مكافاة الامازون عند التدريب
 

السلام عليكم ..

شباب شنو اعطي الامازوني مالي كمكافاه اذا سوى اللي ابيه وقت التدريب؟

انا ملاحظ انه الامازون مالي ياكل من ايدي اذا كان داخل قفصه او فوقه بس اذا بعيد عنه ما ياكل من ايدي و اذا اخذ المكافاه يقطها على طول ..

شنو الحل؟ و شنو نوع الاكل اللي يحبه الامازون وايد و اقدر استخدمه مكافاه حقه؟

رد: مكافاة الامازون عند التدريب
 

غالبا الأمازونيات تفضلها الفواكه زي التوت والكرز

لكن ما تقدر تقول انه كل الأمازونيات تفضلها

طبعا كل طير يفضل نوع مختلف عن الطيور الأخرى
لكن تقدر تكتشف النوع اللي يفضله طيرك عن طريق تأخير الوجبة عن موعدها لفترة يجوع فيها الطير تماما
وبعدها حط للطير تشكيله من الفول السوداني وبذور دوار الشمس وفواكه ( بالأنواع المتوافرة )
وشوف النوع اللي يقبل على أكله أكثر
وتخليه مكافأه فقط

وانشالله الخبراء يفيدوك أكثر


..........

رد: مكافاة الامازون عند التدريب
 

أخوي جرب العسل أناأعطي طيوري العسل

رد: مكافاة الامازون عند التدريب
 

يفضل الماء والمكسرات ونص فنجال قهوه وووو......إلخ

رد: مكافاة الامازون عند التدريب
 

بالنسبه لرفضه الاخذ من يدك فالموضوع يحتاج تكرار مع مراعاة الابتعاد عنه بعد اعطائه المكافاه

يعني لا تظل مقابله اعطيه وامشي وخليه مع التكرار راح ياكلها ومع الوقت ممكن تبقى بجانبه وهو ياكلها

لانه راح يتعود اكثر عليك .

والاخوان ماقصرو في الاطعمه ولكن انت تتحدث عن طعام ينفع مكافاه

وغالبا هو الفول السوداني الغير مقشر لسبب بسيط

لان المكافاه يجب ان تكون فورا بعد الفعل المطلوب الذي تريد مكافاءته عليه

يعني ماينفع عشان تكافاه تروح مشوار طويل وتجيب مكافاه وترجع يكون الطير نسي

ليه تكافاه وعلى ايش بالظبط , فسرعه المكافاه مطلوبه في التعليم

لان هناك اكلات يفضلها الطائر ولكن تاخير تحضيرها يجعلها اكله مفضله وليست مكافاه بالمعنى الحقيقي

مثل زبدة الفول السوداني او العسل والفواكه ,

اما الفول السوداني فتحط بيدك حبه او حبتين وعند فعل الامر المطلوب تكافاه فورا وتتحقق الفائده

بالتوفيق