|
الرجاء المساعدة حالا ... ارنوبي في خطر
اشتريت ارنب ووبر وربيتهم مع بعض:freind:
الوبر صحته وحاله عال العال ونفسيته مفتوحة لو قدامه محل خضروات صفى عليه :12: لكن المشكلة في الارنب لما مضى تقريبا 4 ايام حسيت انه خامل :shy: وبعدين صار برازه اكرمكم الله بشكل كبير ولزج ولاحظت تجمعه حول فتحة الشرج ولاحظت انتفاخها واحمرارها :eek: وبعدين غيرت نظامه الغذائي وراح الاحمرار ورجع برازه لوضعه الطبيعي :88: لكن المشكلة الحين ان الارنب صار يتجمع لعابه تحت فكيه بالضبط بصورة مستمرة كأنه مزكوم حاولت تنظيف المكان حول الف واسفل الانف لكن اللعاب يتجمع من جديد:confused: المشكلة الان انه كل ما يلعق اي مكان من جسمه لينظفه يلتصق اللعاب به حتى صار اسفل وجهه وصدره وقدميه الامامين ملطخة باللعاب بصورة مقززة :eek: انا حقيقة لاادري هل هو لعاب ام افرازات من الانف ؟؟:( ساعدوني رجاء لان صحة الارنب تتدهور الان ونفسيته للاكل في نقصان كل ما ما يلعق تلك القذارة على جسمه ورجعت له حالة البراز اللزج:wao: مع العلم ان عمره يزيد على الشهرين على حسب كلام راعي المحل وشكرا لكم جميعا:shy: |
رد: الرجاء المساعدة حالا ... ارنوبي في خطر
يااخوي الله يعينك ويشفي ارنوبك
والله لو اعرف شي افدتك طب لو عارف بيطري حلو وديه له بس ماحبيت ادخل وماادعي لك سامحني عالقصور |
رد: الرجاء المساعدة حالا ... ارنوبي في خطر
مشكورة اختي على الدعاء والمرور
وننتظر اخواننا اهل الخبرة الله لا يخلينا منهم |
رد: الرجاء المساعدة حالا ... ارنوبي في خطر
الله يشفيه ..
طيب انت وين تربيه في مكان دافئ ؟ وبعدين وش الأكل الي تعطيه الارانب ؟ |
رد: الرجاء المساعدة حالا ... ارنوبي في خطر
مكانه بوسط البيت 5 متر بالكثير عن الدفاية
بس المشكلة انه سوى عملية هروب وشاف نفسه مايكل سكوفيلد واتخبى في الحوش ولا رجع الا بعد حوالي ساعتين واتوقع هذا الي عكس صحته اما الاكل فااكله خس وجرجير وجزر وخبز يابس ومكعب الا الماء عجزت عجزت انه يشرب الماء بس مو راضي وشكرا جزيلا على الاهتمام |
رد: الرجاء المساعدة حالا ... ارنوبي في خطر
اخوي حرام تاكله خس دايما لانه يسبب اسهال
وبعدين عندي لك طريقه تحفه لجل يشرب المويه انا ارنوب ماكنت اعرف انه يشرب مويه لاني كنت احط له مويه بصحن بلاستيك ويروح يكبه ويوقف فوقه فرحت جبت كوب تعرف الاكواب الصغيره حقات الحليب وحطيت فيه مويه وخليته راح ارنوب يتشممه ويعضه عجز بالاخير شرب منه انت لو تبي جيب صحن خزفي اضمن وحطه له وهو من حاله بيجي يشرب بس لاتغصبه على شي |
رد: الرجاء المساعدة حالا ... ارنوبي في خطر
لا تكثر الخضروات , والماء حطها عنده ولا تحاول تشربه بالغصب !
|
رد: الرجاء المساعدة حالا ... ارنوبي في خطر
مشكورين والله على النصائح وتسلمون
بس الحين انا خايف عليه يموت لان حالته تجيب والله شوفته ما تسر وش الحل وش اسم هالمرض وش علاجه لاني ساكن خارج الرياض والبياطرة اللي عندنا اختصاص غنم وابل وباقي الحياوانات ما يفهموا فيها وشاكر لكم مروركم العطر |
رد: الرجاء المساعدة حالا ... ارنوبي في خطر
شوف بقولك شي
انا ارنوب لما جاني صدقني حالته ماتسر كان ابد مايسمع باذن ولا يحرك يد لكن مع الاهتمام والدلع شوفه بالتوقيع لااله الا الله ولا كان به شي انت حط عند ارنوبك بقدونس وكزبره وجرجير وشفت الزنجبيل الاخضر اقطع له شويه مره باليوم يعني كسره صغيره واذا عندك عسل طبيعي جيب ملعقه صغير وحط شوي عسل وقربه لفمه هو راح يلحس منه بس لاتكثر عسل يعني مره كل يومين ودلعه يعني خله بحضنك ومعك دايما وحك له تحت اذانه لانه يحب هالمكان وباذن الله 3 ايام اسبوع وهو بريان ولا به اي خلاف شف ترا كل اللي كتبته انا مسويته مع ارنوب وربي كنت متوقعه ان يده مشلوله اول ماجاء بس الحمد لله يحركه وياقف عليه واذا زعله احد خمشه به بس انت اهتم به ونظف مكانه وباذن الله ارنوبك راح يشفى ويرجع احسن من اول |
رد: الرجاء المساعدة حالا ... ارنوبي في خطر
مشكورة اختي على النصائح الحلوة وراح اطبقها ان شاء الله والله يهنيكي بارنوبك وتسلمين
وبانتظار راي بقية الاخوان اهل الخبرة في الامراض والعلاج ..... |
| جميع الأوقات بتوقيت GMT +3. الساعة الآن 11:52 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو