ارجوا المساعدة بالكاسكو
 

السلام عليكم

انا كان عندي عدد 2 كاسكو ومات الواحد تلو الاخر

واحد مرض ومات والثاني انشل ومات

واشتريت بعدها واحد مو محجل وتعبني بالجعير وبعته

والحين شاري واحد توه 3 او 4 شهور عيونة سود بس فاتح شوي

بس شوي خواف وما يطلع على الايد (شو اسوي)

وثاني شي ما يصافر ولا ينسمع صوته ليش

مع ان صحته جيدة

وبعدين حجمه شوي صغير هل بيكبر ولا لا لان الي باعني اياه يقولي جامبو بس توة صغير

ارجوا الافادة وسامحوني على الاطاله

رد: ارجوا المساعدة بالكاسكو
 

اخوي لازم تصبر اشوي حاول تهتم فيه وتدربه كل يوم على الكلام وعلى ركوب اليد وان شاء بيتعود عليك

رد: ارجوا المساعدة بالكاسكو
 

اشكرك عزيزي احمد على الرد السريع

رد: ارجوا المساعدة بالكاسكو
 

بتخبرك عند منو خذته من نفس المحل يعني ال3 كلهم من نفس المحل ولا !!
خذتهن من بوظبي و لا الشارجه !!
و على كم سوري على الاسئله الزايده بس في واحد في دبي يبعهن في بيته و على 1400
بعدين لي ماتوا ورا بعض قد ربيت قبلهم يعني عندك خلفيه في تربية الكاسكو

رد: ارجوا المساعدة بالكاسكو
 

اي اختي اخذته من عند الريال الي يبعهم فبيته بس مب على 1400 يبي 1600 واخذته 1500

بمنطقه القصيص

وانا رحت له من العين وما كان عندي خبرة قبل بس الحين احسن شوي

رد: ارجوا المساعدة بالكاسكو
 

بعدين اذا تقول عمره 4 شهور اكيد بيكون حجمه صغير بحطلك صور لي عندي وحده 6 سنين مش نفس حجم لي عمرها سنه و 8 شهور
اكيد في اختلاف فالحجم بعدين انته يوم خذتها ليش مادورت وحده تركب على اليد انا ما اخذ الا اذا كانت اليفه و تركب على اليد مب فاضيه اعلم :)

رد: ارجوا المساعدة بالكاسكو
 

كلهن نفس الشي بس هذا عجبني اكثر شي كلهن يكون حول عيونهم لون احمر تخوفت منهم

رد: ارجوا المساعدة بالكاسكو
 

بعدين اذا انك ماخذنه قريب لازم يباله وقت لين يتعود عليك و يوم تبا تعوده يركب على اليد حطه في غرفه فاضيه مافيها اي شي يتعلق عليه
و قرب منه و حط يدك على شان يركب عليها و اذا عضك حط عسل على ايدك عشان يلحس يدك و مايعضها

رد: ارجوا المساعدة بالكاسكو
 

امممممممم

بس عادي يوم يعض ما يعور توة صغيرون اشتريتله ستاند كشخة من دبي بس بعدني ما حطيته عليه غير يوم يتعود شوي عالبيت ومتعايز اجمعه اشتريته بكرتونه