منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   وش تفسيراتكم لهالافريقي (http://www.2zoo.com/vb/showthread.php?t=126494)

رنين القلم 23-10-2009 10:14 PM
وش تفسيراتكم لهالافريقي
 
الله يعينكم علي كل مااستحدث شي نقزت لكم هنا اشرح لكم

الجعرة والصراخ كل ماله يخف اكثر وهذا ثالث يوم صرت اسولف معه اكثر كل شي جبناه الاسهم والاقتصاد وجيت اسولف معه بالسياسة قام صرخ بوجهي خخخخخخخخخخخخ

دخلت يدي عشان اوكله وكان يصرخ احيانا ويمد فمه يحاول العض وكنت اعطيه اكل ويرميه في الارض وش التفسير؟؟

اعطيه اصبعي يحاول يعضها بس بخفيف ؟؟

فيه حركات يسويها بفمه مافهمت مغزاه اشوفه يلعب بلسانه كأنه بيزغرط ويطقطق بالمنقار؟؟

اليوم فتحت له باب القفص من فوق جلس شوي وبعدين بدى كأنه ينوع في التصفير وبعدها طار على الارض وخليته يكتشف المكان جبت عصى خليته يطلع عليها طبعا مع صراخ وزعل ولكن حاولت امسد عليه وامسح على منقاره الين استطعت والحمدلله ووسويت له بيض مسلوق وقعدت المس عليه وكل مايحاول يعض اقوله لا واذا سمع كلامي اعطيه بيض مسلوق وياكل وشريت له كالسيوم ومااشاء الله قرطه قرط وبعدها بدى يشقلب في القفص ويتعلق

وش رايكم هل انا ماشي في السليم؟؟

الاحظ ايضا كل مالمست على صدره يمد لي رجله اليمين مافهمت وش يقصد؟؟

وسؤالي الاخير هو الاحظ برازه احيان كثيرة لونه اصفرمع ابيض وش ممكن يكون تفسيره؟؟

اسف على الاطالة

ابو محمــد 23-10-2009 11:22 PM
رد: وش تفسيراتكم لهالافريقي
 
اقتباس:
دخلت يدي عشان اوكله وكان يصرخ احيانا ويمد فمه يحاول العض وكنت اعطيه اكل ويرميه في الارض وش التفسير؟؟
طبيعي وهو خااااايف منك استمر ع المنوال.

اقتباس:
فيه حركات يسويها بفمه مافهمت مغزاه اشوفه يلعب بلسانه كأنه بيزغرط ويطقطق بالمنقار؟؟
نوعا ما بدأ يرتاح ويعيش حياته الطبيعية.

اقتباس:
وش رايكم هل انا ماشي في السليم؟؟
نعم وفوق السليم بعد.

اقتباس:
الاحظ ايضا كل مالمست على صدره يمد لي رجله اليمين مافهمت وش يقصد؟؟
يقصد ويقول لا تلمس <<<<<خايف منك الى الحين.

اقتباس:
وسؤالي الاخير هو الاحظ برازه احيان كثيرة لونه اصفرمع ابيض وش ممكن يكون تفسيره؟؟
طبيعي وما فيه شيء.

وخذ راحتك في الاسئله.

رنين القلم 24-10-2009 01:57 PM
رد: وش تفسيراتكم لهالافريقي
 
الله يفتح عليك ياابومحمد وينور عليك مثل ماانت منور علينا معلومات يعطيك الف عافية

شخبارك 24-10-2009 02:08 PM
رد: وش تفسيراتكم لهالافريقي
 
ماخلى شيء بو محمد ^_^

انزين الكالسيوم وش اسمه..؟
ووش فايدته ^_^..؟

"مجرد علامة" 24-10-2009 02:38 PM
رد: وش تفسيراتكم لهالافريقي
 

الف مبروك اولاً

ثانياص استاذنا أبومحمد ماقصر كفى ووفى

بس حبيت اقول شغلة ، ألا وهي : أنه كان عندي كاسكو اذا قربت ايدي من صدره يرفع رجله

ومن اول ماشريته بعد ، طلع الأخ متعلم يسلم اذا مديت له ايدك وانا كنت احسبه يبي يطلع على ايدي

وبعدين تطورت الحركة صار يطلع على اليد وع الكتف في فترة قياسية


اقتباس:
كل مالمست على صدره يمد لي رجله اليمين مافهمت وش يقصد؟؟
فالظاهر والله اعلم انها علامة ايجابية وموفق باذن الله اخوي


يارب عفوك

رنين القلم 24-10-2009 04:25 PM
رد: وش تفسيراتكم لهالافريقي
 
مشكورين جميعكم على الردود الرائعه وكثر الله خيركم بس انا شغلتين مضايقتني وكنت خايف منها لاني اول مرة اربي افريقي واعتبر نفسي انجزت إنجاز رائع في ظرف 3 ايام قدرت اغير ولو جزء من شخصية الطير الي كانت شرسة

الاولى الي هي البراز الاصفر وطمنا ابومحمد ونقول خير ان شاء الله باقي مسالة العض لاني مااضمنه في اي وقت يقطم له قطمة سريعه كذا تودينا في داهية

بووسلطان 24-10-2009 05:47 PM
رد: وش تفسيراتكم لهالافريقي
 
اخوي اذا الطير عنيد ويجعر لابد من ترويضه على الاقل انك تجوعه 6ساعات بعدين تعطيه الاكل من يدك احسن
وانصحك بالسبال جوعه وعطه سبال بس لاتكثر 3 او4حبات لان السبال يسبب الاسهال للطير وبعد اسبوع خله ياكل لحاله وشوف النتيجه واذا مانفع زيد الجرعة خلها اسبوعين

رنين القلم 24-10-2009 11:03 PM
رد: وش تفسيراتكم لهالافريقي
 
ابشركم استخدمت للعض العسل وخفف العض وصار حنين علي واكافئه بفول سوداني يموووت عليه ولكنه ذكي جدا يدري ان بيدي الثانية فول عشان كذا مايعض

ثانيا وش تقصد بالسبال وشو هذا؟؟ بعدين وش ابي بااكل يجيب الاسهال الله يكفينا من الاسهال

ياليت التوضح


جميع الأوقات بتوقيت GMT +3. الساعة الآن 10:36 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو