|
شلوون اوقف الهواش بين قطووين
السلام عليكم
شلووونكم شخباااااركم انشااااء الله بالف خير المهم ما اطووول عليكم انا عندي قطوووه انثى وشريتلها قطوووه ثانيه بعد انثى ومعاها دفتر تطعيم وكاتبين عمرها 4 شهور بس شكلها اكبر شويه والمشكله الاولى انه على عيونها نفس الغشاوه البيضا جنه غمص على البؤبؤ ؟؟ وبعدين لما جبتها للبيت حطيتها بالغرفه وقامت تبخ على قطوتنا القديمه والقديمه بعد نفس الشي ونقزت على القديمه ومسكتها والحين ماني عارف شلون اخليهم يتكيفون مع بعض واهي بس تدور الاماكن المحشوره وتنخش فيهم ومرات لما امسكها وامسح عليها تلف علي تبي تعضني ياليت تساعدوووني بليز |
رد: شلوون اوقف الهواش بين قطووين
هلا اختي
مبروك بالاول على القطوه الجديده ثانيا بالنسبه للعين غسليها يوميها لها بقطنه ومويه دافيه وفي محلول اسمه ايز وش حق القطط استعمليه مره كويس بالنسبه للهواش اذكر الاخ قطو كويتي قال انه خلي ريحتهم مثل بعض يعني رشي عطر قطط نفسه على القطوتين او حطي لهم نفس البودره عموما الهواش شي طبيعي خليهم بس اسبوعين وشوفي اللعب |
رد: شلوون اوقف الهواش بين قطووين
مشكووووره اختي
وانشاء الله ابي انفذ الي قلتيه وعلى العموم انا ولد :) |
رد: شلوون اوقف الهواش بين قطووين
سوري العتب عالنظر :)
|
رد: شلوون اوقف الهواش بين قطووين
شكرن على الرد قطقوطه واحب اذكر شي ماله دخل العطر حتا لو روشتيهم في عطر لأن القط يفر افرازات لها راأحة مميزه وشكرآ
|
رد: شلوون اوقف الهواش بين قطووين
مبروك عليك القطة.. و بالنسبة للهواش.. فأقترح تمسح القطة الأولى بمنشفة بعدين امسح الثانية بها فالأولى.. عشان تنتقل رائحتهم لبعض .. و حاول إنك لا تخليهم يتواجدوا مع بعض في نفس المكان كثير.. -لفترة قصيرة و زيدها تدريجيا-فالمسألة كلها وقت و يعودوا على بعض. وانشاء الله تفيدك هالإجراءات |
رد: شلوون اوقف الهواش بين قطووين
انا مادري شلون لانه سبق وسويت هالطريقه مع قطاوتي ومافعت بالعكس صار العتوي كله ينخش تحت السرير ومايطلع الا على حزة الاكل ...
|
رد: شلوون اوقف الهواش بين قطووين
ماقصرو الاخوان معاك ناسي =)
بخصوص طريقة رش نفس العطر انا صارت معاي ونفعت الحمدلله بس طبعا من بعد ثالث او رابع يوم ناسي في طريقه وايد سهله انك توكلهم مع بعض اول شي بنفس الوقت وتسبحهم اثنينهم بنفس اليوم وتنشفهم بفوطه وحده مثل ماذكرت الاخت ساره واهم شي ادلعهم اهم الاثنين بنفس الشي مو تهد الاولى احسن لايحوشها اكتئاب واذا عندك لعبة الليزر وايد تنفع بهالوقت وبعد ثالث او خامس يوم ييب عطر جونسن اند جونسن او بودر موجودين بمركز سلطان وامسح عليهم اثنينهم واذا عندك القفص الخاص فيهم تقدر تحبسهم فيه ليمن ينامون وتحط الباب بويه بعض وبحيث لما يستيقظون من نومهم يشوفون بعض ويتأقلمون عالعموم ناسي انا ضفتك بايميلي اليديد مادري اذا قبلت اضافتي ;) |
رد: شلوون اوقف الهواش بين قطووين
مشكوووورين وماتقصرووون
بس هي تبخ اذا جيتها وتعض وبعد تبي تتهاوش مع قطوتي القديمه ولو انها داخل بيتها والثانيه برا واليوم فتحت لها باب البيت وقطوتي مخليها مهدوده بس ما تبي تطلع لي الحين في بيتها زعلانه لوووول |
رد: شلوون اوقف الهواش بين قطووين
إن شاء الله يفيدك هالرابط http://2zoo.com/vb/showthread.php?t=8018 |
| جميع الأوقات بتوقيت GMT +3. الساعة الآن 11:33 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو