|
قطوتي عمرها شهرين فيها اسهال و ما تاكل و بس تشرب كرنيشن!
:confused:
محتااااااااااااااااااااره تكفون شسوي معاها اسهال حبيبتي بس تسهل و اهي صغيره ما تاكل ولا شي لا دراي فود و لا دجاج و لا شي كلش بس حليب كرنيشن أو حليب مراعي بس تحب الكرنيشن اكثر اسهال اصفر و انتو بكرامه و ما ادري شنو اسويلها اوديها الطبيب ؟ ردو علي بأسرع وقت و قولولي اي طبيب اوديها ؟ بليييييز تكفووووون ما ابي يصير فيها شي |
رد: قطوتي عمرها شهرين فيها اسهال و ما تاكل و بس تشرب كرنيشن!
عفـوا أخــتي .. بس القطط من عمر شهر تقدر تاكل دجاج وتقدر تاكل دراي فود وأي أكل ثـــآني
فـ المفروض انتي الحين تخلينها تـــآكل وشيلي الحليب عنها لان خلص مو ذاك الضروره بالنسبه لهاا .. واذا مره ودك تعطينها أعطيها حليب خالي من الدسم او قليل الدسم ويكون مخفف بمــاي بين كل اسبوعين الحين اعطيها دواء للإسهال .. كابتين أو كـآبكت من الصيدليه البششــرريهـ .. نص ملم مرتين باليوم والأكل زي ماقلت شيلي الحليب وحطي لها دجاج مسلووق مع بطاطس مسسلوق ~ دراي فود واستمري عالدوا لين يرووح الإسسهال وبالتووفيق خيــــــــــتوو |
رد: قطوتي عمرها شهرين فيها اسهال و ما تاكل و بس تشرب كرنيشن!
آختي ماقلتي لنا كم عمرها ؟!! مثل ماقالت سيسي أذا عمرها شهر و شهرين ترى تاكل عادي دجاج مسلوق ودراي فود والحليب اللي تعطينها لعب في بطنها لعب ,, خلاص آقطعيه عنها ,, القطط تتحس من الحليب يسبب لهم غازات وآسهال .. غيري نظامها الغذائي الحين ,, وآعطيها دجاج مسلوق مع رز ( الرز يمسك البطن ) ودراي فود ولو هي عمرها شهر آنقعيه بمويه دافيه ,, آما لو شهرين عادي آعطيها بدون ماتنقعينه مثل ماهو وبعدد توست مع جبن سايل قليل الدسم ( التوست مرره مفيد للقطط ) .. وخبرينا شـ يصير معاك |
رد: قطوتي عمرها شهرين فيها اسهال و ما تاكل و بس تشرب كرنيشن!
والله ما قصرتو
بس وين الصيدليه البشريه بالكويت ؟ ممكن رقمها أو عنوانها إهي عمرها شهرين بس ما تاكل دراي فووود كلش كلش ... احس صحتها تعبانه و كله تبي تنام و عيونها تدمع بنات آنا شريت لها دراي فود مخصص للكتنز من كار فور الكيس لونه اصفر ببرتقالي و إسمه: meow mix kitten والله ما تاكله كلش و لا تقرب منه بس تشمه و لا تلمسه و لا تتذوقه مره حطيت عليه ماي دافي مانفع معاها الماي ما تشربه والتوست ما جربته بالجبن بليييز ساعدوني حالتها معوره قلبي و ما ابي أهملها لأنها بذمتي حاولت ارسل رساله خاصه بس حاطين مايصير لين يصير عدد المشاركات 50 أبي أعرف من وين احصل الليتر بوكس اللي يصير له غطى مثل الشتله أو يكون مغطى عن الروايح و من وين احصل طوق لقطوه صغيره فيه جرس ما يأذيها ؟ و متى اطعمها .؟ ووين !! |
رد: قطوتي عمرها شهرين فيها اسهال و ما تاكل و بس تشرب كرنيشن!
ياربي قطوتي ما ادري شسوي فيها ... مكان الخروج احمر و كأنه فيه دم لأني مسحتها بالكلينكس إهي ما تفارقني تكفوووووون ساعدوني بأقرب وقت أبي أوديها طبيب
|
رد: قطوتي عمرها شهرين فيها اسهال و ما تاكل و بس تشرب كرنيشن!
الدم وتهيج المنطقه بسبب شدة الأسهال .. الحين لو آمكن تسوين لها دجاج مسلوق مع رز مسلوق كلهم مع بعض وتضيفين عليهم موية السلق بينظف بطنها ويمسكه .. ووديها للبيطري ممكن تعاني من بررد على كلامك عيونها تدمع ,, آو شدة الأسهال آهلكتها وسببت لها جفاف وخمول .. وطمنينا عليها |
رد: قطوتي عمرها شهرين فيها اسهال و ما تاكل و بس تشرب كرنيشن!
:( ياالله الله يشفيهاا حبيبتي مو حلو الحليب ابداااااا للبسس اقطعيه وسوي الدجاج المسلوق او حتى مشوي بس قطعيه صغير والاكل الي جيبتيه منيح بقصد الدراي فود ميكس مياو انا مجربته كتييييييير بس بدها شوي لتتعود عليه لانك ماحاولتي انك تغيريلها انها بس تاكل او تشرب حليب كنتي من اول حاولتي تعطيها اكل ضروري هلق دوا الاسهال تبع الاطفال الي حكتلك عليه سيسي وخلي الماي حدها دايماا والفيتامين بعد تبع الاطفال مع الاكل لانها اكيييييييد تعبت كتيييييير من هالاسهال:( من كتر مازعلت عليها الله يشفيها بطلت اعرف رتب الحكي تبعي بدي اكتبلك كل شي بعرفه بس ملخبطة سامحيني:( الله معك وطمنينا دخيييييييييييلك |
رد: قطوتي عمرها شهرين فيها اسهال و ما تاكل و بس تشرب كرنيشن!
حبيبتي جوسي والله ماقصرتي يالغاليه ..
و كل البنات ما قصرو ... اليوم تدور الحليب دواره ... بس ما عطيتها شي غير ماي و الدراي فود اللي مصممه ما تذوقه ... بس كنت آكل كرواسونه و قامت تنونو و عطيتها شوي اكلته ... ياربي تشفيها يارب ... واللي عنده أفكار أو حل لا يبخل علينا ... |
رد: قطوتي عمرها شهرين فيها اسهال و ما تاكل و بس تشرب كرنيشن!
أختي الصيدليه البشريه أقصد بها الدوواء / النهــدي .. إلخ
وكمان نسسيت .. لما بتشترين لها الدواء اشتري معه بيبي لايت هو محلول للأطفال يعوضهم عن الجفاف حطيه لقطوتك بدل المــاي .. واذا ماشربت منه .. شربيها بالإبرره والدراي فود ماعليش مع الوقت تحبه وتــآكله .. بس الحين أعطيها دجاج مسسسلوق مع بطاطس او مع رز زي مـاقالت آنــوو .. بتحبه ان شاءالله وبتاكل منه .. بس أهم شي انتي قطعيييه صغااار وصبي عليه ماي السلق عشان يصير طررري والدم طلع من شده الإسسهال .. وحاولي تخلينها بمكان دافي .. لان النوم بالمكان البارد او النوم على السيراميك والرخاام ممكن يزوود عليها الإسسسهال وطمنيــنا عنــهاا |
رد: قطوتي عمرها شهرين فيها اسهال و ما تاكل و بس تشرب كرنيشن!
قوه
ىنا ما أخليها تنام عالسراميك أو الرخام أو البلاط مهما كان هاذي روح و لازم تتدفى و ترتاح آنا أعاملها مثل عيالي و بناتي ... بالنسبه للاكل شريت لها معلبات فانسي اللون الوردي أوف صارت مفجوعه تاكل بشكل سريع و كانها مو مصدقه .... و تشرب الماي الليوم ما خرجت كثر ... بس كأنه تعدل بطنها آنا مدفيتها حيل و ما أحطها بحضني إلا و ادفيها بكفر ناعم ... بس صارت متعوده تنام بحضني !!!! و شريت لها لتر بوكس كبير بس كأنها تعودت على الصغير ... عموما آنا متابعتها و ما قصرتو على المشاركات |
| جميع الأوقات بتوقيت GMT +3. الساعة الآن 09:20 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو