منتديات تو زوو - عندكم لي حل؟؟؟؟؟؟؟؟؟؟؟؟؟؟؟؟؟؟؟

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - عندكم لي حل؟؟؟؟؟؟؟؟؟؟؟؟؟؟؟؟؟؟؟ (http://www.2zoo.com/vb/showthread.php?t=13974)

عندكم لي حل؟؟؟؟؟؟؟؟؟؟؟؟؟؟؟؟؟؟؟

انا عندي ببغاء له ثلاث ايام
#اقدر طلعه من القفض ( وكيف اطلعه هو يخاف مني )
#الالعاب الخشبيه كيف يكون شكلها وين القاها .
#الطبيب البيطري في الرياض ابغى اعرف وين
#وعادي اشغل عنده المسجل وهو ماله الا ثلاث ايام
#وانا عطيته قطعت بلاستيك وقطعها ( انا قريت في المنتدى انها خطر عليه طيب وش الحل )
# وسمعت ان الثوم زين كيف اعطيه ممكن تكون حاره عليه.ولا انقعها في الماء ويشرب الماء بدون ماياكل قطع الثوم )
#من وين اشتر ي الستاندات والالعاب حق الببفاء .
# لازم اسميه .
وعطوني اسماء حلوه

رد: عندكم لي حل؟؟؟؟؟؟؟؟؟؟؟؟؟؟؟؟؟؟؟

السلام
وأهلا فيك بالمنتدى
وانشاءالله نقدر نفيدك
#اقدر طلعه من القفض ( وكيف اطلعه هو يخاف مني )
تقدر تطلعه من القفص ايوا افتح له الباب واذا حس بالأطمئنان بيطلع بنفسه وخله يكتشف المكان بنفسه أحسن.
#الالعاب الخشبيه كيف يكون شكلها وين القاها .
تكون أشكال كثيرة وتلقاها في جميع محلات بيع الطيور والببغانات وبما أنك من الرايض متوفرة هناك كثير في جميع المحلات تقريبا.
#الطبيب البيطري في الرياض ابغى اعرف وين .
ليه خير ليه تسأل عن البيطري:confused: ؟ وماصار لك الا 3 أيام من اشتريته بصراحة ماأدلهم زين وين في الرياض لأني الحمدلله مازرتهم من قبل لكن في بعض محلات بيع الطيور يكون فيهم بيطري بس تكلفتهم تكون أغلى من الصيدلية البيطرية المستقلة. انشاءالله يقدرو يدلوك الأعضاء.
#وعادي اشغل عنده المسجل وهو ماله الا ثلاث ايام
لأ من الأفضل أنه يكون في مكان هادئ وماتخليه في مكان أزعاج وكله أطفال وأزعاج تلفزيون ومسجل. وخاصة وقت النوم وفر له مكان هادئ ومظلم.
#وانا عطيته قطعت بلاستيك وقطعها ( انا قريت في المنتدى انها خطر عليه طيب وش الحل )
هو صح خطر لكن خلاص ابعد عنه البلاستيك قد ماتقدر وانشاءالله مايصير الا كل خير.
# وسمعت ان الثوم زين كيف اعطيه ممكن تكون حاره عليه.ولا انقعها في الماء ويشرب الماء بدون ماياكل قطع الثوم )
بصراحة سمعت مثلك لكن ماعمري خاطرت وسويت هالشئ حتى لو سمعت أحد سواها.
#من وين اشتر ي الستاندات والالعاب حق الببفاء .
تشتريهم من محلات بيع الطيور والحيوانات.
# لازم اسميه .أيوا لازم تسميه علشان يكون في شئ للتواصل بينكم وعلشان اذا تعود عليه بعدين بس تناديه بالأسم بيعرف نفسه ويسمع الكلام.
والأسم لازم أنت تختاره أسم يعجبك وترتاح له يعني الأسم اللي تلاقيه مناسب وقريب الى قلبك.
وانشاءالله كم يوم وبتنبسط معاه لما يتعود عليك.

رد: عندكم لي حل؟؟؟؟؟؟؟؟؟؟؟؟؟؟؟؟؟؟؟

شكراَ جزيلا لك أخوي fan الصراحة ان ردودك تبرد الخاطر وتوسع الصدر,,,,,,,
[الله يعافيك ويجزاك خير وإن شاء الله استفيد منك أكثر وأكثر]
]لكن انا سويت شي غلط مشغل التكيف عليه وصار ينتفض ويعاطس ماسمعت له صوت ولا تصفير (ويتحكحك وينتف ريشه )
وش العلاج ................
:وأي حاجة تبغاها تراني في الخدمة

أخوك.....fanos]

رد: عندكم لي حل؟؟؟؟؟؟؟؟؟؟؟؟؟؟؟؟؟؟؟

تسلم اخوي
وهذا واجبنا نستفيد من بعض
أكبر غلط أنك تحط الببغاء أمام التكييف عادي خليه في مكان فيه تكييف لكن مو أمامه مباشرة يعني مايجيه التيار مباشر.
والحين الجو مايحتاج تكييف علشان تخلييه في غرفة مكيفة.
والأفضل كل يوم أو يوم ويوم تروشه علشان يصير نظيف لكن لاترش ماء على وجهه مباشرة وابعده عن التكييف علشان مايمرض..
والله يوفقك وتصير مبسوط معاه:)

رد: عندكم لي حل؟؟؟؟؟؟؟؟؟؟؟؟؟؟؟؟؟؟؟

#اقدر طلعه من القفض ( وكيف اطلعه هو يخاف مني )

فك القفص من فوق وهو بيطلع من نفسه

#الالعاب الخشبيه كيف يكون شكلها وين القاها .

ااشكال كثيره توجد في محلات الطيور

#الطبيب البيطري في الرياض ابغى اعرف وين

واحه الحيوان..شارع الاحساء.

#وعادي اشغل عنده المسجل وهو ماله الا ثلاث ايام

انت افضل من المسجل..اجلس عنده والعب معاه..يولف عليك وبيحبك

#وانا عطيته قطعت بلاستيك وقطعها ( انا قريت في المنتدى انها خطر عليه طيب وش الحل )

اشتر له العاب احسن

# وسمعت ان الثوم زين كيف اعطيه ممكن تكون حاره عليه.ولا انقعها في الماء ويشرب الماء بدون ماياكل قطع الثوم )

ثوم!!..ياليت بس تركز على الفواكه والحبوب المشكله وخل عني الثوم والخرابيط

#من وين اشتر ي الستاندات والالعاب حق الببفاء .

بـسوق الحمام ارخص

# لازم اسميه .

سمه آي شي ..فيه موضوع مثبت لمشرفنا ادخل واختر لك اسم

اجمل تحيه..