|
ببغائي الجديد لا اعرف التعامل معه ارجو المساعده
السلام عليكم وورحمة الله وبركاته
مبارك عليكم الشهر الفضيل انا عضوة جديده بالمنتدى وهذي اول مشاركة لي اليوم اشتريت ببغاء لونه اخضر وطبعا هذي اول مره اشتري ببغاء من بعد 15 سنه تقريبا وما اعرف نوعه وهي تخاف جدا جدا من اول ما اقرب من القفص تبتعد وتبتدي تدور على القفص ولا تأكل ولا تشرب ماء وفيها جرح بسيط في بطنها وعندي عدة اسأله ارجو الاجابه عليها : كيف يمكنني ان اعود الببغاء وجلعها لاتخاف ؟ هل الجرح يؤثر عليها ام لا مع انه جرح بسيط جدا و لم استطع تصويره؟ هل هي من النوع الناطق ام لا ؟ هل القفص المستخدم صغير عليها ام مناسب لها؟ واي معلومه تفيدني لاتبخلو علي بها ترا الببغاء حلوه وشكلها شيطونه بس المشكله انها تخاف جدا جدا صورتها لكم وطبعا بالموت صورتها في البدايه كانت تدور على القفص وانا اصورها ابي التقط لها صورة مضبوطه وبعدها انتبهت اني اصورها و وقفت وقامت تسوي لي حركات عشان اصورها تلتفت يمين ويسار وتدلع والله عجبتني امممم وبس ادري طولتها عليكم اعذروني وهذي صورها http://www.2zoo.org/thumb-9-2009-2zoo_org_ost0toxf.JPG http://www.2zoo.org/thumb-9-2009-2zoo_org_ckkzjinq.JPG http://www.2zoo.org/thumb-9-2009-2zoo_org_5ltx5ixr.JPG |
رد: ببغائي الجديد لا اعرف التعامل معه ارجو المساعده
امممم
حابة اضيف كم سؤال بعد كم عمرها ؟؟ وهل هي ذكر ام انثى؟؟ اسفه ع الاطاله وشكرا لكم .. :) |
رد: ببغائي الجديد لا اعرف التعامل معه ارجو المساعده
وعليكم السلام ورحمة الله وبركاته
أهلا فيك بالمنتدى خوف البغبغاء جدا طبيعي مع الوقت وألأجتهاد راح يروح بالنسبه للتأكد بأنه يأكل أم لا نظفي القفص ولا تخلي أي قطعة أكل قديمه بعدها أعطيه أكله المعتاد وخليه فتره أن شفتي بقايا أكل معناه أنه طبيعي والحوض لا تملينه خليه تقريبا الربع وأن أنتهى من أكله غيريه وحطي ألأكل الجديد ألا أذا نوع ألأكل يفسد مثل الفاكهه يتغير بعد ما تحسين أنه بدأ يخرب، أو وقع عليه فضلات الطير وباقي أسألتك أنشاء الله راح تحصليها بهالرابط http://www.2zoo.com/vb/showthread.php?t=98031 http://www.2zoo.com/vb/showthread.php?t=45940 والطير ألي عندك أسمه البيمتووه (الدره المطوقه) وأذا تبين نتايج طيبه وأنه يتكلم ويركب على أيدك يحتاج منك 1-عنايه للطير 2- أجتهاد 3-صبر لأن كل شئ يجي بالتدريج 4- ممارسه وتكرار ومبروووك عليك الدره [/COLOR][/SIZE] |
رد: ببغائي الجديد لا اعرف التعامل معه ارجو المساعده
وااااااو كنت شاكه انها درة
لاني دخلت ع النت و بحث عنها وشكيت انها درة الله يبارك فيك و تسلم اخوي ماقصرت والله شكرا شكرا شكرا بس ما قلت لي كم عمرها وهل هي انثى او ذكر ؟؟ و اهم شي القفص مدري احسه صغير عليها |
رد: ببغائي الجديد لا اعرف التعامل معه ارجو المساعده
القفص تقدرين تعرفين أنه حجمه مناسب بأن يكون الطير يتحرك فيه وهو مرتاح + عند ما يريح جناحه يمددهم ما يخبطوو بالقفص .
وبعد أسبوع أن كان صحته طبيعيه وخذا على المكان تقريبا روحي وقصي جناحه عشان تبدئ التدريب وأول تدريب بأن يركب فوق القفص أو ألأستاند وهذا أسهل تمرين وأسرع طريقه لكسب الطير لأن راح يستانس ويفرح لما يكون خارج القفص بس لازم يكوون مقصووص الجناح أنتبهي وقص الجناح عند الطبيب العمر أنشاء الله ألأعضاء راح يفيدونك يتميز الذكر من هالنوع عند البلوغ بأن يكون تحت الرقبه خط أسود على شكل الطوق |
رد: ببغائي الجديد لا اعرف التعامل معه ارجو المساعده
مشكور اخوي ماقصر
انا من مساع واقفه قدامه ابغاه يتعود ويترك الخوف بس مازال يخاف ودخلت ايدي ابغى احرك راسه بس ماقدرت اوصل له وللحين ما اكل شي :( |
رد: ببغائي الجديد لا اعرف التعامل معه ارجو المساعده
ما اتوقع انه رح يقدر ياكل لان الصحن حق الاكل
هذا لطيو الفيشر والكناري والطيور الصغار مو للببغاوات غيري القفص في بسوق الحمام قفص مخصص للببغاوات بحدود الـ 40 ريال-50 ريال |
رد: ببغائي الجديد لا اعرف التعامل معه ارجو المساعده
لا عااادي وراح ياكل لكن اعتقد انه خايف منك ولا تشيلي هم الطير حلو وصحته ممتازها,,
حاولي ترفعينه ع الجدار بمقدار متر ونص او ع طاوله تكون في الممر وبأذن الله ياكل. |
رد: ببغائي الجديد لا اعرف التعامل معه ارجو المساعده
بس انا ماقدر اقول شي شباااااااااااب ماقصرو
وكلهم فيهم الخير والبركه |
رد: ببغائي الجديد لا اعرف التعامل معه ارجو المساعده
اقتباس:
انا بعد توقعت انو من الصحن بس شسوي وللحين ترا ماكلت شي :( عندنا سوق بس مايفتح الا السبت والثلاثاء والخميس كيف تضل بدون اكل لين يوم السبت مشكور اخوي ماقصرت والله |
| جميع الأوقات بتوقيت GMT +3. الساعة الآن 07:37 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو