|
العـيـــــــــــــــــن حق ..!!
السلام عليكم ورحمة الله وبركانة
انا اليوم ودي اننا نناقش قضية العين اللتي تصيب طيورنا العين مذكوره بالقرآن ومانقدر اننا نتجاهل هالشي و الكثير منا قد يغفل عن هالسبب ويتجه لبيطري وما الى ذلك او قد يلوم نفسه وهو ليس بمذنب .. محدثتكم اقتنت كاسكو بمبلغ 2250 وجلس عشر ايام عندي خمس ايام نشيط وخمس ايام مريض ومات يعني ماتهنيت فيه ولا حتى لمسته .. طبعا مجتمعي مايملك طيور زينه ابدا ً وانا طيري شريته في رمضان وكان بمثابة مزار او متحف الكل كان يجي ويشوفه وانا مبسوطه ومااشك فيهم لا والله بس اقول ممكن عين .. ليش لا .. بعدها بكم شهر شريت طير ثاني درة بمبلغ وقدرة 400 ريال جلس يوم واحد ومرض لمدة خمس ايام ومات .. يعني هل تتوقعون اكون (منظوله) على الببغاوات؟؟ يعني مالي نصيب فيها:( انا بالمختصر المفيد ماطاب خاطري للحين.. وابي اشتري بس اخاف يصيبه ماصاب الطيور اللي قبله .. طبعا للامانه انا ماافحصهم عند البيطري اول مايجون بس يكفي انهم يكونون نشيطين اول ماشتريهم وبعد كم يوم يمرضون ويموتون :( ليه طيب؟؟.. ياليت نتناقش بهالقضيه ونشوف علاجها اسبابها هل احد منكم تعرض لمثل هالموقف؟ حتى الكل يستفيد .. طبعا ً قررت اشتري طيور الحب بعد ماشريت الدرة والكاسكو شفتو كيف انا عكس الناس ... الناس تبدا من الاصغر للاكبر وانا من الاكبر للاصغر .. :) سلام |
رد: العـيـــــــــــــــــن حق ..!!
الطيرين ماتو بنفس الطريقه ...
تأكدي من طريقه تربيتك قبل العين والعين حق لاكن قد تكون هناك اخطاء جوهريه .. كقريب لي اشترى كاسكو ب2000 ريال وتم شحنه من الرياض لجده ... اول ما وصل الطير حطلو مويه بارده وحطو قدام المكيف قال ايه يبرد على قلبو شويه من الطريق طبعا الطير مرض وبعدها بيومين مات.. وهو يقولي اسوي في الرجال خدعني غشني عين ... لما سالتو عرفت السبب تأكدي قد يكون خطأ غير مقصود |
رد: العـيـــــــــــــــــن حق ..!!
ممكن عين وممكن مرض
توكلي على الله ,,, والافضل بفترة الزيارات تحطينه بالغرفة الين يروحون .. او تحصنينه بالمعوذات ,, |
رد: العـيـــــــــــــــــن حق ..!!
العين حق وكما قال رسول الله ( صلى الله عليه وسلم ) ( العين حق، ولو كان شيء سابق القدر سبقته العين ... إلى آخر الحديث ) وقال صلى الله عليه وسلم في الحديث الصحيح: (العين تدخل الرجل القبر، والجمل القدر) والأحاديث كثيرة في ضرر العين والواجب علينا إذا رأى الشخص ما يعجبه في ماله أو نفسه أو إخوانه إن يدعو له بالبركة كما قال رسول الله صلى الله عليه وسلم: (إذا رأى أحدكم من نفسه أو ماله أو من أخيه ما يعجبه فليدع له بالبركة، فإن العين حق) بعكس إللي أشوفه من ردود البعض على موضوع عضو عارض صورة طيوره تحصلينه راد بــ (( يا ليت عندي واحد مثله )) ولا (( إللي أعطاك يعطينا )) سبحان الله كأنه بينقص منه شي لو قال ما شاء الله وأخيراً ما يمنع أختي إن ترقين طيرك كرقية جبريل للنبي صلى الله عليه وسلم: (باسم الله أرقيك، من كل شيء يؤذيك، من شر كل نفس أو عين حاسد الله يشفيك). وهذا إقتباس لجواب الشيخ د. سلمان بن فهد العودة ( عند سؤاله هل تُشرع رقية الحيوان ) لا بأس برقية الحيوان إذا أصابته عين ، ولا دليل على المنع ، بل أحاديث جواز الرقية تدل بعمومها على جواز رقية كل حي ، وأن الرقية تنفع - إن شاء الله - .بل قد يكون في حديث الرقية الذي أخرجه البخاري (2276) عن أبي سعيد قال : (( فكأنما نشط من عقال)). دلالة على رقية الحيوان ، فإن المشبه يأخذ حكم المشبه به، وأن المرقي عليه كأنما أطلق عقاله بعد أن كان مربوطاً والحيوان كذلك ، والله أعلم . بالتوفيق يا رب |
رد: العـيـــــــــــــــــن حق ..!!
