي بدون ما تقول بحشركم ههههه دعواااتكم لي اني اتوفق في تربيتهن |
رد: باركولي اشتريت زيبرا بس لا تردوني
هلا اختي vmama
اولا اسفين لنه محد رد عليج بموضوعج السابق اوكي ممكن صور حق الاواني اللي حاطه فيها الماي والاكل اما اذا عن العش يستحسن انك تحطين لهم اعشاش مغلقه مو مثل مالت الكناري لنه اذا تبين تحطين لهم اعشاش الكناري راح يسكرون العش وسونه مثل الاعشاش المغلقه وكل اللي عليج انك تحطين لهم خيوط مال كيس الرز (( خشية العش )) ويتحسن انك ترفعين العش ودام انك توك شاريتهم نطري عليهم شوي ونشاءالله بيدخلون داخل العش |
رد: باركولي اشتريت زيبرا بس لا تردوني
تسلم اخوي على الرد
اناا حاطتلهم عش مغلق وعلقته اليوم وشفت الانثى تحاول تقطع منه توقعت انها تبي خيوط لتبنيه رحت حطيت لهم شوية حشيش يابس وبدوا يقطعونه بس يلعبون فيه ويرمونه قطعت لهم خيووط من الخيشه وحطيته على الارضيه << هل صحيح اللي سويته والا لازم احط الخيوط في مكان ثاني ؟؟ لانهم نفس الشي ينزلون عنده ويلعبون فيه ويرمونه ماشفت شي داخل العش وان شااء الله بكره بصور الاطباق وكل شوي وبحط صورهم ^_^ ولاحظت عليهم يحكون جسمهم بمنقارهم واايد << هل فيهم شي والا طبيعي ؟؟ ويزاك الله كل خييير ^_^ |
رد: باركولي اشتريت زيبرا بس لا تردوني
الله يسلمج ....}
هلا اختي اهو اذا عن الطيور تاكل قبة العش هذا شي عادي واغلب طيور الزيبرا تسويه قبل لا تبني الاعشاش بما انهم يلعبون فيه نطري عليهم شوي وراح انشاءالله ياخذونهـ ويحطونه بالعش وذا عن الطيور تحك نفسها اعتقد عادي لنه الطير ينظف نفسه وانا عندي الطيور تسوي نفس اللي تسويه طيورج فمافي مشكلهـ |
رد: باركولي اشتريت زيبرا بس لا تردوني
انااا صاابره وان شااء الله خييير ^_^
ويزاك الله خير على ردك واهتمامك دعوااتك ^_^ |
رد: باركولي اشتريت زيبرا بس لا تردوني
انشاءالله
كل شي مكتوب بيد الله ونشاءالله تنتج طيورج العفو ماسوينا شي واي شي تحتاجينه انا موجود |
| جميع الأوقات بتوقيت GMT +3. الساعة الآن 07:23 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو