|
محتار انثى او ذكر
السلام عليكم ورحمه الله وبركاته
يسعدلي مسائكم جميعا يارب بصراحه انا من زمان موجود بالمنتدى وادخل بين فتره وفتره وسجلت بعد ما صار المنتدى خاص بالاعضاء المسجلين بس ماكنت احب اشارك بس اتفرج المهم اليوم جى الوقت اللى اشارك فيه وان شاء الله اقدر اضع بصمه لي بحكم خبرتي بالحيوانات وخاصه بالقطط تقريبا لي سنه وانا مقرر اشتري قطه تكون انثى شيرازية لونها ابيض بس تجيني ضروف واتراجع لكن من ثلاث ايام عزمت على شراها بس هالمرة غيرت رائي ابغاها تكون هملايا شوكلت بيكي فيس دورت في النت ماحصلت اغلبهم انباعو او خارج الرياض رحت للمحلات دروت ماحصلت اخر شي رحت لمحل اثق في مصادقيته عطيته عربون فوق 1000 ريال واشترطت تكون هملايا هاف انثى عشان تساعدني بالانتاج بعدين ويكون عمرها شهرين وماتتعدى ثلث شهور جى اليوم قبل ساعه من كتابتي للموضوع اتصل علي صاحب المحل قالي حصلت لك هملايا شوكلت بيكي فيس عمرها اربع شهور واسبوعين بس انها ذكر جلس يقنع فيني ويقولي سعرها مرى مغري 2300 ريال قلت راح اجي للمحل واشوفها والان انا متردد هل اقبل بالذكر هذا او اصبر الى ان يوفر لي المحل انثى مع العلم اني ربيت تقريبا 3 مرات شيرازية-ومريكي بعين صفراء وعين زرقاء-وبلدي وماجلسو عندي اكثر من اسبوع واحد هرب والثاني رموه الاهل بعيد والثالث مات دعسه سواق الجيران :( وكلهم كانو اناث :D بنوتات الشي الاخير انا اكره الذكر في عمليه الرش فتره التزاوج :( بس الذكر المعروض علي عمره صغير وزي ماهو معروف تتزاوج الذكور بعمر السنه وشوي تقريبا هل اقبل الذكر ام انتظر حتى تتوفر انثى مع العلم اني متحممممس بقووووة لتربيه قط صغير :confused::confused: واسف على الاطاله :shy: |
رد: محتار انثى او ذكر
وعليــكم الســـلام , يامرحبـا بك أخــوي , تشــرفنا بمشــاركتك وننتــظر منك المـواضيـع المميـــزهـ ^^ ---- شـوف أخــوي , إذا انت حـاط في بـالك ماتبي إلا أنثى ورافض فـــكره انك تشتري ذكــر , فـ لاتشتريه لانك لو شريـته وانت مو مقـتنع تمــاما , مع الأيام أكيد راح تحبه وتتعلق فيــه , ولا كبـر وطلب التــزاوج بالــررش , وانت ضروفك ماتقـدر تزاوجه على طــوول , راح تتعب معــاه ولو بعته برضـو نفسيـتك بتتعب لانك تعــوودت عليه , فـ راح يصير القـرار صعـب والذكر ممكن يطـلب بالرش وممكن لا , لكن احتمــال الرش احتمــال وارد جــــداا أما لو شفت نفسسك متقـبل ولو شي بسيــط فكـره انك تاخذ ذكـرر . روح شـوفه , يمكن يعجبــك وتشـوفه فرصه ماتتعــووض , وتـوكل على الله يعني الأمر أولا وأخيــرا راجع لك إنت ولظـروفك لو ظـروفك تسـمح لك بتربيه الذكر وتحمل الرش , خذه أمـا لو مــره ماتسمح فـ من البدايه لاتتعبـ نفســك وانتــظر وبالتـوفيق :) |
رد: محتار انثى او ذكر
يعطيك ربي الف عافية اختي وماقصرتي وبروح بكره الصباح اشووفه اذا عجبني باخذه
والا بنتظر بس ما اتووقع راح اخذه لاني من النوع اللى يتعلق بالاشياء واخاف يصير معاي زي ماقلتي جزاك الله خير على النصيحه |
رد: محتار انثى او ذكر
والله انا مثلك ياخي ,, احب الإناث لانها تساعدني على الانتاج ,, لكن الاهل معيين ,, بس بحاول اقنعهم .. وانا ان شاء الله بستي اللي بتجي بآخذها انثى .. اذا ما فيه عاد الشكوى لله و اخذت ذكر .. لكن والله اني انصحك بالانثى لانها تولد و اذا ولدت و كبروا عيالها و اهلك ما يبونهم او انت ماتبيهم ,,, بعهم ! < هذا اللي انا احتمال اسويه ,, عموما الخيار راجع لك ,, و ان شاء الله تلقى لك انثى وش زينها ,, بالتوفيق:D |
رد: محتار انثى او ذكر
اقتباس:
والله يرزقك ويرزقنا بالانثى الزينه :p |
| جميع الأوقات بتوقيت GMT +3. الساعة الآن 09:34 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو