|
شريت ببغاء هندي لاكن موب عارف وش اسوي..
بسم الله الرحمن الرحيم اول شيء اسلم عليكم .واشكركم على المنتدى الحلو حقيقة قصتي اني انا بغيت اشتري طير نفس الاوادم .. المهم ورحت شريت طير زينه يقول الهندي انه ببغاء هندي لاكن صغير الحجم ..ويقول مو نفس الببغائات الثانية يتكلم ..لا بس يتكلم 6 - 10 بس.. الجنس: انثى المهم شريته واحد بس لانه ماعنده غيرة ... العمر:6 شهور الاسم:بوبو ^_^ الفصيلة على قولة بوهنود:ببغاء هندي المشكلة:: انا مالي إلا يوم بس لاكن قاعد اشوفه مايتحرك كثيير .. واوال مأجي جنبها تنحاش . طبعا حطيت لها حب .مأشوف تاكله .لاكن قبل اشوي حطيت لها فول سوداني حطيته بين الشبك وكلته يوم وخرت عنها.. المهم ابغى بس كم سؤال وهو تمووت لو بدون رجال او بدون طير من نفس جنسها .؟ هذا يسمى ببغاء ولا لا..؟ تتوقعون يصفر ويتكلم ويقعد على يدي بعد كم يوم..؟ شنهو الاشياء اللي اسويها لها علشان لو جيت جنبها ماتنحاش.؟ ماقاعد اشوفها تشرب مويه مادري ليه..؟ ومشكوريين والصور تحت لها .. http://up4.m5zn.com/9bjndthcm6y53q1w.../m9mmsqln7.jpg http://up4.m5zn.com/9bjndthcm6y53q1w.../9k0nnjpe5.jpg |
رد: شريت ببغاء هندي لاكن موب عارف وش اسوي..
الف مبروك الدره ويتربى بعزك
الطير جديد وبدري ع التدريب ,, بعد اسبوعين ابدأ معه التدريب واذا شفت الطير غير متقبل,, وبالنسبه للزوج ما يحتاج يعيش لحاله,, اصبر ومع الصبر تنفرج وتنحل. |
رد: شريت ببغاء هندي لاكن موب عارف وش اسوي..
اخوي انا عندي درة
ما اتوفع تموت لو عاشت بدون زوج او زوجة انت لعبها و ونسها و يعتبر ببغاء |
رد: شريت ببغاء هندي لاكن موب عارف وش اسوي..
مشكوور بو محمد والله يخلي لك محمد ..
والله يعينا على بعد اسبوعيين.. بردت قلبي يا راينو انه طلع ببغاء علشان اكشخ عند الشباب اقول لهم عندي ببغاء وزيادة بعد بـ200 ريال بس ^_^ وقبل اشوي طلعتها من القفص وملبس يدي فوطه حقت الوجه . لان الشباب يقولون لو تبي تطلعه البس حاجة .المهم قلت يمكن عضتها عاديه . وتخيلوا يوم مسكتها عضتني عضة موب صاحية .لين الحين الالم ^_^ شكلها متربيه على دجاج وضبان ^_^ |
رد: شريت ببغاء هندي لاكن موب عارف وش اسوي..
الببغاء بكم شاريه لان اذا كان مو اليف ترا اسعارها ب 150 واذا كان اليف 300
وهذا يسمى ببغاء الدرهــ يتكلم كلامات شويه مثل فتو-السلام عليكم-حبيبي بس..! وان شاء الله يتربى بعزك والله يوفقك ويوفق الجميع تحياتي وابشرك هو ببغاء |
رد: شريت ببغاء هندي لاكن موب عارف وش اسوي..
اقتباس:
او كلام ابو محمد صح:88: |
رد: شريت ببغاء هندي لاكن موب عارف وش اسوي..
تسلم ...
لاكن مادري وش فيها ماتاكل . حطيت لها حب ماكلته+خس ماتاكله+مويه ماشفتها تشرب+فول سوداني بس مرة... شريته بـ160 +القفص الكبير+اكل =200 ريال.. وتسلم ياغالي على المرور .. ايه صح متى تتوقع تتكلم هالكلام |
رد: شريت ببغاء هندي لاكن موب عارف وش اسوي..
مبروك عليك هالببغاء الدرة المطوقة " الدرة الهندية "
سعرها مناسب خصوصا انها صغيرة بالنسبة للأكل عطها حب شمسي اسود غير محموس ولا مملح هالببغاء تاكل اشياء كثيرة منها التفاح والرمان والعنب والفول السوداني "السبال" والفلفل الاحمر وغيره كثير احتمال ما تاكل قدامك لأنها تكون خايفة وما بعد تتعود عليك اذا جيتها حاول تعطيها كلمات حلوة بصوت مبتهج وناعم حتى تستمع لك وترتاح لك مستقبلا انصحك تضع لها الحب الشمسي الاسود وتبعد عنها مدة وترجع وتشوف أرضية القفص هل فيه قشور والا لا اذا جلست بالساعات ما تاكل لازم تتأكد انها مفطومة ومش متعودة على الاطعام بالسيريلاك وغيره والسموحه على الإطالة |
رد: شريت ببغاء هندي لاكن موب عارف وش اسوي..
ألف مبروك والله يعطيك خيرها ويكفيك شرها |
رد: شريت ببغاء هندي لاكن موب عارف وش اسوي..
سلام اخووي
مبرووك ع الببغاء الجديد انا عنـدي زيه و نفس اللون :) اول شي حيقعد فترة متخووف اتوقع بعد اسبوعين يبدأ يتأقلم مع الوضع و يصير يتحرك و يتفاعل معك بس حااول انت كل ما جيت تتكلم معاه امـا الاكل انا اشوف اللي عندي وقت ما تتغذى الاسرة يقعد يأكل من اكله هذا اول ما جبناااه بس دحين صار له شهر معي صار يأكل وقت ما يحب ونأكله بإيدنا ونلمسه واصبح الوضع اشبه بالعااادي وقت ما نطلع ونتركه بالبيت يقلب الدنيااا ما يهجد من الصراخ اصبرر علييه و بتشوفه كيف يصير معك :) |
| جميع الأوقات بتوقيت GMT +3. الساعة الآن 10:40 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو