منتديات تو زوو - مبدتئ وعندي اسئله.. ساعدوني

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - مبدتئ وعندي اسئله.. ساعدوني (http://www.2zoo.com/vb/showthread.php?t=111486)

مبدتئ وعندي اسئله.. ساعدوني

السلام عليكم ورحمة الله

أولاً احب اشكر القائمين على هالمنتدى وكل المشرفين والأعضاء

انا صارلي فترة وانا اتصفح هالمنتدى وحبيته

وحبيت الببغاوات واايد

وراح اقتني واحد اليوم :)

وبما اني مبتدئ عندي اسئله وااايده

ببغائي الأمزون (يلوناب) عمره في حدود 4 أشهر

انصحوني ودلوني بكيفية تغذيته..

لإني شفت موضوع الأخ سكر وهو يطعم الفرخ بالأبره

هل اطعمه بالإبره ولا احط له الحبوب والأكل في اواني الأكل وهو بروحه بياكل ؟؟؟

بالنسبه للأدويه إذا خذته وكانت صحته زينه هل لازم احط له ادويه ومغذيات ومكملات ولا الأكل راح يكفي ؟؟

هل لازم من أول يوم اخليه يتمشى بالبيت ؟؟ اخاف يعجبه الوضع وما يرضى يدخل واتوهق هههه

وإذا في أول اسبوع ما اطلعه من القفص فكيف راح اغسل القفص ؟؟

راح احط اسئله اخرى إذا حصلت الرد على هالردود

واكيد راح تطلع اسئله واستفسارات اكثر من يشرفني بالبيت :)

واتمنى من كل مبدتئ شراتي يحطون اسئلتهم عشان الكل يستفيد

رد: مبدتئ وعندي اسئله.. ساعدوني

اقتباس:

ببغائي الأمزون (يلوناب) عمره في حدود 4 أشهر

الف الف مبروك واليلوناب افضل الطيور

اقتباس:

هل اطعمه بالإبره ولا احط له الحبوب والأكل في اواني الأكل وهو بروحه بياكل ؟؟؟

اذا عمره اربع شهور توه صغير يعني ما بع اعتمد على الحبوب .ممكن تعطيه ثلاث مرات يوميا سيرلاك وتقدر تعطيه حبوب مشكل اذا يأكل.

اقتباس:

بالنسبه للأدويه إذا خذته وكانت صحته زينه هل لازم احط له ادويه ومغذيات ومكملات ولا الأكل راح يكفي ؟؟

عمر اللي عندك صغير ومعرض للاصابه لازم تعطيه فتامينات ثلاث مرات في الاسبوع وتضعها في الماء واخر النهار تغير الماء ضروري.

اقتباس:

وإذا في أول اسبوع ما اطلعه من القفص فكيف راح اغسل القفص ؟؟

لا عادي طلعه وروشه لاكن انتبه من التيارات الهوائيه وهذه فرصه يتعلم عليك ويحس بالحريه.

اتمنى اني افدتك والاخوان ما راح يقصرون.

رد: مبدتئ وعندي اسئله.. ساعدوني

يزاك الله خيييير يا خوي على ردك السريع المفيد

بإذن الله بمر اخذ الأدويه قبل لا اخذ الطير :)

واللي عنده اضافات لا يبخل علينا

رد: مبدتئ وعندي اسئله.. ساعدوني

اقتباس:

السلام عليكم ورحمة الله

وعليكم السلام ورحمة اله وبركاته

اقتباس:

أولاً احب اشكر القائمين على هالمنتدى وكل المشرفين والأعضاء
انا صارلي فترة وانا اتصفح هالمنتدى وحبيته
وحبيت الببغاوات واايد
وراح اقتني واحد اليوم :)

كلنا عائلة واحدة وكلنا راح نفيد و نستفيد ان شاء الله

اقتباس:

وبما اني مبتدئ عندي اسئله وااايده
ببغائي الأمزون (يلوناب) عمره في حدود 4 أشهر
انصحوني ودلوني بكيفية تغذيته..

الف مليون ترليون مبروووك ويتربى في عزك ان شاء الله

اقتباس:

لإني شفت موضوع الأخ سكر وهو يطعم الفرخ بالأبره
هل اطعمه بالإبره ولا احط له الحبوب والأكل في اواني الأكل وهو بروحه بياكل ؟؟؟

العمر الي يقدر يعتمد عليه الطائر بنفسه هو من ستة اشهر .. وطريقة سكر 100% وزي ما افاد (ابو محمد) ثلاث مرات يوميا ..

اقتباس:

بالنسبه للأدويه إذا خذته وكانت صحته زينه هل لازم احط له ادويه ومغذيات ومكملات ولا الأكل راح يكفي ؟؟

ابدا لا تحاول تعطيه ادوية وخرابيط .. اشتري الغذاء المتكامل للببغاء يحتوي على جميع الفوائد والفيتامينات الغذائية بطريقة مجففة وسهلة .. لان الامازونيات مناعتها قوية ما شاء الله عليها مو مثل الطيور الاخرى ..

اقتباس:

هل لازم من أول يوم اخليه يتمشى بالبيت ؟؟ اخاف يعجبه الوضع وما يرضى يدخل واتوهق هههه
وإذا في أول اسبوع ما اطلعه من القفص فكيف راح اغسل القفص ؟؟

عااااادي جدا خليه من اول يوم يتمشى بالبيت لانو راح يولف عليك بسرعة .. وراح تنبسط منه ..

اقتباس:

راح احط اسئله اخرى إذا حصلت الرد على هالردود
واكيد راح تطلع اسئله واستفسارات اكثر من يشرفني بالبيت :)

احنا تحت امرك .. وان شاء الله ماراح نبخل عليك ..

رد: مبدتئ وعندي اسئله.. ساعدوني

يزاك الله خير اخوي مجنون الأمازون

يعطيك العافيه على هالرد

انزين اخواني تنصحوني اسويله وجبات مثل وجبات الطفل .. يعني تفاحه مسلوقه مهروسه او خضره مسلوقه مهروسه أو الرز المسلوق المهروس باللبن ؟؟ اعتقد افضل من السليلاك.. ولا شو الراي .؟

مادري إذا فيه حد جرب هالأشياء

وهل ابدأ احممه من اول اسبوع ؟؟

وكيف اعرف الذكر من الأنثى ؟؟

رد: مبدتئ وعندي اسئله.. ساعدوني

هلا فيك آخوي :) وبالتوفيَق

رد: مبدتئ وعندي اسئله.. ساعدوني

للتصحيح فقط :)

خذت كاسكو بدل الأمزون

ويارب بعد جم شهر احصل امزون بسعر حلو عشان اقدر اخذه لأني واايد حبيت هالطير

رد: مبدتئ وعندي اسئله.. ساعدوني

السلام عليكم ورحمة الله

اتمنى حد من الأعضاء يرد علي

ببغائي الكاسكو عمره من 3-4 شهور

بس وايد خواف حتى من الماي يخاف

وما يعرف يشرب الماي مع اني احط له في الأواني مالته الماي وما يقرب منه

فأضطر اشربه بالأبره ويخاف بعد ويشرد

اخاف يتعود انه يشرب بالأبره

شو الحل معاااه ؟؟؟