بليز مهم جدا
 

السلام عليكم


اليوم انا منزل الموضوع واهم موضوع لي اذا نجح وراح يزيد تعلقي
بل المنتدى هو كيف اقنع ابوي اني اجيب قطو قلتله يقول كلها وساخه وامراض حولت اعلمه
ان القطاوة الحين مو زي زمان قلتله التطعيمات تبعد الامراض بائذن الله قال حتى
يكذبون عليكم الكفار تدفعون فلوس على الفاضي اشان التطعيمات ومره جانا واحد من ازملاء
ابوي وبنته عندها قطو بعدين اقنع ابوي وعلطول رحنا شريناها حنا والرجال ولاكن
جاء واحد من اخواني رماها وهي جابة قبل اسبوع عند الحياه والطبيعه 2500 وانقلبنا انا واختي
الصغيره بكاء عليها ليومك وحاقدين على اخوي وبعدين اهلي كلهم موافقين الا
ابوي وابوي من الناس الي ما ينقنعون الى من الي برا واصدقاه مو يقدرن ذا الشي مايعطونا وجه
وكلهم عندهم لعيالهم قطاوه مابي اطول اكثر من اللازم :(
:(:(:(:(:(:(:(:(

رد: بليز مهم جدا
 

رد: بليز مهم جدا
 

ههههههههه

أما انت جرئ يا باد..;)

اما بالنسبة لي..ابوي هو اكتشفها بغرفتي..

كان راجع من برا يسوي رياضه..وصعد لغرفتي

فيها آلات رياضية..ولما فتح الباب..

أقبلت عليه ميلودي..:D وانا كنت بالسطح

اسمعه يتحلطم..وقلت لازم اقابله واكلمه..:o

فلما جلست معه بروحنا..قدرت اتوصل معه لحل:p

كلمته عن الليتر (الرمل) و قلت له انه مايطلع ريحه

وقلت له انها موجوده عندي 5 ايام..وهو ماحس فيها..

بعدها اقتنع و سكت..:)

لأنه كان راااافض بالمرة..كان يفكرهم وسخين..

وانهم يعملون حاجتهم في اي مكان غير حوضهم.. :o

تحياتي,,

رد: بليز مهم جدا
 

والله أستغرب انا شلوون هل الاهل تفكيرهم غبي مدري الي بيهتم فالقطوه انا ولا انتم

الصراحه انا شريت القطووه والعالم العربي كله معارض ههههههههههههه

رحت للمحل وشفتها وخقيت عليها وشفت بنات صغار يصورونها قلت لهم حلوة قالو ايوا قلت هاتوها

وهم يحممونها اتصلت على ماماتي وقلت لها يمه تراني جايب قطوة معي يلا جهزيلي الغرفه وقومت الدنيا وقعدتها علي بالجوال وسكت الين خلصت مار اقولها خلاص هونت هع هع هع

وادخل البيت وخي على رقبتي وبعت تقوم وتذبحني واخواتي الصغار يطامرون حولي يبون يلمسونها

ثم بدت تركد الوالده

ويبدى اعصار الوالد المحترم من يوم دخل ويستقبلوونه اخواتي اسامة جاب قطوه تجتنن وهو يهاوش والقطوة زبنت جوا بنطلوني خخخخ


واقووله مالك شغل فيها هي بغرفتي وبهتم فيها وانا موظف بكد عليها هع هع هع

والحين العايله كلها تطارد لولو وهي مغتره تمشي متمختره لبى خشمها يا ناث وهـ بس

يعني الزبده يالغالي دخلها على هلك وبس لا تشاور ولا تقووول شي قل شريتها يعني انطلها وبس

ترا الارضاخ لأمر الواقع مفيد تصادم اول ساعتين ثم يرخووون مثلها مثل اي شي ثاني

بس لا تكبرها عشانها حيوان اليف


ودمت بخير ..


مع تحياتي :

أسآمهـ

رد: بليز مهم جدا
 

أوافق اللي قبلي يبت توته باسلوب اني أييب القطوه وأحطهم في الأمر الواقع :D

بس مدام بيتكم لهم سوابق واخوك طلعها لا تسوي مثلنا لأن ممكن يطلعونها مره ثانيه وحراام تاخذ اثمها وبتكون اكيد متعوده على البيت

الله يعينك :)

رد: بليز مهم جدا
 

انا اليوم اكتشفة ان امي تحب القطاوه لاكن ماتبي تعلمنا واذا قلناله اقنعي ابوي تقول خذو اذنكم منه ليه كذا

اما من ناحية اخوي سار ذيبان يقول ماعلي منها ماني قايل لاحد رحنا للحياة والطبيعه اليوم وقلنا لابوي نبي
نتفرجقال خلاص طيب ويم دخلنا قام يقول طلعنا الريحه شينه وامي شافة الهاف بكي عجبتها هي والهملايا وعلى قولة امي عن الهاف ام وجه مدعوس واليوم في نفس الوقة لقينا قطوتنا بالحياة
والطبيعة تفجانا وتخيلو تفشلنا قامة اختي الصغير هي في صف ثاني قدام الناس مايلي اسم القطوه بنقذك
لاتخفين والقطو عرفتنا قامة تماوي وشويه ابوي عصب قال يخذونها الحرمية سالناهم كم السعر قالو 3400 رخيص هدا مافيه قالي وبعدين ابوي من الناس الي يقتنع من الي برا اصدقاه وكلهم مايعطونا وجه يزبدولنا يقولون وسخه وكل عيالهم عندهم قطاوه منافقيييييييين انا وله احينا ابكي من القهر ليه يعيون ايش الا سباب
كل ما اقوله يقول بسه مافيه تخش البيت لاهي ولا الكلب بس انتم ضانين الخطه عادي اخليها
في حمام برا الحوش لنها بتماوي جو البيت مساحت الحمام 2م×2م

رد: بليز مهم جدا
 

جتني خطه اني اقول واحد من اخوياي عطانيايها هديه ويقول ماعلي منك حقك خلااااااااص

والمشكله والحظ الشين كل الناس الي يبعون قطاوه كانو في المنتدا ولا برا غالين وانا حدي 400 ريال

تكفون الي يعرف احد في الرياض بضا السعر وتكون شيرازي مون فيس بيضا وعيون عسلي وانثى تكفون فزعتكم

رد: بليز مهم جدا
 

وين الردود ي ناس ابي حل تكفون

رد: بليز مهم جدا
 

رد: بليز مهم جدا
 

خوي انا انصحك تقول هذي قطوة صديقي وهو مسافر واذا رجع بياخذها علشان يحترمونها ومايفكرون يحذفونها واذا تعودو عليها قول خويي حلف علي اخذها وبكذا تكون اقنعتهم بطريقه ثانيه << تسااااعد عالكــــــــذب ههههههههه