اقتباس:
لاحظوا .. اهم شي فليدع له بالبـــــــركـــــه .. يعني هنا مو بس تقولوا ماشالله لأنو ماشاء الله .. تقتضي المشيئه .. مشيئة الله .. تبارك الله .. تقتضــــي البركـــه والدعاء بالبركــه .. يعني بالعربي .. ماشاءالله تبارك الله .. بالكامــــل تنقال مو ماشاءالله لحالها .. .......... الشي التانــــــي على حسب ماشفت حالتك .. يمكن يمكن وليس مؤكداً الغلط من طريقتك .. يمكن حطيتيهم بغرفـــه مكيفـــه .. أحتمال عندكم بالبيت كلب .. بعض الكلاب فيها جراثيم قد تقتل الطيور ... يمكن حشره .. حشره محد داري عنها .. سممت طيرك .. او سممت طعامــــه .. يمكن ماعرضتيهم نهائياً لضوء الشمس .. يمكن عاملتيهم بقساوه وخوفتيهم .. او يمكن احد من اخوانك .. او حتى الخدامـــه تيجي منهم ترا .. بحكيكي حكايــــه .. مره خالي الله يرحمــه جاب لنا بس رومي يهبببببل .. وامي تموت بالبسس .. وكانت فرحانه فيهم .. وكلنا كنا نحبها .. بس البسه توسخ كثير وتجيب المرض بأوساخها .. اليوم التاني مالقيناها .. وين راحت .. طلعتها الخدامــه بالدسه برا البيت .. ولأنو البسه ماكانت عندنا الا يومين .. مارجعت لنا .. يعني يمكن احد بالبيت .. وطبعا العين حق .. |
رد: العـيـــــــــــــــــن حق ..!!
ممكن كم سوال مته تعطينهم اكل وماء ومته تطلعينهم من القفص ، وبرد على ردك،،
|
رد: العـيـــــــــــــــــن حق ..!!
أخوي حب استطلاع أشكرك على الإفادة ربي يوفقك في الدنيا والآخرة,,, وبصراحة أفدتني بجوابك خصوصاً مشروعية رقية الحيوان ربي يجعلها في موازين حسناتك,,, والشيخ سلمان العودة الله يوفقه ويحفظه لنا ويطول في عمره ويزيده من بركته,,, ويشهد الله اني أحبه في الله,,, وأتمنى لو أشوفه وأقبل راسه ويده,,,, بالنسبة للعين انا عندي قناعة ان أساسها المستقبل وليس المرسل,,, إذا ذكر الله ما يفارقنا, بتكون نسبة العين علينا, ضئيلة,,, وإذا احنا في غفلة,,, أتوقع اننا معرضين للعين,,, وفي كل الأحوال أوصي نفسي وإياكم بالعمل على تحسين النية,,, فهي مفتاح لكل خير ووقاية من كل شر,,, أنا من الناس اللي أهمل قضية العين في الغالب,,, مو لأني أنكرها ,, لا والله هي حق,, لكن لأن ثقتي بالله أكبرر من كل شرر أو خوف,,, ومرة أحد المشايخ أضنه الدكتور عائض القرني قال في معنى كلامه,,, (إن بعض الناس يرمي فشله في حياته على العين,, ويقول انه محسود,, وهو ما عنده إلا سادس ابتدائي وأخذها ليلي وبالواسطة ,,,الخ) وفي الأخير,, الشيطان يوسوس لنا,,,,,,,,, ل ي ح ز ن الذين آمنو,,,, واعتقادنا بالعين,, في كل مصاب نصاب به,,, ماهو إلا تجسيد للحزن,,, وتأكيد للحقد على الآخرين,,, ومدعاة للكره والتباغض,,, العين حق,, ولكن وهذي الأمور كلها تخلي الشيطان يصير مبسوط بإنجازة,,, أتمنى اني أكون وصلت الفكرة بالشكل الصحيح,,, وكلامي يشهد الله للجميع وليس مخصص للأخت الدرة المطوقة فقط,,, تقبلو فائق التقدير,,, تحياتي |
رد: العـيـــــــــــــــــن حق ..!!
hawi56
والله يااخوي الماء معتدل يعني من المغسلة بعدين يااخوان سالفة المكيف انا اشوف ان عند بنت عمي وخالتي كوكاتيل حاطينهم بغرفه بارده وماشاء الله مافيهم الا العافيه وينقلونهم من غرفه لغرفه .. فتفوته جزاك الله خير حب استطلاع انا رقيت طيري وهو مريض لكن مالله كتب انه يعيش .. ومشكور ماقصرت استفدت من ردك الكثير .. زينه ونحول والله الطير الاول الكل شافه والثاني ماحد شافه عشان كذا شكيت اني انا المحسودة مو الطيور وبالنسبه للحشره ماتوقع فيه لاني ربيت واحد ببيت غير عن البيت الثاني يعني تختلف الاسباب والله وحده اللي يعرف .. سماوي الجبه اغير الماء والاكل مرتين يوميا ً حتى تنظيف القفص كل يوم < هذا الطير الثاني لاني حرصت عليه اكثر من الأول وماكنت اطلعه من القفص لان ريشه مو مقصوص ومو أليف .. صاحب المحل قال لاتعطينه شي غير الحب الشمسي بس كنت اعطيه تفاح لانه يحبه كثير و التفاح يطول بالقفص شوي .. مدري تتوقع من التفاح ..!! سكر اقتباس:
بعدين العين تنقسم لاقسام عين اعجاب وعين حسد( تمني زوال النعمة) والاعجاب ممكن يكون من اطفال مايذكرون الله او ممكن حتى من اهل البيت مااقول لا .. كل شي جايز.. اشكركم على ردودكم واثراءكم للموضوع.. |
رد: العـيـــــــــــــــــن حق ..!!
انا ما قصدت الماء او الهوا بقصتي انا قصدت العبره...
انظري في تدريبك لعل هناك مشكله تتسبب في مرض الطير |
رد: العـيـــــــــــــــــن حق ..!!
يعطيكم العافيه على ردودكم وكلامكم المفيد ...
والعين حق بس مو كل ماصار شي قلنا عين وعين ..الواحد يتاكد قبل الحكم .... وقبل كل شي توكلي على الله وان شاء الله مايصيبك الا الخير ....والله يكفينا شر العين والحسد ويبعد عنا شياطين الجن والانس .. |
| جميع الأوقات بتوقيت GMT +3. الساعة الآن 11:28 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو