|
طلبتكم طلب كل من عنده خبره ع الكاسكو
السلام عليكم
اخباركم اعضائنا والكرام انا والله الحمد اليوم شريت كاسكو عمره 6 او 7 اشعور وسعره ب900 ريال سعودي ولأول مره اشتري كاسكو بس الحين احس اني متخوف عليه << لاني مو عارف وش اسوي له حطيت له حب وماي وحطيته في القفص على الطواله واهلي راحين جاين جنبه احس انه خايف, من شريته يمكن لي الحين 6 ساعات ولا كل شي نهائيا فهل تعطوني من معلوماتكم وش اسوي له وشنهو ااكله حاليا وعدل الي سويت له لحد الحين مع العلم ان ولد خالتي كان يربي في الكاسكو قالي خله الحين لا تسوي له شي لمده 3 او اربع ايام لا تلمسه ولا تسوي له شي نهائيا خله يشوف البيت وياخذ على المكان فأرجو كل الرجاء منكم انكم تعطوني معلوماتكم |
رد: طلبتكم طلب كل من عنده خبره ع الكاسكو
تخيل نفسك خارج من منزلك و قادم دون انذار الى منزلي لتعيش معي..
اول يومين - 3 ايام ستكون خجلان، و خائف من مضايقتي.. و بعدها ستعتاد علي و تمشي الامور.. ضع الطير في مكان عالي و هاديء و ابعد عنه المتطفلين... اعطاه 3-5 ايام حتى يعتاد المنزل الجديد.. و بعدها افعل ما تشاء.. و قدم له الطعام بنفسك فقط.. و لك التوفيق |
رد: طلبتكم طلب كل من عنده خبره ع الكاسكو
اسمع كلام ولد خالك وخله لحاله لانه خايف وما تعود عليك
واول ما يكون لحاله راح ياكل ... عطه الاكل وخله وروح مريت بنفس الظروف قبل اسبوع ... واستفدت من الاعضاء في المنتدى ما قصروا |
رد: طلبتكم طلب كل من عنده خبره ع الكاسكو
يعطيكم ربي الف عافيه على هذي المعلومات
والله رحيتوني لاني كنت خايف عليه |
رد: طلبتكم طلب كل من عنده خبره ع الكاسكو
حطه في مكان عالي وهو راح ياكل ويتعود على البيت
لكن الافضل انك تفحصه عند البيطري بما انك توك شاريه للتاكيد فقط |
رد: طلبتكم طلب كل من عنده خبره ع الكاسكو
يعطيك العافيه اخوي الغالي على هذي المعلوامات
بس الحمد الله رحت يمه الحين شفتها كل وزعجني بصوته هههههههه حبيت اعرف يا الطيبين شنهو احط له حاليا الاكل اخليه بس على حب ولا انوع له من الفواكه والخضروات |
رد: طلبتكم طلب كل من عنده خبره ع الكاسكو
ما أزيد شي ع الاخوان لكن لو تطول المده شوي احسن لك تخلي الطير اسبوعين كامله احسن بكثير من 5 ايام ولا تعطيه الا حب بس بعد الاسبوعين تبدأ تنوع له الاكل وتولفه عليك تقبل مروري http://up.arab-x.com/Feb10/z1Y12897.jpg |
رد: طلبتكم طلب كل من عنده خبره ع الكاسكو
لا تخاف هيدا الطير حساس
اعطيه شوية وقت |
رد: طلبتكم طلب كل من عنده خبره ع الكاسكو
يعطيكم الف عافيه وما قصرتو
وهذا الحين مضى عليه 3 ايام الحمد الله ما شاء الله عليه هادء ولا يجعر بس لا جيت يمه انا وبحط له الاكل يقوم يجعر ويصوت ويهرب بخليه هل اسبوع ابيه يحفظ وجهي ويعرف ان انا ما راح اؤذيه يعطيكم ربي الف عافيه واي نصيحه منكم لا تبخلون علي |
رد: طلبتكم طلب كل من عنده خبره ع الكاسكو
الف مبروك الطير الجديد
وترى الافريقى بشكل عام متخوف يعنى انتبه تجيه بحركه مفاجئه .. حط له الاكل والشرب بكل هدوء ولاكن فيه احد .. واتركه لمده اسبوعين لين يوالف عليك |
| جميع الأوقات بتوقيت GMT +3. الساعة الآن 07:17 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو