|
الفـائـده من التجعيـر
السـلام عليكم ورحمـه اللـه وبركاتة اخواني اخواتي في اول موضوع لي في هذا الصـرح العريق احب اني اطرح مشكله والحل في نفس الوقت .... قبل كل شي انا مربي محترف وعندي غرفه تفريخ قيد الانشاء ..والله اني ما اعرف انزل الصـور ولا كان اخذت رايكم فيها وفي اهل الخبره ... المشكلـه : التجعيـر عند الطائر .. اولاً عندنا كم سؤال لازم تعرف اجوبتها وهي / 1- ماهي فائده التجعير لدى المربي ؟ 2- الطريقه لتخلص من التجعير لدى الطائر ولاكن بعد عمليه التوليف ؟ للاجابة على السـؤال الاول ماهي فائده التجعير ؟ بمعنى اخر انت يالمربي ايش تستفيد وانت رايح تشتري طير انك تسمع الجعير ؟ هذا السؤال مهم لدرجة كبيره لدى المربين ... الفائـدة / معرفه قوه صوت الطائر اذا كان الجعير قوي ومزعج اعرف ان الطائر صوته واضح وقوي ويصلح انك تربيه وتعلمه الكلام .. اما اذا كان العكس فيكون الطائر مخصص لـ التفريخ ... اما بالنسبه لـ السؤال الثاني اولاً لازم تولف الطير .. ومعنى كلمه توليف { الطير مايعض - مايجرح بأضافره } وقتها نعرف كيف تروح الجعره .. كيف تروح الجعره ؟ اول شي تقوم بالمسح فوق العين وخلف العين واخر المنقار ...سوف لاحظ ان الطير يقرب لسانه ليعرف الشيء اللذي يلامسه ... المسح على جسم الطائر بالكامل .... ملاحظه : براز الطائر او الببغاء عليك او لا ملابسك يعني ان الطير مطمئن لك ..اتوقع هذي المعلومه قليل جدا من يعرفها .. تحياتي لكم جميعا واعذروني على القصور ..هذي اول مره اكتب في المنتدى وماعرف انزل صور ولا كنت ناوي انزل صور توضيحيه اكثر .... شكرا لكم |
رد: الفـائـده من التجعيـر
الله يعطيك العافية موضوع في غاية الروعة تسلم يالغلا
|
رد: الفـائـده من التجعيـر
يسلموا على الموضوع الفريد من نوعه وطرحه ومتميز حتى لو كان من دون صور وهذا ان دل الا على انك ملم بهوايت الافريقي وحياك الله اخوي ويشرفني اني اكون ثاني واحد يرد عليك وباين عليك انك دكتور بالتوليف والتدريب اما لو تساعدنا عندي لك شي سهل طير نص اليف يعض متى مابغا يستنجس متى مابغى مسيطر علي شوي تصدق وانا مشكلتي احبه وتصدق يطلع الاكل لي من اثمه ويطلع صوت زي البزارين وكذا وهو خلاني اطلعه ماحلفتني 8 متر وانا جادعه الطير طلع كوره بيعض ههه الله يعين شفلي حل يادكتور وشكرااا
|
رد: الفـائـده من التجعيـر
مشكور اخووي ع هالمعلوماات..
|
رد: الفـائـده من التجعيـر
اقتباس:
اول شي كم عمر طيرك ؟ ثاني شي كم تجلس معه في اليوم ؟ |
رد: الفـائـده من التجعيـر
يعطيك العافيه ياخوي على النصائح الجميله واتمنى ان تجد حل لمشكلتي
عندي ببغاء عمره تقريبا حوالي السنه مشكلته في التجعير بس مع دروس الاخ سمسار الحمد لله عودت الطير على الصعود للاستاند وخف التجعير بنسبه 80 % وصار مايجعر الا عند الاقتراب منه تماما يعني لما يكون بيني وبينه سنتيمترات فقط وانا ابغى اقضي على التجعير نهائيا فما الحل علما باني لما احاول امسكه بمنشفه واهديه يجلس يتشنج ويجعر بطريقه همجيه ولا يسكت الا قليللا جدا وعند اي حركه يبدا الجعير والصراخ من جديد والمشكله الثانيه ياغالي هو انه يعض عض مو طبيعي يعني يديني ماسلمت منه بصراحه قطعها يعض عض قوي جدا وانا حاب اخليه يترك العض والتجعير علشان ابدا ادربه على الكلام فما هو الحل ؟؟؟ وحاولت اعطيه الاكل من يدي ياخذه بمنقاره ويرميه حاولت عشرات المرات وجوعته يوم كامل وجبت له الاكل من يدي فرفضه اي انه رافض تماما فكره الاكل من يدي فما هو الحل ..؟؟؟ |
رد: الفـائـده من التجعيـر
اقتباس:
الحل اذا عندك مكان في البيت مايدخله الا انت حط الطير فيه ومايدخل عليه الا انت فقط لمده اسبوع ...هذي الطريقه راح يفهم الطير انك صديقه وانك ماراح تضره .. الحل لتجعير انك تحط الطير في حضنك ..وامسح على راسه { راح تلاحظ انه بتدرج يسكت عن التجعير } امسح تحت العين وخلف العين تماما لو سويت الطريقه هذي بنسبه 80% الطير ماراح يجعر خلال يومين ... مشكله العض عند الطير ..لازم الطير يعرف انك ماتخاف منه اطلاقاً لانه اذا عرف انك خايف منه راح يهيج عليك خله يعضك وهو يعض اصرخ عليه بكلمه ( عيب) يعني تفهم الطير ان اللي يسويه عيب راح يفهم من نفسه وماراح يعضك ... اتوقع ان الجوع يوم كامل مايفيد لازم يكون يومين او اكثر بس بصراحه انا ما استخدم هذي الطريقه اخوي الطير مثل الطفل يعرف الصح والغلط ... الطير اذا عرف انك صديقه وماراح تضره صدقني راح ترتاح وهذي من تجارب كثيره سويتها ونجحت والله والطير راح يحبك |
رد: الفـائـده من التجعيـر
يعطيك ألف عافيه اخوي
لاكن اخوي انا بغيتك تشووف لي حل مع ببغائي انا عندي طير فررخ مثل ماشفته اخوي في الموضوع ويعطيك ألف عافيه على الرد لاكن فيه جعرره خفيفه ولا يعض ابدا لاكن إذا بغيت امسح عليه يرفع جنحانه وشفت بعض الطرق بالمنشفه يعني هل هي تنفع مع الطير ولا يمكن يتوحش |
رد: الفـائـده من التجعيـر
اقتباس:
واذا عضك ماراح تكون قويه لانه فرخ تحياتي لك |
رد: الفـائـده من التجعيـر
الصراحه معلومات قيمه ماكنت اتوقعها
على العموم يعطيك الف عافيه وشاكرلك يالغالي على المعلومات الي اكثر من رائعه نتضر جديدك :) |
| جميع الأوقات بتوقيت GMT +3. الساعة الآن 02:47 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو