منتديات تو زوو - وش يعني محجل ؟؟

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - وش يعني محجل ؟؟ (http://www.2zoo.com/vb/showthread.php?t=126703)

كوالا

25-10-2009 10:46 AM

وش يعني محجل ؟؟

السلام عليكم ورحمة اله وبركاته

اول شي انا جديد بالمنتدى هنا واحب الطيور باشكالها والوانها كلها

بس تنقصني الخبره فيها وكثير من المصطلحات ماعرفها فأتمنا تفيدوني

موضوعي هنا يتكلم عن التحجيل وش يعني محجل ؟؟

يا اخوان كل ما ادخل موضوع للطيور اقرا مكتوب محجل

وش يعني محجل ؟؟؟

وش فوائده ؟؟

طيب الطير المحجل وش يفرق عن الطير الغير محجل ؟؟؟

وبعدين سمعت انه لها تواريخ يعني مثال واحد يقول طيري محجل بتاريخ 2008 وش يقصد

اتمنى تفسير كامل للتحجيل

واعذروني يمكن سؤالي بايخ وتافه بس انا ماعندي خبره في هذي الامور واكتسب خبراتي منكم

وجزاكم الله خير

the big

25-10-2009 11:08 AM

رد: وش يعني محجل ؟؟

حياك الله يا كوالا بين اهلك واخوانك

وان شاء الله تفيد وتستفيد

ومعنى محجل يعني انتاج مزارع وغالبا يكون اليف

لانه من تربية الانسان يعني مو مصيود من الغابات

والغير محجل " المصيود " غالبا يكون غير اليف

وفائدته يكون فيه تاريخ الميلاد للطير ورمز مصدره

وان شاء الله اكون افدتك

o9Liii

25-10-2009 03:18 PM

رد: وش يعني محجل ؟؟

في نقطه ما ذكرها اخوي the big

الحجل عباره عن حلقه معدنية توضع في قدم الطائر وهو لا يزال فرخ صغير

ويكتب على هذه الحلقه تاريخ ميلاد الطائر (الفقس) وبكتب أيضا عنوان المزرعة و الحظيره والعش برموز بسيطه

للتعرف على مصدر الطير ومعرفة الطيور المنتجه له

اتمنى أكون أفدتك بأقل عدد من الكلمات

اتمنى لك كل التوفيق

خالد

BiG MaMa

25-10-2009 05:16 PM

رد: وش يعني محجل ؟؟

مثل ماقالولك الاخوان ماقصرو

كوالا

26-10-2009 09:46 AM

رد: وش يعني محجل ؟؟

يعطيكم الف عافيه والله

ماقصرتو

الحين وضحت الصورة براسي

جزاكم الله خير

جميع الأوقات بتوقيت GMT +3. الساعة الآن 08:37 AM.