أفريقي حيرني؟؟
 

يا شباب اشتريت أفريقي ..

وعندي استفسارات وياريت أهل الخبرة ما يبخلوا علينا الله يعطيهم العافية

1- كم عمره .. وكيف أعرف عمره ؟
2 - عنده جعره صوت مزعج إذا مديت ايدي تجاهه واذا بعدتها يسكت .. كيف أبعد هالصوت؟
3- هل يجتمع الجعير مع الكلام .. وهل يشترط ان يكون أليف ليتعلم الكلام أم أن المتوحش أقصد غير الأليف مرة ممكن يتكلم؟؟

4- كم سعره لو بغيت أبيعه؟

بصراحة مليت لي معه شهرين وما يتكلم ومو راضي يطلع على يدي إلا إذا لبست قفاز ينقز بسرعة

وياكل من يدي بس الجعرة وش علاجها ؟؟

و سمعت إن فيه مدربين ياخذونه يدربونه مقابل مبلغ .. كم ياخذون وإذا أحد منكم يعرف رقم مدرب يرسله لي .. الله لا يهينه ..

وهذي صور الرجال...هههههه


http://aqarcity.org/up092/images/klz1263323665k.jpg



http://aqarcity.org/up092/images/bfi1263323767u.jpg



http://aqarcity.org/up092/images/cqs1263323846o.jpg



الله يعطيكم العافية

رد: أفريقي حيرني؟؟
 

معقولة ما فيه ردود !!!!!

رد: أفريقي حيرني؟؟
 

رد: أفريقي حيرني؟؟
 

رد: أفريقي حيرني؟؟
 

اخوي حفظك الله
جوابي للجميع دائماً

لاتستعجل على طيرك وأسأل نفسك هل وفرت له كل ما يحتاج له

اجابتي على تساؤلاتك حسب خبرتي المتواضعة والبركة في الأخوان هي كالتالي :
1- كم عمره .. وكيف أعرف عمره ؟
الجواب : لون العين = أسود --- فرخ صغير لغاية 8 اشهر الى سنه
رمادي---سنه لغاية سنه ونص
ابيض ---- سنه ونص لغاية سنتين او سنتين ونص
اصفر --- من سنتين ونص فما فوق

2 - عنده جعره صوت مزعج إذا مديت ايدي تجاهه واذا بعدتها يسكت .. كيف أبعد هالصوت؟
التجعير سببه الخوف
الجواب : لابد انك تضع القفص في الأرض قريب من تواجدكم في البيت مثل غرفة الجلوس وتطلعه وتوقفه على سقف القفص بحيث انه يعتاد على الناس حوله وهو خارج القفص ويعتاد على مرورهم بالقرب منه بشكل يومي

3- هل يجتمع الجعير مع الكلام .. وهل يشترط ان يكون أليف ليتعلم الكلام أم أن المتوحش أقصد غير الأليف مرة ممكن يتكلم؟؟
الجواب : تدريب الطائر على الكلام هي ممارسات مختلفه تختلف بتجاوب الطير من واحد لاخر ولكن طريقتي انا المفضلة اضع القفص في مكان مرتفع لا يقل ارتفاعه عن متر ونص عن سطح الأرض ويكون قريب من مكان جلوس العائله واردد عليه كلمه واحد لفترة طويله حتى يتقنها ثم اكرر المحاولة مع جمله اخرى ، وفي المساء عند وقت نوم الطائر اشغل عنده مشغل صوتي وجرب جوالك القديم خله يشتغل عنده الليل كله يردد الكلمه اللي تبي ( قبل ينام وأثناء نومه وهو يسمع هالكلمه ) صدقني في فترة وجيزه بتسمع العجب . اما بالنسبه اللتجعير فلا علاقه له بفدراته على الكلام .

4- كم سعره لو بغيت أبيعه؟
لو سمعته يقول كلمه منتب بايعه ابد . اصبر عليه عندى واحد ما نطق الا بعد مرور سنه كامله
والحين من اغلي طيوري على نفسي .

اترك عنك القفاز لانه يخيفه

حاول تقرب يدك له باستمرار لين يتعود عليها حتى لو جعر في البدايه بيجيه يوم يعتاد عليها ولا عاد يجعر

بطولت عليكم

تقبلوا تحاياتي

رد: أفريقي حيرني؟؟
 

فجر
انا كنت مثلك واسوئ منك
كان اللي عندي جعير و هواش انا ووياه
بس الحمدلله بعد ما قريت مواضيع المنتدى كامل
وتعرفت على اخوان واخوات
والله اني استفدت خلال اسبوعين
وكل ما شفت شيء جديد
جلست اقرى بالمواضيع وازيد خبرتي عن الببغاء
واذا ما لقيت حل
جلست اسأل الاعضاء و الاخوان اللي هنا
والله ما احد راح يقصر معك

ترى مافيه شيء يجي بالسهوله


والله اني اتكلم معك لاني مريت بنفس حالتك واسوئ
تخيل يوم جيت ارجع الببغاء
بنفس اللحظه ترووض
يعني بعد اسبوعين

واحلى نصيحه اخذتها بعالم الببغاء
الصبر الصبر الصبر

حاول تصبر مع طيرك وصدقني راح تنبسط
اسال اي شيء تبيه بالمنتدى
والاخوان ما راح يقصرون معاك ابداً


وهذا رابط لمجموعة الرمادي
المسؤل عنها الاخ القدير ابو محمد
اقرى كل مواضيعه بهالقسم ترى راح يفيدك
وفيه ترى مجموعه من الاعضاء مبدعين
منهم سكر وكاسكوكيه وابو محمد وغيرهم كثر
يعني ما راح تضيع لو بغيت اي شيء

وبالتوووفيق ان شاء الله

رد: أفريقي حيرني؟؟
 

شف هالصوره اللي أنتجها العضو بدون علامة ..

تحدد لك عمر الببغاء .


http://www.2zoo.org/get-1-2010-2zoo_org_r34s0z3d.bmp

رد: أفريقي حيرني؟؟
 

بالنسبه للخوف منك .. هو موب خايف منك .. خايف من القفاز .


حاول تشيله وتحطه بيدك . وخل القفاز بعييييد يعني مايكون عند نظرة .. لأنه متعقد منه .


يمكن يعضك بقوة شوي أول مرة .. لا تسحب يدك بسرعة ولا تعصب ولا تصرخ عليه ..


اذا ماتقبل .. شيله بفوطة وركبه على يدك .. وخليه عليها شوي ثم خله يرجع للقفص ..

ثاني مرة خله على يدك وخذ به لفه على الغرفة .. ثالث مرة برا الغرفة .. شوي شوي بيعرف انك تبغى تمشيه وتصادقه .. وماتبي تأذيه ..

وطبعا الأفضل تكون جنحانه مقصوصة ..


واذا تبي تعرف الطريقة هذي بالصور أو الفيديو .. سوي بحث على مواضيع العضو (( سكر ))

هو شرح هالطريقة وماقصر .


أتمنى أفدتك واي سؤال ثاني ان شاء الله نفيدك . تحياتي لك .


http://www.4u-arab.com/up/upfiles/VJi94342.gif

رد: أفريقي حيرني؟؟
 

من شكل العين ولون الذيل ..


احتمال كبير انها انثى ..


سميها اسم حلو وردده عليها . عشان تعرف انك مهتم فيها وعشان تبدأ تحفظ الكلمات .



http://www.4u-arab.com/up/upfiles/7U197493.jpg