|
تم امتلاك كاسكو بس (يجعر) ندآء للمحترفين
السلام والاكرام كيف الحال عسى اموركم تمام واخيرا تم استملاك كاسكو بس عليه جعير مو بصاحي مجرد مايشوفني متجهله يجعر صوت فوق الخيال صوت قوي وربي حنيتله ومن كثر ماجعر اليوم صار صوته تنفسه كان فيه بلغم تكرمون واسف على التشبيه واليوم كله جالس بالمنتدى اقرا عن الترويض وفي واحد من الاخوان مجنون الامازون ماقصر من طقطق للسلام عليكم شارح كل شي جزاه الله خير بس المشكله الجعره اللي فيه ولا يسكت هل اخليه يستسلم للامر الواقع يعني اخليه يجعر من هنا لبكرا والا كيف مستعد امشي على كلام الاستاذ بس مجرد اني مااقرب او يشوفني متجه لمه يجعر تكفون اللي يقرا موضوعي لا يخليني علمآ آني مآآخاف يعني ميت قلب لكم دعوآة صآدقه مني وتقبلوني بينكم بعد امتلاك كاسكو ويعطيكم العافيه |
رد: تم امتلاك كاسكو بس (يجعر) ندآء للمحترفين
حياك الله يالغالي ويتربى في عزك
انا مثلك شاري واحد كان يجعر لكن من النوع الغاني وليس النيجيري خليته 3 ايام بعيد عني وبعدها حطيته بالصالة يشوف الداخل والخارج الى ان قل جعيره |
رد: تم امتلاك كاسكو بس (يجعر) ندآء للمحترفين
يعطيـــك آلعــآفيـه يآخلفهــم آنــت
|
رد: تم امتلاك كاسكو بس (يجعر) ندآء للمحترفين
مبدئيا حطه بمكان عالي بالصالة او اي مكان تجلس فيه انت وانسه عشرة ايام وبتشوف الجعير قل
|
رد: تم امتلاك كاسكو بس (يجعر) ندآء للمحترفين
اخوي خليه في مكان مرتفع مثلاً في الصاله علشان يشوف الطالع والداخل ويتعود على كذا وبيقل الجعر عنده لأنه بياخذ على الوضع خليه مدة اسبوع وشوفه
|
رد: تم امتلاك كاسكو بس (يجعر) ندآء للمحترفين
السلا عليكم اولا الف مبروك ع الكاسكو ويتربى بعزك يارب وعقبال ماتسمعه يتكلم اول شي تسويه ياغالي تحط الطير فوق كرسي او طاوله وتخليه لمده اسبوعين وانت بنفسك تقدم له الاكل والمويه وانت تنادي اسمه , في هذي الاسبوعين تحاول انك تجلس معه كثير راح تستفيد من هذا الشي راح يقل جعيره كثير وراح تلاحظ وانت جالس ع النت هات فقصه وخله جنبك ولا تعطيه وجه واشغل نفسك في النت المهم انك تجلس معه ولا تعطيه وجه والف مبروك مره اخرى تقبل مروري |
رد: تم امتلاك كاسكو بس (يجعر) ندآء للمحترفين
الله يسعدكم ويبارك فيكم
ولي الفخر والشرف يردون علي امثالكم بيض الله وجيهكم بس انا عزوبي عسى ربي يغفرلي ذنوبي وينامون معي بالغرفه اثنين <- سعـودي ههههههههه وراقبته امس كل مااحد بيتقلب يفزع لكن قبل شوي غيرتله المويه والحب اشوا ماجعر وحاطه بالغرفه وكل شوي اطل عليه وسميته (حبيّب) على اغنية حبيب حبيب وش اسوي بمحبوبي ههههههه شكرآ يآمحتـرفين |
| جميع الأوقات بتوقيت GMT +3. الساعة الآن 08:56 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو