|
فقط لأهل جده .. ساعدوني
مرحبا كيفكم جميعاً الموضوع لأهل جده لأنهم عارفين درجه الحراره كيف عندنا .. انا سأظطر لترك المنزل شهرين .. من بكره ان شاءالله .. وراح أظطر أخذ طيوري معايا كاسكو دره مطوقة وبصراحه الشقه اللي ابطلعها .. مافي مكان لهم الا البلكونه ... فمو عارفه هل حرام علي احطهم بالبلكونه في هالجو ولا كيف .. بالله قولوا لي اش الاحتياطات .. اللي اسويها لهم عشان لايتعبوا .. لأني مخيره يااطيرهم :( يا احطهم باالبلكونه :confused: بليز لا أحد يطنشني ... شاكره لكم مسبقا ..:p |
رد: فقط لأهل جده .. ساعدوني
والله اشوف احسن حل انك تعطيهم احد من اقاربك او واحد من المنتدى تثقتي فيه تخليه عنده
بااااي |
رد: فقط لأهل جده .. ساعدوني
كلام naniصح 100 بال100
|
رد: فقط لأهل جده .. ساعدوني
ناني
نسمة هواء شاكره لكم مروركم انا ممكن اصلا اعطيهم ***** ******* صاروا ياخذوهم بدون اي ريال من كثر ماانا ناطه لهم كل يوم بس مو هنا المشكله المشكله انو انا والله مااقدر اترك الكاسكو لو 6 ساعات اصير انا انتف ريشي بدل ماهي تنتف ريشها هههههه انا بروح الجامعه واجي هلكانه والله مااصدق ادخل البيت عشانها واسولف معاها يعني مااقدر تبعد عني :( |
رد: فقط لأهل جده .. ساعدوني
اختي الدره تتحمل لأنها تتأقلم مع الجو على طول
بس الكاسكو لو توفري له غطاء للقفص يمكن يتحمل او انك تحاولي تسكري كل البلكونه بماده بلاستيكيه مثل المفارش حقت الطاولات ويكون شفاف ومتوفر بكثره بمحلات التوفير ويارب اكون افدتك او انك وقت النهار تطلعينهم ووقت الليل تدخلينهم او تغطينهم ببطانيه ولاتفرطي بطيورك لأنك بتندمي |
رد: فقط لأهل جده .. ساعدوني
الدره تتحمل الحر اذا كانت مصيوده يعني ماهي تربيه من الصغر .. وتتحمل بشرط ان الشمس ماتضرب البلكونه
واما للكاسيكو فما يتحمل الحر من وجهت نظري وتجربتي .. لكن هم غلط تطيرهم يعني يبقون عند اي من الاقارب او الاصحاب .. واحترامي ,,, |
رد: فقط لأهل جده .. ساعدوني
انا اعطيك الحل
اذا انك رح تنقلي الى شقه ممكن يكون باي غرفه داخل البيت شي عادي اما اذا الوضع مثل ماقلتي بالبلكونه انا بصراحه معارض الفكره لانه زي ماانتي عارفه جو جده اليومين هذي جداً متقلب وللحيطه والحذر تجنبي الشي هذا من البدايه وبالتوفيق لك |
رد: فقط لأهل جده .. ساعدوني
شاكره لكم مروركم
..والله مدري محتاره جدا .. لأني مااقدر على فراقهم :( انا اليوم قلت لابويا .. لو هما ماراح يكونوا معايا انا مو رايحه معاكم :) كان بيعطيني شلوت يطيرني :( امانه امانه ادعووا لي ان اهلي يوفقوا اخذهم الشقه وربي مااقدر على فراق الكاسكو بالذات .. |
رد: فقط لأهل جده .. ساعدوني
بالتوفيق لك وان شاءالله يوافقوو
واذا مافيه فرصه واخذتيهم انا مستعد اشتري الكاسكو اذا انه اليف وكم عمره وياليت تنزلين صور له وعساك على القوه تحياتي |
رد: فقط لأهل جده .. ساعدوني
والله شوفي
الدره ماعليها خوف باذن الله الكاسكو ماياثر عليه جو جده لانه حر طول السنه والوقت الي يجي فيه البرد كانو ربيع حطيه بالبلكونه بس تاكدي ماتصقع فيهم شمس الظهريه عشان لاينشوي هههههه وحطي زي مصدات الهوا مثلا لو لوح خشب كبير ولا شي عشان لا يصفقهم الهوا ويكون ظل وان شاء الله يكونو بخير وبس |
| جميع الأوقات بتوقيت GMT +3. الساعة الآن 10:27 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو