|
وش هالمصايب...اللي كنت خايف منه حصل....!!؟
السلام عليكم...
ياجماعه انا ماني فاهم اشلون وكيف تم هالشي لكن بقولكم وش السالفه... بيوم من الأيام ... ويوم كان عمر الصغار اسبوعين ... خذت الأم قلت بخليها تسوي زيارة لبعلها ... يمكن تتصافى النفوس مابينهم ... وكانت تمشي على عجلته وتاكل من أكله وهي بالقفص ماله ... بعدها حس هو ونزل لها تحت ... وشافها وجلس يشمشم فيها ... بعدين توه بيجي عليها الا انقلبت وصارت تصارخ ... وفووووراً عزلتها عنه ... وحطيتها مع صغارها ... وبعد أيام ... لقيتها صايرة مدبدبه ... قلت الله يستر كان مو حامل بس ... وقلت لالا ... ماخذت مع زوجها اكثر من ثواني ... يمكن ثانيه ماخذت يوم كان بيجيها ... وقلت بحط العيال مع الأبو بالقفص الصغير ... عشان القضبان اللي فيه متقاربه بشكل كبير ... وفعلاً ... ولا واحد قدر يطلع من الصغار ... والأم خليتها لحالها تحسباً لأي شي ... قلت جايز تولد ماندري ... ويوم صعدت امس بالغرفه ... سمعت اصوات تجي من ناحية اقفاص الهمسترات ... وهالأصوات مش أصوات الصغار اللي توهم فاطمين ... قلت مو معقوله ... كايري توها والد ... وشفت قفص كايري ولا اشوفها خفت اشوي من قبل صايرة دبــــــــة ... قلت خلني افتح الكوخ اتأكد ... والمصيبه اني شفت 7 اطفال توهم مولودين ....:eek: 7 ياكايري ... متى واشلووون ... طيب هي توها والد ... والله اني خايف عليها يا اخواني ... :( :( خايف عليها من التعب اللي تعبتها مع عيالها لا ... وتحمل وهم توهم بالأسبوع الثاني والنصف لهم... أرجوكم هل من حلول لهذه المصيبه ... :( :( :( |
رد: وش هالمصايب...اللي كنت خايف منه حصل....!!؟
والله اخوي Luis موضوع غريب والذكر الي عندك غريب يشم يلقح على طول بااااااااااااااااااااااااااااااااااااااااااااااااااااال وناس مب لاقية امزح معاك اخوي ماشاءالله عليه
بس فعلا موضوع غريب يمكن غفلت عنهم لبعض الوقت وصار التلقيح وفي انتظار رأي الخبراء ومبروك اخوي على الصغار |
رد: وش هالمصايب...اللي كنت خايف منه حصل....!!؟
والله من جد شئ غريب جدا بس في احتمال وهذه فلسفه مني امكن والله اعلم انو تكون الكلبه ولدت قبل يومها يعني موعد ولادتها كان بعد اسبوعين من الولده الأولى فكملت الباقي بعد اسبوعين ...والله اعلم ممكن تروح تسأل بيطري والله يعينك على مصاريف التطعيم الك هذا الكلاب....
|
رد: وش هالمصايب...اللي كنت خايف منه حصل....!!؟
هاهاهاهاهاهاها اسف اخوي من كثرت الكلام عن الكلاب وحبي لها اتكلمت على اساسها فحوال لمن تقرى تسحب كلمت كلب مع اسفي الشديد لك
|
رد: وش هالمصايب...اللي كنت خايف منه حصل....!!؟
يحليلك ولله خخخ
بس مافهمت بالظبط .. شوالمشكلة بالظبط ..؟؟ ترى الي انت كنت خايف منه صاار .. واذا مابغيت عيالها وزعهم على اعضاء المنتدى :d اما بخصوص التعب ان شاء الله خير ومابيصير شي .. والخبراء بيردون عليك |
رد: وش هالمصايب...اللي كنت خايف منه حصل....!!؟
اخوي لويس
انا قلت لك يوم جمعتم ليش قلت لي زواره خلاص الحين انت امام الامر الواقع والعيال من الولاده الاوليه خلهم مع ابوهم وخل كايري مع الجداد وانتبه لهم عشان ما يتكرر الموضوع مثل الي راح بس انصحك تجيب قفص وتفصل الاناث عن الذكور عشان ما يصير فيه تزاوج |
رد: وش هالمصايب...اللي كنت خايف منه حصل....!!؟
الله عوضك عن السادس .. :p
اذا تبي تخليهم معاك اشتر قفص جديد كبير و حط الخمسة الأولين مع اللي الحين بعد ما ينفطمون و إذا ما تبيهم بيعهم على البايع .. بس بعد ما ينفطموب مباشره عشان ما تتعلق فيهم .. و لا تحاتي كايري لأن هذي طبيعتهم ولاده بعدها حمل .. و إذا حطيت المفطومين عند أبوهم خلك مراقبهم لأن أحتمال ما يتقبلهم بقفصه و إن شاء الله ما يصير إلا الخير .. :) :) |
رد: وش هالمصايب...اللي كنت خايف منه حصل....!!؟
يتربون بعزك أقول :p
إنت اللي بديت وانت اتحمل... يالله عابل فيهم بس أها :D :D :D أمزح معك.. ;) يحليلهم الصغار مدري وشلون شكلهم يكون.. بس أحسه مقرف صح ؟! |
رد: وش هالمصايب...اللي كنت خايف منه حصل....!!؟
الحين انت تقول مصايب
وانا حتى واحد مو راضين مثل توم & جيري ما غير يهربون من بعض |
رد: وش هالمصايب...اللي كنت خايف منه حصل....!!؟
مبروك لوويس
الله عوضك عن اللي مات ب"7" مو بس واحد والصراحه غرييييييييييييييييييييييييييبة .... يعني عجيب لو واحد غيرك قالها والله ما اصدقه .... لسم لله والعيال توهم ما انفطموا ... غريبه.. يمكن يحتاجون لامهم... والله عجب من وين حملت.... ومن مين يمكن كانت مخزنة حيوانات عندها من زمان وطلعتهم الحين... او حملت من واحد من عيالها... يا ليت تفصل لنا اكثر لان انا عقلي تلعوز وفام يخبط.... غرييييبة |
| جميع الأوقات بتوقيت GMT +3. الساعة الآن 07:04 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو