|
ابا مساعده
من فتره وانا خاطري فحيوان زاحف
فخاااطري بقوووه من افتح النت على طول عجوجل وادور حبيت الثعابين الصغيرهcornsnake بس ماعرف شو ياكل..خوفي كله ياكل فيران .. خاطري بشي اكله بسيط ومايلوع وحبيت بعد هالشي بس ماعرف شو اسمه http://myanimalblog.files.wordpress....een-iguana.jpg فياليت لو تفيدوني بالمعلومات عنهم وعن اسعارهم ووين القاهم فالامارات والسموحه عالاطاله |
رد: ابا مساعده
هلا فيك أخوي :) -على فكرة اسمك رهيب- ;)
=-= بالنسبة للزواحف ، كل الزواحف جميلة وتربيتها ممتعة جدًّا ولكنها مراحل ، يعني فيه زواحف للمبتدئين وفيه للمتعودين وكذا ، وفيه للمحترفين وفيه للخبراء :) ولازم الي يربي يربي على حسب مستواه لأن دائمًا المبتدئين يطبون في شي صعب لأنهم يحبونه ومايمديه يعيش معه كم يوم الا مات عشان كذا لو كنت مبتدئ خذلك شي سهل مثل : السلاحف البرية السلاحف المائية الإغوانات =-= والصورة الي حطيتها صورة للإغوانا Iguana :) وتاكل شي بسيط مثل ماقلت ومايلوع :D تاكل خضار وفواكه بأنواعها وأكثر شي تحبه الخس والخيار :) بس لو اشتريتها في الشتا لازم يكون بيتها دافي ولازم ماتشيلها لأنها تنام كثير في الشتا ، وتاكل قليل وتصير خاملة :) وعلى فكرة لازم تعرف كل شي عن تربية أي حيوان قبل ماتشتريه مهما كانت تربيته سهلة :) |
رد: ابا مساعده
ما قصر معاك مهووس الحيوانات
واي سؤال لا تررد حتى بعد شرائك لاي زاحف |
رد: ابا مساعده
رد جمييييل
ياربي ماتتخيلووون كيف مهوووسه وابا هالشي بدال ما اشتغل .. تلقوني فجوجل وادور .. بس ابا معلومات من ناس عندهم يعني كان عندهم فالبيت وابا اعرف وين ينباع هنيه فالامارات وشو سعره وشو رايكم اخذ الكبير ولا الصغير؟؟؟ هيه صح .. انا بنيه :D |
رد: ابا مساعده
وياليت اللي عنده صور لاحواض او اماكن عشان الاغوانا ..
لاني افكر ارتب المكان قبل ما اشتري ولا شو رايكم؟ |
رد: ابا مساعده
آهاا ، معليش اعذريني حسبتك ولد ^^"! ..
=-= بالنسبة للخيار بين كبيرة - صغيرة :) يرجع لك :) شوفي الأنسب لك :) الصغيرة ميزاتها ان حجمها صغير وخفيفة وتاخذينها معك أي مكان ، وتعيش فترة أطول قبل ماتعجّز :D ، وبيتها يكون أصغر وأقل تكلفة :) أما الكبيرة فمميزاتها انها أجمل بكثير وأكثر جاذبية والمربين يحبونها أكثر وتلفت أنظار الناس لك ، ويكون عليها أشواك وألوان جميلة عكس الصغيرة الي تكون سادة :p والذكر أجمل من الأنثى لأن أشواكه أطول وفيه ألوان أجمل ، برتقالي-درجات الأخضر-أسود :) والأنثى جميلة لكنها أقل جمالاً وتلونًا من الذكر ، درجات الأخضر-أسود :) فقط =-= والحوض/القفص لازم يكون كبير كفاية لتتمشى فيه الإغوانا ويكون فيه أغصان عريضة وتكون صناعية أو طبيعية بس على شروط بسيطة : إذا كانت صناعية مو مشكلة تحطينها وتحطين أوراق صناعية وإذا كانت طبيعية تكون بدون أوراق عشان ماتيبس وتعفن أو ممكن تحطين نبتة طبيعية