سطروني استاهل طراااق
 

ياشباب انطقيت على راسي وشريت فرخ بلوفرنتهيد ينغر رغم انه مكتمل الريش بس مو راضي ينفطم
انا مخليه يطير في البيت براحته بس صار ماياكل حتى الابره يادوب ياخذ منها شوي ويطير وكله يبي ينام اللي مجنني انه يلف راسه ويوقف على رجل اذا جا ينام
سويت كل شي عشان ينفطم مو راضي حطيت له ذره مسلوقه مابقى حطيت له بيض مسلوق ولاكنه يشوفه حطيت له مجموعه حبوب مشكله مسلوقه ولا كنه يشوفها
مافي الا يقول غغا غغيغ
جنني خايف يموت واخسر فلوسي توني شاريه الثلاثاء اللي فات وغالي مرره
توهقت والا شطقني على راسي
فريت النت ابي حد يقول لي كيف افطمه احد يستلمه بالاحساء ويربيه لي لين ينفطم مافي فايده
تراني يا اخوان ماني عليمي عشرين سنه بس في الرمادي وباقي الطيور هذا عاد بقيت اسوي فيها ابو العرّيف واتطور وتوهقت
شباب اللي بيدخل مو شرط يعطيني رايه يكفي يرفع الموضوع كفايه ادخل وسطرني عادي مو بهامني بس شقردي يقولي شسوي

رد: سطروني استاهل طراااق
 

هههههههههههههههههههههههههه الله يسعدك ياشيخ مااحد بيسطرك

قلل الوجبات إذا كنت تعطيه 3 خليها 2 وحط له اكل مسلوق بيض او ذره او بطاطس , واستمر ع هالامر اسبوع إذا فيه تحسن فهالحمدلله بعدها قلل الوجبه الى مره باليوم إلى ماتنتهي من الفطام

إذا مافيه ذاك الوقت بنشوف وضع ثاني له ,, والله يعينك وتحصل الي ياخذه منك ويفطمه

00000000000

وفالك التوفيق ,

رد: سطروني استاهل طراااق
 

يسعدك ربي بس الطير هذا سويت وياه كل شي بس مو راضي يلمس الاكل ترى ريشه كامل ويطير
لا واكله احيانا مره في اليوم ويادوب يلمس الابره بطرف منقاره الا طار
البارحه جنيت عليه وقمت فقيت فمه وعطرت الاسترنجه في فمه
بقيت اتشنج انا من الخوف عليه شفته يزايط من الاكل قلت لابالله قتلته وخسرت فلوسي شفتوا كيف هو ماياكل الا قليل بس الحمدلله صحته زينه يعني اقلل له الاكل ماتمشي عليه شوفوا لي دبره ثانيه

رد: سطروني استاهل طراااق
 

طيب ليش تبي تفطمه يمكن بعده صغير على الفطم .
ياليت تذكر لنا كم عمره بالظبط

رد: سطروني استاهل طراااق
 

عمره تقريبا اكثر من ثلاث شهورر
بعدين ياخوي شلون بعده صغير على الفطام نموه كامل وريشه كامل بس عيونه لساتها سود
وانا بيني وبينك ابي افطمه عشان اتطمن بس انه ياكل واني ما احرقه بالابره او اعطيه كميه زايده عن حاجته يعني لما ياكل ارتاح شوي ويقدر يدبر عمره اجل ياناس طول اليوم ما اكل غير مقدار كمشه = ملعقه صغيره من الابرة يعني اقدر ارتاح انا كذا اكيد بظل ميت من الخوف مادري متى بينتكس من قله الاكل

رد: سطروني استاهل طراااق
 

رد: سطروني استاهل طراااق
 

بس بغيت أقول لك انه عادي اذا جاء ينام يلف راسه ويوقف على رجل وحده ..

هذا شيء طبيعي ..

الله يسهل عليك فطمه .. والله ماعمري جربت أربي فرخ وياليت بس الظروف حاليا ماتساعد ..


http://www.2zoo.org/get-1-2010-2zoo_org_6ufwrnam.gif

رد: سطروني استاهل طراااق
 

رد: سطروني استاهل طراااق
 

لاخلاص شكلي بعرضه للبيع

رد: سطروني استاهل طراااق
 

كم اسطار هههههههههههه،، اخوي الله يعطيك العافيه،، حطه في قفص،،وثم حاول تحط له الحبوب مكان الطعام وحاول تكسر بعض منهم امامه وتعطيه في فمه وثم لاتقطع عنه اكل الفطام ، معا الوقت بتشوفه بنفسه اكل الحبوب وبس ، واذا بتبيع برخيص جايك من قطر اخذ الطير وراجع بس برخيص جدا ههههههههه، مع السلامه،،