كاملة مع أصيصها وتسقينها عشان ماتموت :) والأرضية في حوض/قفص الإغوانا تكون تراب نظيف ويفضل تكون التراب المخصص للزواحف أو تراب صناعي :) ولو كان فيه إمكانية ومساحة كافية في الحوض/القفص حطي للإغوانا بركة بسيطة للسباحة والتبريد ، لكنها ماتنفع الحين في الشتا طبعًا لأنها ماتتروش :) لكن لما ينتهي الشتا لازم تروشينها وتسبحينها بشكل اسبوعي عالأقل عشان تبرد وتشرب .. و .. و ويكون التسبيح في صحن كبير (حق الملابس) او حوض او او ، وطبعًا يكون نظيف وكبير شوي :) وكمية المياه تكون مغطية لظهر الإغوانا فقط عالأقل ، وكلما زادت كلما كان أحسن عشان تغوص وتتمشى في المسبح :) ولما ينتهي الشتا ، كل يوم كوني رطوبة في الحوض/القفص برشه يوميًّا بالقليل من الماء حتى يبتل المكان بلل خفيف :) وبعدما ينتهي الشتا تقدرين تمسكين الإغوانا يوميًا وفي اي وقت تبغينه لكن مو بشكل مستر وبكثرة عشان ماتتضايق ، ولما تتعود عليك تصير ماتخاف وتصير تاكل من يدك وتقدرين تجربين معها أي نوع من الفواكه والخضار وتعرفين وشو ذوق إغوانتك :) =-= ولو بغيتي مساعدة زيادة لاتترددين في السؤال وان شالله الخبراء يساعدونك :) وان شالله اكون انا افدتك ولو بالقليل ^^ |
رد: ابا مساعده
آهنن حبووووبـه<<وووووووهـ يآلبى آلآمـآرآت ودآر زآيد:$
مي تووو نفسي بآغوآنـآ بس مرآح آخذ اللحين بخليهآ بعد كويزآتي آن شـآلله^^ آنـآ اللحين يالغـلآ آربي سلحووف برمـآئي حيل رووووووعه تربيته يزنننننننننننننن بقـوووهـ وآفضل تآخذين صغير بس مثل مااوضح مهووس آلكبير مميزااته افضل <<بس لآنك توك مبتدئه آلصغير آفضل وانتي ورآحتك:D ووجربي تربين سلحووف برمـآئي بتتجننين عليــه:D وآحنـآ بالخدمـه ومنوورهـ القسسم بطلتك الغ ـآوويه لآعدمنـآك ^^ وبالتوووفيق يآرب ويتربون بعزك آن شآلله مقدمـآ^^ ووووودي :$ |
رد: ابا مساعده
صح نسيت :D
اللحين كل الزواااحف داخله بيآتهآ الشتوي بتحصلينها عجاازهـ وكسوووله واكلها يقل يعني نظاامها يتغير 180 درجه صرآحه مايمدحوون تشترين لك زوااحف بفترهـ الشتآ مراح تقدرين تميزين الكويس من المريض ^^ وع الربيع آن شآلله ترجـــع آكوووس من آول:D مووودتـي آختك..:روآن:) |
رد: ابا مساعده
http://www.2zoo.org/get-1-2010-2zoo_org_cjzsxhmv.jpg
:pشرآيك بهآلصوورهـ مووو جنـــآن :oيــــــــآرب يرزقني وحـــده مثل الصفرآآآ تجنننننننننننننننن ينـآس :o http://www.2zoo.org/get-1-2010-2zoo_org_7hdbz2cl.jpg :Dآميــــــن يآرب يرزقنـآ مثل هالآغوآنـآت او آحلى منهم:p عنجد آلآصفر غ ـآآآآآآآآآآآآآووووي حيـــــــــــــــــــــــل:p |
رد: ابا مساعده
أنا ماتكلمت عن السلاحف ^^
أنا أقول الإغوانات الكبير فيها أفضل من الصغير ، (وأنا عارف انك فاهمة قصدي بس وضحت عشان محد يتلخبط^^) |
| جميع الأوقات بتوقيت GMT +3. الساعة الآن 07:55 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو